దురదృష్టం అంటే అల్లు అర్జున్ తో నటించిన ఆ ముగ్గురు హీరోయిన్లదే.. ఎవరికీ ఎదురుకాని విచిత్రమైన పరిస్థితి

అల్లు అర్జున్ నటించిన తొలి మూడు చిత్రాలు సూపర్ డూపర్ హిట్ అయ్యాయి. అల్లు అర్జున్ గంగోత్రి చిత్రంతో హీరోగా ఎంట్రీ ఇచ్చారు. ఈ మూవీ ఫ్యామిలీ ఆడియన్స్ ని విపరీతంగా ఆకట్టుకుంది.

ఐకాన్ స్టార్ అల్లు అర్జున్ ప్రస్తుతం పుష్ప 2 చిత్రంలో నటిస్తున్నారు. సుకుమార్ దర్శకత్వంలో తెరకెక్కుతున్న ఈ చిత్రం డిసెంబర్ 6న గ్రాండ్ రిలీజ్ కి సిద్ధం అవుతోంది. త్వరలో భారీ ఎత్తున ప్రచార కార్యక్రమాలు ప్రారంభించబోతున్నారు. అల్లు అర్జున్ కెరీర్ బిగినింగ్ లో వరుస హిట్లు అందుకున్నారు. 

అల్లు అర్జున్ నటించిన తొలి మూడు చిత్రాలు సూపర్ డూపర్ హిట్ అయ్యాయి. అల్లు అర్జున్ గంగోత్రి చిత్రంతో హీరోగా ఎంట్రీ ఇచ్చారు. ఈ మూవీ ఫ్యామిలీ ఆడియన్స్ ని విపరీతంగా ఆకట్టుకుంది. మ్యూజికల్ బ్లాక్ బస్టర్ గా నిలిచింది. ఆ తర్వాత సుకుమార్ దర్శకత్వంలో వచ్చిన ఆర్య చిత్రం యువతని ఒక ఊపు ఊపేసింది. ఫీల్ మై లవ్ అనే కొత్త పాయింట్ తో సుక్కు ఈ చిత్రాన్ని తెరకెక్కించారు. వివి వినాయక్ దర్శకత్వంలో తెరెకెక్కిన బన్నీ చిత్రం కూడా సూపర్ హిట్. ఈ మూవీ మాస్ ఆడియన్స్ ని మెప్పించింది. 

అయితే ఈ మూడు చిత్రాల విషయంలో కామన్ గా షాకింగ్ మ్యాటర్ ఉంది. సాధారణంగా సినిమా ఫ్లాప్ అయితే హీరోయిన్లు ఇండస్ట్రీకి దూరం అయ్యే ఛాన్స్ ఉంది. కానీ అల్లు అర్జున్ తొలి మూడు చిత్రాలు బ్లాక్ బస్టర్ హిట్ అయినప్పటికీ ఆ హీరోయిన్లు ఇండస్ట్రీకి దూరం అయ్యారు. ఆర్య చిత్రంలో అను మెహతా హీరోయిన్ గా నటించింది. ఆమె ఇప్పుడు ఎక్కడ ఉందో ఏం చేస్తుందో ఎవ్వరికీ తెలియదు. 

గంగోత్రి చిత్రంలో నటించిన ఆర్తి అగర్వాల్ సోదరి అదితి అగర్వాల్ ఫారెన్ లో సెటిల్ అయింది. టాలీవుడ్ కి కంప్లీట్ గా దూరం అయింది. బన్నీ చిత్రంతో సూపర్ హిట్ అందుకున్న హీరోయిన్ గౌరి మంజిల్ కూడా ఆ తర్వాత ఇండస్ట్రీలో రాణించలేకపోయింది. 

అల్లు అర్జున్ తొలి మూడు చిత్రాల్లో భాగం అయిన హీరోయిన్లు ఇప్పుడు అసలు కనిపించడం లేదు. సినిమాలు ఫ్లాప్ అయితే ఒకే కానీ.. సూపర్ హిట్స్ కొట్టిన తర్వాత కూడా వాళ్ళు ఇండస్ట్రీకి దూరం కావడం బ్యాడ్ లక్ అనే చెప్పచు.