Jana Nayagan: `జన నాయగన్` విజయ్ చివరి సినిమా కాదు, మొదటి సినిమా.. స్టోరీ లీక్‌ చేసిన డైరెక్టర్‌

Jana Nayagan: ప్రపంచవ్యాప్తంగా భారీ అంచనాలతో రిలీజ్‌కు సిద్ధమవుతున్న 'జన నాయగన్' సినిమాపై డైరెక్టర్ చేసిన కామెంట్స్ ఇప్పుడు హాట్ టాపిక్‌గా మారాయి. ఇది విజయ్ చివరి సినిమా కాదంటూ ఆయన ఇచ్చిన హింట్ సినిమా, రాజకీయ వర్గాల్లో చర్చనీయాంశమైంది.

చివరి సినిమా కాదు, విజయ్‌ మొదటి సినిమా

‘జన నాయగన్’ విజయ్ చివరి సినిమా అని అందరూ అనుకుంటున్నారు. దీనిపై డైరెక్టర్ హెచ్‌ వినోద్‌  స్పందించారు. 'ఇది విజయ్ చివరి సినిమానో కాదో ఎవరూ చెప్పలేరు. కానీ,  సీఎం విజయ్ గారి మొదటి సినిమా అని మాత్రం చెప్పొచ్చు` అని ఆయన అన్నారు. ఈ కామెంట్ ఇప్పుడు వైరల్ అయింది.

ముందు విజయ్‌ కాదు

ఈ సినిమా కేవలం కమర్షియల్ ఎంటర్‌టైనర్ కాదని, లోతైన రాజకీయాలను చర్చిస్తుందని డైరెక్టర్ చెప్పారు. ఈ కథను విజయ్‌ కంటే ముందు కొందరు స్టార్ హీరోలకు వినిపించారట. కానీ, అంత బలమైన పొలిటికల్ స్టోరీలో నటించే ధైర్యం వాళ్లకు లేకపోవడంతో, చివరికి ఈ ప్రాజెక్ట్ విజయ్ దగ్గరికి వచ్చిందని వినోద్‌ తెలిపారు.

చాలా కాలం నిలిచిపోయే మూవీ జన నాయగన్‌

ఈ సినిమాలో రాజకీయాలను పైపైన చూపించలేదని, ఉక్రెయిన్-ఇరాన్ యుద్ధంలో చూసిన 'మోడరన్ వార్‌ఫేర్' తరహాలో ఉంటుందని వినోత్ అన్నారు. ఈ సినిమాలోని కొన్ని సీన్లపై ప్రేక్షకులు చాలా కాలం చర్చిస్తారని, ఇది వాళ్లకు ఒక 'కేస్ స్టడీ' అవుతుందని ఆయన నమ్మకంగా చెప్పారు. పిల్లలు ఇష్టపడే విజయ్ సినిమాకు 'A' సర్టిఫికెట్ రావడం కాస్త బాధగా ఉన్నా, 'సూదు కవ్వుమ్' లాగా పదేళ్లయినా ఈ సినిమా ప్రభావం నిలిచిపోతుందని అన్నారు. పూజా హెగ్డే, బాబీ డియోల్, మమితా బైజూ, గౌతమ్ వాసుదేవ్ మీనన్, ప్రకాష్ రాజ్ లాంటి స్టార్స్ ఈ సినిమాలో నటించారు.