పెళ్ళైన ఆనందం పూర్ణ ముఖంలో కొట్టొచ్చినట్టు కనిపిస్తుంది. సంతోషంలో ఆమె గ్లామర్ మరింత పెరిగింది. పట్టు శారీలో పూర్ణ రాయల్ లుక్ మెస్మరైజ్ చేస్తుంది. ఆమె లేటెస్ట్ ఫోటో షూట్ వైరల్ గా మారింది.
సంప్రదాయ చీరలో మహారాణిలా మెరిసిపోతుంది పూర్ణ. ఆమె అందం చూపు తిప్పుకోనివ్వడం లేదు. ఆ సౌందర్యం ఆస్వాదించడానికి రెండు కళ్ళు చాలవేమో అనిపిస్తుంది. అందం అసూయపడేలా దివి నుండి భువికి దిగి వచ్చిన దేవతలా తోచింది.
ఇక నాకు పెళ్ళైపోయిందని చెప్పి పూర్ణ ఊహించని షాక్ ఇచ్చారు. పూర్ణకు దుబాయ్ కి చెందిన వ్యాపారవేత్తతో నిశ్చితార్థం జరిగిన విషయం అందరికీ తెలుసు. సోషల్ మీడియా ద్వారా పూర్ణ స్వయంగా వెల్లడించారు. పెళ్లి మాత్రం రహస్యంగా చేసుకుంది.
మే నెలలో నిశ్చితార్థం జరగ్గా... జూన్ లో వివాహం జరిగిందని పూర్ణ ఇటీవల వెల్లడించారు. కొన్ని కారణాల వలన వివాహానికి ఎవరినీ పిలవలేదు. మా వివాహం దుబాయ్ లో అత్యంత సన్నిహితుల మధ్య జరిగింది. కేరళలో త్వరలో రిసెప్షన్ ఏర్పాటు చేస్తామని పూర్ణ చెప్పుకొచ్చారు.
పూర్ణ భర్త పేరు షానిద్ అసిఫ్ అలీ. ఆయన దుబాయిలో ప్రముఖ వ్యాపారవేత్త అని సమాచారం. దుబాయ్ బంగారాన్ని ఫేమస్ కాగా... పెళ్లి కానుకగా పూర్ణకు ఆయన పెద్ద మొత్తంలో ఇచ్చాడట. విలువైన వజ్రాలు సైతం పూర్ణకు బహుమతులు ఇచ్చినట్లు కథనాలు వెలువడుతున్నాయి.
వివాహం జరిగినప్పటికీ పూర్ణ ఇండియాలోనే ఉంటున్నట్లు సమాచారం. పూర్ణ కెరీర్ కొనసాగిస్తున్నారు. సినిమాలు చేస్తూ, బుల్లితెర షోస్ లో సందడి చేస్తున్నారు. ఢీ రియాలిటీ షోకి పూర్ణ రీఎంట్రీ ఇచ్చారు. జడ్జిగా ఆమె అలరిస్తున్నారు. అప్పుడప్పుడూ శ్రీదేవి డ్రామా కంపెనీ షోలో సైతం తళుక్కున మెరుస్తున్నారు.
హీరోయిన్ గా ఫేడ్ అవుటైన పూర్ణ, క్యారెక్టర్ రోల్స్ చేస్తున్నారు. ఆది సాయి కుమార్ లేటెస్ట్ మూవీ తీస్ మార్ ఖాన్ లో పూర్ణ కీలక రోల్ చేశారు. ఆదికి అమ్మ కాని అమ్మ పాత్రలో నటించారు.
అలాగే పూర్ణ గత ఏడాది నటించిన అఖండ భారీ విజయం సాధించింది. గవర్నమెంట్ అధికారి పాత్రలో పూర్ణ నటించారు. దృశ్యం 2 లో లాయర్ రోల్ చేశారు.
పూర్ణకు మంచి స్టార్ట్ లభించినా గట్టి కెరీర్ నిర్మించుకోలేకపోయింది. పూర్ణ హీరోయిన్ గా నటించిన సీమటపాకాయ్, అవును, అవును 2 వంటి చిత్రాలు విజయం సాధించాయి. కొన్ని కారణాలతో ఆఫర్స్ వదులుకోవాల్సి వచ్చిందని పూర్ణ ఒక సందర్భంలో తెలియజేశారు.