టాప్ లో షారుఖ్, సౌత్ నుంచి దళపతి విజయ్..వీళ్ళిద్దరూ కట్టే ట్యాక్స్ ఎంతో తెలిస్తే దిమ్మతిరుగుద్ది
First Published Sep 6, 2024, 3:30 PM ISTసినిమాకి సినిమాకి హీరోలకి పారితోషికం పెరుగుతున్న కొద్దీ, వాళ్ళు ప్రభుత్వాకి కట్టే పన్ను కూడా పెరుగుతుంది.
సినిమాకి సినిమాకి హీరోలకి పారితోషికం పెరుగుతున్న కొద్దీ, వాళ్ళు ప్రభుత్వాకి కట్టే పన్ను కూడా పెరుగుతుంది.
ఇండియాలో అత్యధికంగా ఆదాయపు పన్ను కట్టే సెలెబ్రిటీల జాబితాలో నాల్గవ స్థానంలో ఉన్నారు మన "బిగ్ బి". బాలీవుడ్ ప్రేక్షకులు అమితాబ్ బచ్చన్ ని ప్రేమగా "బిగ్ బి" అని పిలుస్తారు. 55 ఏళ్ల క్రితం బాలీవుడ్ లో అడుగుపెట్టిన ఈ నటుడు తన మొదటి సినిమాకే జాతీయ అవార్డు అందుకున్నారు.
ఒక్కో సినిమాకి 6 నుండి 8 కోట్ల వరకు పారితోషికం తీసుకునే అమితాబ్ బచ్చన్ ఇటీవల విడుదలై మంచి విజయాన్ని అందుకున్న "బ్రహ్మాస్త్ర" సినిమాకి 20 కోట్లు పారితోషికంగా తీసుకున్నారని సమాచారం. నటనతో పాటు నిర్మాణ రంగంలో కూడా రాణిస్తూ ఈయనకి ఆదాయం ఎక్కువగానే వస్తుంది.
అదేవిధంగా భారత దేశానికి ఈయన ద్వారా వచ్చే పన్ను కూడా ఎక్కువగానే ఉంటుంది. ఇటీవల ఓ ప్రముఖ సంస్థ విడుదల చేసిన సమాచారం ప్రకారం అమితాబ్ బచ్చన్ చెల్లించే పన్ను 71 కోట్లట. అయినా ఈ జాబితాలో ఈయన నాల్గవ స్థానంలోనే ఉన్నారు.
ఈ జాబితాలో మూడవ స్థానంలో ఉన్నారు సల్మాన్ ఖాన్. ఇటీవల లభించిన సమాచారం ప్రకారం, 58 ఏళ్ల వయసులో కూడా బ్రహ్మచారిగా ఉన్న ఏకైక నటుడు సల్మాన్ ఖాన్ అని తెలిసింది. బాలీవుడ్ లో లవర్ బాయ్ ఇమేజ్ ఉన్న హీరో కూడా ఈయనే. సహాయ దర్శకుడిగా సినీ ప్రయాణం మొదలుపెట్టి, రచయితగా కూడా కొన్ని సినిమాలకి పనిచేసిన తర్వాత హీరోగా మారారు.
గత 36 ఏళ్లుగా హిందీలో స్టార్ హీరోగా కొనసాగుతున్న సల్మాన్ ఖాన్ చాలా వివాదాల్లో చిక్కుకున్నారు. అయినా కూడా బాలీవుడ్ లో స్టార్ హీరోగా కొనసాగుతున్నారు. 2023లో "కిసీ కా భాయ్ కిసీ కి జాన్" సినిమాతో ప్రేక్షకుల ముందుకు వచ్చారు. ఈ ఏడాది ఇంకా ఏ సినిమా విడుదల కాలేదు. ప్రస్తుతం "టైగర్ 3" సినిమాలో నటిస్తున్నారు.
ఒక్కో సినిమాకి 100 కోట్ల వరకు పారితోషికం తీసుకునే సల్మాన్ ఖాన్, ఒక్కో ప్రకటనకి 6 నుండి 8 కోట్ల వరకు తీసుకుంటారట. అంతేకాకుండా సల్మాన్ ఖాన్ పన్ను రూపంలో 75 కోట్ల వరకు చెల్లిస్తున్నారని సమాచారం.
ఈ జాబితాలో రెండవ స్థానంలో ఉన్న వ్యక్తిని చూసే ముందు మొదటి స్థానంలో ఉన్న వ్యక్తిని చూద్దాం. ఈ జాబితాలో మొదటి స్థానంలో ఉన్నారు షారుఖ్ ఖాన్. "నేను ఇండియా నుండి వచ్చాను" అని విదేశాల్లో ఎవరికైనా చెప్తే చాలు "షారుఖ్ ఖాన్ దేశం నుండా వచ్చారా?" అని అడుగుతారట. అంతటి క్రేజ్ ఉన్న నటుడు షారుఖ్ ఖాన్.
భారతీయ సినీ పరిశ్రమలో అత్యధిక పారితోషికం తీసుకునే నటుల్లో షారుఖ్ ఖాన్ ఒకరు. సినిమాకి 150 నుండి 250 కోట్ల వరకు పారితోషికం తీసుకుంటారు. అంతేకాకుండా ఒక్కో ప్రకటనకి 10 కోట్ల వరకు తీసుకుంటారట. ఇప్పటికీ మంచి సినిమాలు చేస్తూనే ఉన్నారు. ఇటీవల అట్లీ దర్శకత్వంలో "జవాన్" సినిమాతో ప్రేక్షకుల ముందుకు వచ్చారు.
ప్రపంచవ్యాప్తంగా ఈ సినిమా 1200 కోట్ల రూపాయలకు పైగా వసూళ్లు సాధించింది. సినిమా నటనతో పాటు నిర్మాణ రంగంలో కూడా రాణిస్తున్న షారుఖ్ ఖాన్ భారత ప్రభుత్వానికి 92 కోట్ల రూపాయల పన్ను చెల్లిస్తున్నారని సమాచారం.
ఈ జాబితాలో రెండవ స్థానంలో నిలిచిన ఏకైక సౌత్ నటుడు విజయ్. నటుడు విజయ్ పన్ను రూపంలో 80 కోట్ల రూపాయలు చెల్లిస్తున్నారని సమాచారం. తమిళ సినీ పరిశ్రమలో గత 35 ఏళ్లుగా స్టార్ హీరోగా కొనసాగుతున్న విజయ్ నటించిన "లియో" సినిమా ఇటీవల విడుదలై మంచి విజయాన్ని అందుకుంది.
త్వరలోనే తన తదుపరి సినిమా షూటింగ్ ప్రారంభించనున్నారు. 69వ సినిమాతో తన సినీ జీవితానికి ముగింపు పలికి పూర్తి స్థాయి రాజకీయాల్లోకి రానున్నట్లు సమాచారం. సెప్టెంబర్ చివరిలో చెన్నైలోని విక్రవాండిలో తన పార్టీ "తమిళనాడు విజయ్ కళగం" తొలి సభ నిర్వహించనున్నట్లు సమాచారం.