మాటల మాంత్రికుడు త్రివిక్రమ్ శ్రీనివాస్ తన చిత్రాలతో వెండితెరపై ఎలాంటి మ్యాజిక్ చేస్తాడో అందరికి తెలుసు. యువతతో పాటు ఇంటిళ్లిపాదిని అలరించడం త్రివిక్రమ్ ప్రత్యేకత.
మాటల మాంత్రికుడు త్రివిక్రమ్ శ్రీనివాస్ తన చిత్రాలతో వెండితెరపై ఎలాంటి మ్యాజిక్ చేస్తాడో అందరికి తెలుసు. యువతతో పాటు ఇంటిళ్లిపాదిని అలరించడం త్రివిక్రమ్ ప్రత్యేకత. పంచ్ డైలాగ్స్ కి త్రివిక్రమ్ పెట్టింది పేరు. ఆయన కలం నుంచి తూటాలు వస్తుంటాయని అభిమానులు అంటుంటారు.
అయితే తాజాగా త్రివిక్రమ్ శ్రీనివాస్ పై సీనియర్ హీరోయిన్ ప్రేమ సంచలన వ్యాఖ్యలు చేసింది. తెలుగులో ప్రేమ దేవి లాంటి అద్భుతమైన చిత్రాల్లో నటించింది. హోమ్లీ హీరోయిన్ గా గుర్తింపు సొంతం చేసుకుంది. అందం అభినయంతో ప్రేమ అందరిని అలరించింది. అయితే ఆమె త్రివిక్రమ్ పై చేసిన వ్యాఖ్యలు దుమారం రేపుతున్నాయి.
హీరో వేణు నటించిన చిరునవ్వుతో చిత్రంలో ప్రేమ కీలక పాత్రలో నటించింది. బావతో పెళ్లి వద్దనుకుని ఒక మోసగాడితో వెళ్లిపోయిన పాత్రలో ప్రేమ ఈ చిత్రంలో నటించింది. ఈ చిత్రంలో ప్రేమ హీరోయిన్ గా నటించలేదు. ఈ చిత్రానికి త్రివిక్రమ్ కథ అందించారు. ఈ పాత్రలో నటించేందుకు మొదట ప్రేమ ఆసక్తి చూపలేదట.
కానీ త్రివిక్రమ్.. ఇది హీరోయిన్ తో సమానమైన పాత్ర అని ప్రేమని ఒప్పించాడట. దీనితో ప్రేమ అనుమానంగానే ఈ చిత్రాన్ని అంగీకరించింది. కానీ సినిమాలో నాది సహాయ నటి పాత్రగానే ఉండిపోయింది. షూటింగ్ కి ముందు ఒకలా చెప్పి సినిమాలో నా రోల్ ని మరోలా చేశారు. దీనితో ఆ తర్వాత కూడా నాకు అలాంటి అవకాశాలే వచ్చాయి.
ఫలితంగా కీలక దశలో నా కెరీర్ నాశనం అయింది అంటూ ప్రేమ సంచలన వ్యాఖ్యలు చేసింది. ప్రేమ కెరీర్ లోనే దేవి చిత్రం ది బెస్ట్ మూవీ అని చెప్పొచ్చు. కోడి రామకృష్ణ దర్శకత్వంలో వచ్చిన ఈ చిత్రంతో ప్రేమకి సరికొత్త క్రేజ్ వచ్చింది.
ఆ మూవీలో నాగ దేవతగా ప్రేమ నటన అద్భుతం. ప్రేమ తెలుగులో ధర్మ చక్రం చిత్రంతో ఎంట్రీ ఇచ్చింది. దేవి పుత్రుడు, రాయలసీమ రామన్న చౌదరి లాంటి చిత్రాల్లో ప్రేమ నటించింది.