Relationship: మీ భాగస్వామి తప్పు చేస్తున్నారా.. అయినా ప్రేమిస్తూనే ఉండండిలా?

Relationship: ఈ రోజుల్లో రిలేషన్షిప్ నిన్న నేడు రేపు అనే కాన్సెప్ట్లో ఉన్నాయి. నిన్న ప్రేమించడం, ఈరోజు పెళ్లి చేసుకోవటం, రేపు విడిపోవడం. దాదాపు చాలా రిలేషన్స్ ఇలాగే ఉన్నాయి. కానీ ప్రేమ బోర్ కొట్టకుండా ఈ విధంగా ప్రేమిస్తూనే ఉండండి అప్పుడు ప్రేమలో మజా తెలుస్తుంది.  

నిజంగానే నేటి రోజుల్లో హ్యూమన్ రిలేషన్స్ చూస్తుంటే చాలా బాధగా ఉంది. అక్కడ ఆప్యాయత అభిమానాలు కన్నా అవసరాలకే ఎక్కువ ఇంపార్టెన్స్ ఇస్తున్నారు. అది తప్పు అని అర్థమయ్యేనాటికి మన అనుకునే వ్యక్తి మన చేయి జారిపోతారు.

అందుకే నిజాయితీగా ప్రేమించిన వ్యక్తిని పెళ్లి చేసుకొని జీవితాంతం ఆ వ్యక్తితోనే జీవనం సాగించాలి. అప్పుడే ఆ ఇద్దరి మధ్య బాండింగ్ బాగుంటుంది. ఒకసారి ప్రేమించి పెళ్లి చేసుకొని తర్వాత బోర్ కొట్టింది అని వెళ్ళిపోతే అప్పుడు మనుషులకి పశువులకి పెద్దగా తేడా ఉండదు.

కాబట్టి మనుషుల్ని ప్రేమించండి. ఒకవేళ వారి వల్ల తప్పు ఉన్నప్పటికీ కూడా ప్రేమించడం వల్ల పోయేదేమీ ఉండదు. తిరిగి వారు కూడా ప్రేమిస్తారు అంతే. నిజానికి ఇద్దరూ ఒకరికి ఒకరు గౌరవించుకోవడం వల్ల ప్రేమాభిమానాలు ఇనమడిస్తాయి.

ఒకరిని ఒకరు చులకనగా చూసుకోకుండా, ఒకరికి ఒకరు ప్రాధాన్యత ఇచ్చుకుంటూ వెళ్తే ఆ బంధం ఎంతో బాగుంటుంది. ఒకవేళ మీ భాగస్వామి కోపంతో అరుస్తుంటే మీరు కూడా కోపంతో రెచ్చిపోకండి. కాసేపు తగ్గండి పర్వాలేదు. మీ భాగస్వామి కోసమే కదా మీరు తగ్గేది అని ఆలోచించండి. అలాగే ఒకరి మీద ఒకరు అరుచుకోకుండా ఇద్దరూ..

కూర్చొని సామరస్యంగా మాట్లాడుకోవడం వలన ఎంతటి పెద్ద సమస్య అయినా చిటికెలో పరిష్కారం అయిపోతుంది. ప్రేమగా మీ భాగస్వామిపై చేయి వేస్తే చాలు సగం సమస్య తీరిపోయినట్లే. అలాగే ఇద్దరికీ గొడవ ప్రారంభమవుతుంది అనిపించగానే ఎక్కడికైనా బయటికి వెళ్లడానికి ప్రయత్నించండి.

దీని వలన మెంటల్ టెన్షన్ తగ్గి గొడవలు తగ్గటానికి ఆస్కారం ఉంటుంది. గొడవ జరిగినప్పుడు తల్లిదండ్రులని గాని, అన్నదమ్ములను గాని వదిలేసుకుంటామా మరి భాగస్వామిని మాత్రం ఎందుకు వదిలేసుకోవాలి అనే ఒక్క ఆలోచన చాలు మీ బంధాన్ని పదికాలాలపాటు పచ్చగా ఉంచడానికి.