తన డూప్ ని చూసి సావిత్రి షాక్, తెలియని లోపాన్ని తెలుసుకున్న మహానటి!

డూప్ కారణంగా మహానటి సావిత్రి తనలోని లోపాన్ని తెలుసుకుందట. ఆ నిజం తెలిశాక ఆమె ఒకింత షాక్ అయ్యారట. ఇంతకీ సావిత్రి గుర్తించిన ఆ లోపం ఏమిటో తెలుసా.. 

టీనేజ్ కూడా దాటకుండానే సావిత్రి సిల్వర్ స్క్రీన్ కి పరిచయమైంది. 17 ఏళ్ల వయసులో సావిత్రి తన మొదటి చిత్రంలో నటించింది. చిన్న వయసు కావడంతో సావిత్రి చాలా సన్నగా ఉండేవారు. దేవదాసు, మిస్సమ్మ, మాయాబజార్ చిత్రాల్లో సావిత్రి సన్నగా, నాజూగ్గా ఉంటారు. 

60-70లలో సావిత్రి క్రేజ్ పీక్స్ కి చేరింది. స్టార్ హీరోలకు మించిన రెమ్యూనరేషన్ ఆమె తీసుకునేవారు. తెలుగు, తమిళ భాషల్లో తిరుగులేని ఆధిపత్యం ప్రదర్శించింది. జెమినీ గణేషన్ ని సావిత్రి రహస్య వివాహం చేసుకుంది. అనంతరం వీరి బంధం బహిర్గతం అయ్యింది. 

స్టార్ డమ్ పెరిగే కొద్దీ సావిత్రి బిజీ అయ్యారు. అలాగే సావిత్రి ఆహార ప్రియురాలు అని సమాచారం. దాంతో సావిత్రి బరువు పెరుగుతూ పోయారు. కానీ ఈ విషయం ఆమెతో ఎవరు చెప్పలేదు. స్టార్ హీరోయిన్ కావడంతో ఆ సాహసం చేసి ఉండదు. కానీ తాను లావైన విషయాన్ని సావిత్రి ఒకరోజు స్వయంగా తెలుసుకుందట. 

ఒక మూవీ షూటింగ్ జరుగుతుండగా... సెట్ లో తనలాగే కాస్ట్యూమ్స్ ధరించిన ఓ లావాటి మహిళ అటుగా వెళుతుందట. సావిత్రి ఆమెను చూసి.. ఎవరని తన పక్కన ఉన్న వాళ్ళను అడిగారట. ఆమె మీ డూప్ మేడం. ఇవాళ నైట్ మొత్తం షూట్ ఉంది. మీ లాంగ్ షాట్స్ ఆమెతో చేస్తున్నాం, అన్నారట. ఆ మాటలకు సావిత్రి ఒకింత షాక్ అయ్యారట. తన డూప్ ని చూసి నేను ఇంత లావుగా ఉన్నానా అని ఆశ్చర్యపోయిందట. 

డూప్ లు సదరు హీరో లేదా హీరోయిన్ కి ఎత్తు, లావు వంటి విషయంలో చాలా దగ్గరగా ఉంటారు. అలా దగ్గరి పోలికలు ఉన్నవాళ్లనే డూప్ గా ఉపయోగిస్తారు. నా డూప్ అంత లావుగా ఉందంటే.. నేను లావుగా ఉన్నాననే అర్థం. అందుకే తన డూప్ భారీ కాయంతో ఉందని సావిత్రి గుర్తించింది అట. 

Savitri

సావిత్రి రోజుల్లో హీరోయిన్స్ అందరూ దాదాపు బొద్దుగా ఉండేవారు. జీరో సైజ్ కల్చర్ అప్పుడు లేదు. సహజంగా ఒకరిద్దరు హీరోయిన్స్ సన్నగా ఉండేవారు. అందం కంటే ప్రేక్షకులు నటనకు ప్రాధాన్యత ఇచ్చేవారు. హీరోయిన్స్, హీరోలు ఎలా ఉన్నా అంగీకరించేవారు. ఇక ఫేమ్ కోల్పోయాక సావిత్రి మరింత లావయ్యారు. చనిపోయే నాటికి సావిత్రి క్యారెక్టర్ రోల్స్ కి పడిపోయారు. 

Savitri

ఇక నటిగా వైభవం అనుభవించిన సావిత్రి చివరి రోజుల్లో దుర్భర జీవితం చూశారు. దాదాపు 19 నెలలు కోమాలో ఉన్న సావిత్రి అనంతరం కన్నుమూశారు. ఆమె జీవితం ఆధారంగా మహానటి టైటిల్ తో విడుదలైన చిత్రం భారీ బ్లాక్ బస్టర్ నమోదు చేసింది. కీర్తి సురేష్ మహానటి చిత్రంలో సావిత్రి పాత్ర చేసింది.