అసలు పోకిరి ఎందుకు ఆడిందో నాకే తెలియదు, మహేష్ బాబు ఇండస్ట్రీ హిట్ పై పూరి జగన్నాథ్ షాకింగ్ కామెంట్స్ 

దర్శకుడు పూరి జగన్నాథ్ కెరీర్లో బిగ్గెస్ట్ హిట్ పోకిరి. ఇండస్ట్రీ రికార్డ్స్ బద్దలు కొట్టిన ఆ చిత్రం పై పూరి జగన్నాథ్ చేసిన కామెంట్స్ వైరల్ అవుతున్నాయి.   

Mahesh Babu

2006లో విడుదలైన పోకిరి ఒక సంచలనం. పూరి జగన్నాథ్-మహేష్ బాబు కాంబోలో వచ్చిన ఫస్ట్ చిత్రం పోకిరి. దర్శకుడు పూరి జగన్నాధ్ తన హీరోల క్యారెక్టరైజేషన్ చాలా రఫ్ అండ్ టఫ్ గా తీర్చిదిద్దుతాడు. రాముడు మంచి బాలుడు అనే సిద్ధాంతం పూరి జగన్నాధ్ బ్రేక్ చేశాడని చెప్పొచ్చు. నెగిటివ్ షేడ్స్ తో హీరో పాత్రలను రూపొందిస్తాడు. 

Mahesh Babu

గతంలో ఎన్నడూ చూపించని విధంగా పోకిరి లో మహేష్ ని ప్రజెంట్ చేశాడు. మహేష్ బాబుకు జంటగా ఇలియానాను తీసుకున్నారు. అప్పటికి ఇలియానా దేవదాసు చిత్రం చేసి ఉంది. పెద్దగా ఫేమ్ లేని ఆమెకు మహేష్ బాబు పక్కన ఛాన్స్ దక్కింది. ప్రకాష్ రాజ్ ప్రధాన విలన్. నాజర్, బ్రహ్మానందం, అలీ, అజయ్, సుధ, ఆశిష్ విద్యార్థి, సాయాజీ షిండే ఇతర కీలక రోల్స్ చేశాడు. 

పోకిరి చిత్రానికి మణిశర్మ సంగీతం అందించారు. 2006 ఏప్రిల్ 27న సమ్మర్ కానుకగా విడుదల చేశారు. ఫస్ట్ డే మూవీకి మిక్స్స్ టాక్. మెల్లగా మూవీ పుంజుకుంది. పాజిటివ్ వర్డ్ ఆఫ్ మౌత్ సినిమాను ఎక్కడికో తీసుకెళ్లింది. టాలీవుడ్ రికార్డ్స్ పోకిరి బ్రేక్ చేసింది. పూరి జగన్నాథ్ రాసిన డైలాగ్స్... ఎవర్ గ్రీన్. ఎవడు కొడితే దిమ్మ తిరిగి మైండ్ బ్లాక్ అవుతుందో వాడే పండుగాడు.. వంటి డైలాగ్స్ ఓ రేంజ్ లో పేలాయి. 

Mahesh Babu

ఇలియానా గ్లామర్, మణిశర్మ సాంగ్స్, బ్రహ్మానందం-అలీ కామెడీ ట్రాక్స్ ఫుల్ గా ఎంటర్టైన్ చేశాయి. మహేష్ బాబు ఇమేజ్ ని మరో స్థాయికి తీసుకెళ్లిన చిత్రం పోకిరి అనడంలో సందేహం లేదు. కాగా పోకిరి అనంతరం ఆ రేంజ్ మూవీ పూరి జగన్నాథ్ నుండి రాలేదు. కాగా పోకిరి ఎలా హిట్ అయ్యిందో నాకే తెలియదు అని ఓ సందర్భంలో పూరి జగన్నాధ్ సంచలనం రేపింది. 

ఓ ఇంటర్వ్యూలో... అసలు పోకిరి అంత పెద్ద హిట్ అవుతుందని మీరు భావించారా? అని పూరి జగన్నాధ్ ని అడగ్గా... లేదు. నేను కానీ, మహేష్ బాబు కానీ పోకిరి అంత పెద్ద హిట్ అవుతుందని ఊహించలేదు. మంచి సినిమా అవుతుంది. ఆడుతుంది అనే నమ్మకం అయితే ఉంది. ఎందుకంటే, నా దగ్గర ఉన్న కథల్లో అది కూడా ఒకటి, అని పూరి జగన్నాథ్ అన్నారు. 

ఒక దర్శకుడిగా, పోకిరి అంత పెద్ద విజయం సాధించడానికి కారణం చెప్పండి, అని యాంకర్ అడిగారు. పోకిరి తర్వాత ఆ రేంజ్ మూవీ నా నుండి రాలేదని విమర్శలు ఉన్నాయి దాంతో మూడేళ్ళ తర్వాత అసలు నేను ఏం తీశానా? అని ప్రసాద్ ల్యాబ్స్ లో పోకిరి మూవీ వేసుకుని చూశాను. నాకేమి అర్థం కాలేదు. సినిమా గురించి ఎవరికీ తెలియదు. ఏ సినిమా నచ్చుతుందో, ఏ సినిమా నచ్చదో చెప్పలేము. పోకిరి ఎందుకు ఆడిందో నాకు కూడా తెలియదు, అన్నారు. 

పూరి జగన్నాథ్ గతంలో చేసిన కామెంట్స్ వైరల్ అవుతున్నాయి. పోకిరి అనంతరం పూరి జగన్నాథ్ తెరకెక్కించిన దేశముదురు, చిరుత సైతం హిట్ టాక్ తెచ్చుకున్నాయి. మహేష్ బాబు తో బిజినెస్ మేన్ టైటిల్ తో మూవీ చేసి మరో హిట్ కొట్టాడు. అయితే పోకిరి రేంజ్ హిట్ ఆయనకు మరలా పడలేదు. 

Puri Jagannadh

బిగ్ బాస్ తెలుగు 8 లేటెస్ట్ అండ్ ఇంట్రెస్టింగ్ అప్డేట్స్ ఇక్కడ  తెలుసుకోండి ప్రస్తుతం పూరి జగన్నాథ్ ప్లాప్స్ లో ఉన్నారు. ఇస్మార్ట్ శంకర్ తో హిట్ ట్రాక్ ఎక్కిన ఆయనకు మరలా పరాజయాలు ఎదురయ్యాయి. లైగర్, డబుల్ ఇస్మార్ట్ రూపంలో మరో రెండు ప్లాప్స్ పడ్డాయి. చెప్పాలంటే పూరి జగన్నాధ్ కెరీర్ ఇబ్బందుల్లో పడింది. ఒకప్పుడు స్టార్ హీరోలు ఆయనతో సినిమాలు చేసేందుకు ఆసక్తి చూపేవారు. ఇప్పుడు ఆ పరిస్థితి లేదు. టాలీవుడ్ హీరోలందరూ పాన్ ఇండియా చిత్రాలు చేస్తున్నారు. 

ఎన్టీఆర్, పవన్ కళ్యాణ్, అల్లు అర్జున్, మహేష్, రామ్ చరణ్... ఇలా ప్రతి ఒక్కరితో ఆయన సినిమాలు చేశారు. కాగా పూరి జగన్నాథ్ కొత్త మూవీ ప్రకటన చేయాల్సి ఉంది. ఆయన ఏ హీరో ఛాన్స్ ఇస్తాడో చూడాలి.