కల్కి 2829 AD సూపర్ హిట్. మూడు రోజుల్లోనే నాలుగు వందల కోట్లకు పైగా వసూళ్లు రాబట్టింది. ప్రభాస్ నటించిన ఈ మైథలాజికల్ సైన్స్ ఫిక్షన్ మూవీకి యూఎస్ లో భారీ రెస్పాన్స్ దక్కుతుంది. కల్కి నార్త్ అమెరికాలో $ 9.3 మిలియన్ వసూళ్లకు చేరుకున్నట్లు సమాచారం. హిందీ వెర్షన్ సైతం సత్తా చాటుతుంది. మూడు రోజుల్లో కల్కి హిందీ వెర్షన్ రూ. 72 కోట్ల నెట్ వసూళ్లు రాబట్టింది.
కల్కి మూవీ కథ అబ్బురపరిచే అంశం. దర్శకుడు నాగ్ అశ్విన్ ఐదేళ్లు కష్టపడి ఈ కథను రాశారు. మహాభారతం పాత్రలను, కల్కి రాకను, సైన్స్ ఫిక్షన్ మిళితం చేసి కల్కి రూపొందించడం జరిగింది. నాగ్ అశ్విన్ రాసుకున్న పాత్రలు సినిమాకు ప్రధాన బలంగా నిలిచాయి.
ముఖ్యంగా అశ్వద్ధామ పాత్రగా గొప్పగా పేలింది. అమితాబ్ ని ఆ పాత్రకు ఎంపిక చేసి నాగ్ అశ్విన్ మంచి నిర్ణయం తీసుకున్నాడు. అమితాబ్ తో పాటు దీపికా పదుకొనె, కమల్ హాసన్, శోభన చేసిన పాత్రలు సినిమాకు బలం చేకూర్చాయి. మూవీ చివరి 30 నిమిషాలు ప్రేక్షకులు ఊహించని థ్రిల్ ఫీల్ అయ్యారు.
Kalki 2829 AD
కాగా కల్కి చిత్రంలో విజయ్ దేవరకొండ గెస్ట్ రోల్ చేసిన సంగతి చేసింది. ఆయన అర్జునుడిగా కనిపించి మెస్మరైజ్ చేశాడు. పలువురు స్టార్స్ గెస్ట్ రోల్స్ చేయగా విజయ్ దేవరకొండ పాత్రకు ప్రశంసలు దక్కుతున్నాయి. విజయ్ దేవరకొండ కనిపించేది కాసేపైనా ప్రేక్షకులను ఆకర్షించాడు.
Kalki 2829 AD
మరి ఈ పాత్ర చేసినందుకు ఆయన ఎంత రెమ్యూనరేషన్ తీసుకున్నాడనే చర్చ మొదలైంది. ఈ మేరకు ఓ న్యూస్ చక్కర్లు కొడుతుంది. కల్కి చిత్రంలో గెస్ట్ రోల్ చేసిన విజయ్ దేవరకొండ ఒక్క రూపాయి కూడా తీసుకోలేదని సమాచారం. కల్కి 2లో విజయ్ దేవరకొండ పాత్ర నిడివి కొంచెం ఎక్కువగా ఉంటుందట.
Kalki 2829 AD
విజయ్ దేవరకొండతో పాటు మృణాల్ ఠాకూర్, దుల్కర్ సల్మాన్ కూడా ఎలాంటి రెమ్యూనరేషన్ తీసుకోలేదట. కారణం... వీరందరూ వైజయంతీ మూవీస్ బ్యానర్ లో పని చేసినవారే. మహానటి చిత్రంలో విజయ్ దేవరకొండ నటించారు. ఇక సీతారామం మూవీలో దుల్కర్, మృణాల్ జంటగా నటించిన సంగతి తెలిసిందే. దర్శకులు రాజమౌళి, రామ్ గోపాల్ వర్మ కూడా ఎలాంటి రెమ్యూనరేషన్ తీసుకోలేదట.