Sudigali Sudheer: తన హీరోయిన్‌ని పరిచయం చేసిన సుడిగాలి సుధీర్‌.. బిగ్‌ బాస్‌ బ్యూటీతో రొమాన్స్

సుడిగాలి సుధీర్‌ హీరోగా `సుధీర్స్ జోకర్‌` అనే మూవీ రూపొందుతుంది. తాజాగా ఈ మూవీలోని సుధీర్‌ సరసన రొమాన్స్ చేస్తున్న హీరోయిన్‌ని పరిచయం చేశారు. ఆమె బర్త్ డే సందర్భంగా ఫస్ట్ లుక్‌ రిలీజ్‌ చేశారు. 

జోకర్‌లో నటిస్తున్న సుడిగాలి సుధీర్‌

సుడిగాలి సుధీర్‌ జబర్దస్త్ కామెడీ షోతో పాపులర్‌. ఈ షో ఆయన్ని స్టార్‌ని చేసింది. ఈ షో ద్వారా ఆయన బిగ్‌ స్క్రీన్‌పైకి వచ్చాడు. హీరోగా సినిమా అవకాశాలు తెచ్చిపెట్టింది. ఇప్పటికే మూడు నాలుగు సినిమాల్లో హీరోగా నటించి మెప్పించిన ఆయనకు సక్సెస్‌ లు రాకపోవడంతో, ఆ తర్వాత చేయాల్సిన మూవీస్‌ ఆగిపోవడంతో కొంత గ్యాప్‌ తీసుకున్నాడు. ఇప్పుడు మళ్లీ కమ్‌ బ్యాక్‌ ఇచ్చేందుకు రెడీ అవుతున్నాడు. అందులో భాగంగా ఆయన తాజాగా `సుధీర్స్ జోకర్‌` అనే చిత్రంలో నటిస్తున్నాడు. సుధీర్‌ హీరోగా రూపొందుతున్న ఈ మూవీ నుంచి ఇటీవల బ్యాంగర్‌ రిలీజ్‌ అయ్యింది. ఆద్యంతం ఆకట్టుకుంది.

హీరోయిన్‌ని పరిచయం చేసిన సుడిగాలి సుధీర్‌

తాజాగా తన సినిమా హీరోయిన్‌ని పరిచయం చేశాడు సుధీర్‌. ఇందులో బిగ్‌ బాస్‌ ఫేస్‌ ఆయేషా హీరోయిన్‌గా నటిస్తుంది.  నేడు ఆమె పుట్టిన రోజు సందర్బంగా ఆయేషా లుక్‌ని విడుదల చేశారు.   అయేషా పుట్టినరోజు సందర్భంగా ఆమెకు శుభాకాంక్షలు చెబుతూ బర్త్ డే స్పెషల్ పోస్టర్ రిలీజ్ చేశారు మేకర్స్. ఈ సినిమాలో ఆమె షాలినీ అనే క్యారెక్టర్ లో తన అందంతోపాటు పర్ ఫార్మెన్స్ తో ప్రేక్షకుల్ని అలరించబోతోంది. రీసెంట్ గా హీరో సుడిగాలి సుధీర్ బర్త్ డే సందర్భంగా రిలీజ్ చేసిన "సుధీర్స్ జోకర్" మూవీ బ్యాంగర్ కు హ్యూజ్ రెస్పాన్స్ దక్కింది. ఒక ఇంట్రెస్టింగ్ కమర్షియల్ ఎంటర్ టైనర్ చూడబోతున్నామనే ఎక్స్ పెక్టేషన్స్ ఈ మూవీపై ఏర్పడుతున్నాయి.

సుధీర్స్ జోకర్‌ బ్యాంగర్‌ ఎలా ఉందంటే?

సుడిగాలి సుధీర్ హీరోగా నటిస్తున్న ఈ చిత్రంలో అభిరామి, మురళీ శర్మ, అజయ్ ఘోష్, రమేష్ ఇందిరా, విష్ణు ఓయ్, మురళీధర్ గౌడ్ ఇతర కీలక పాత్రల్లో కనిపించనున్నారు. ఈ చిత్రాన్ని విజయ్ డొంకాడ, శ్రీధర్ మక్కువ నిర్మిస్తున్నారు. పీఎస్ సునీల్ పుప్పాల దర్శకత్వం వహిస్తున్నారు. ఇటీవల విడుదల చేసిన `సుధీర్స్ జోకర్` మూవీ బ్యాంగర్ ఎలా ఉందో చూస్తే.. నగరంలో వరుస దొంగతనాలు జరుగుతుంటాయి. ఈ చోరీలు ఎవరు చేస్తున్నారనే ఇన్వెస్టిగేషన్స్ మొదలవుతాయి. ఓ రాయల్ ఫ్యామిలీలో పుట్టిన యువకుడే దొంగ అని తెలుస్తుంది. సంపన్న కుటుంబంలో పుట్టిన యువకుడు ఎందుకు దొంగతనాలు చేస్తున్నాడు అనేది ఆసక్తి కలిగిస్తోంది. ఒక ఇంట్రెస్టింగ్ కమర్షియల్ ఎంటర్ టైనర్ చూడబోతున్నామనే క్యూరియాసిటీ "సుధీర్ జోకర్" బ్యాంగర్ కలిగిస్తోంది.