ఆమెని చూడగానే సిద్ధార్థ్ షాక్, కాళ్లపై పడి ఏడుస్తూ.. 20 ఏళ్ల కెరీర్ ఆమె పుణ్యమే

 చూడగానే సిద్ధార్థ్ షాక్, కాళ్లపై పడి ఏడుస్తూ.. 20 ఏళ్ల కెరీర్ ఆమె పుణ్యమే   

హీరో సిద్ధార్థ్ గురించి పరిచయం అక్కర్లేదు. తమిళ కుర్రాడిగా తెలుగు ఇండస్ట్రీలోకి అడుగు పెట్టిన సిద్ధార్థ్ లవర్ బాయ్ గా అనేక చిత్రాలతో సూపర్ హిట్స్ అందుకున్నాడు. సిద్ధార్థ్ మన తెలుగువాడే అని ఫ్యాన్స్ భావించేంతగా మారిపోయాడు. 

తొలి చిత్రంతోనే శంకర్ దర్శకత్వంలో బాయ్స్ చిత్రంలో నటించడంతో సిద్దార్థ్ దశ తిరిగింది. ఆ తర్వాత సిద్దార్థ్ తెలుగులో చేసిన తొలి స్ట్రైట్ మూవీ నువ్వొస్తానంటే నేనొద్దంటానా బ్లాక్ బస్టర్ హిట్ కావడంతో సిద్దార్థ్ స్టార్ హీరోగా మారిపోయాడు. సిద్దార్థ్ బొమ్మరిల్లు చిత్రంలో అయితే నట విశ్వరూపమే ప్రదర్శించాడు. 

అప్పటి యువతకు అద్దం పట్టే కుర్రాడిలా కనిపిస్తూ మంచి క్రేజ్ సొంతం చేసుకున్నాడు. అయితే గత కొన్నేళ్లుగా సిద్దార్థ్ కి సరైన హిట్ లేదు. దీనితో రేసులో బాగా వెనుకబడ్డాడు. తాజాగా సిద్దార్థ్ నటించిన టక్కర్ చిత్రం నేడు రిలీజ్ అవుతోంది. దీనితో సిద్దార్ట్ వరుసగా ప్రచార కార్యక్రమాల్లో పాల్గొంటున్నారు. 

సిద్దార్థ్ రీసెంట్ గా ఓ ఇంటర్వ్యూలో పాల్గొనగా అతడికి ఊహించని సర్ప్రైజ్ ఎదురైంది. అక్కడ యాంకర్స్ వేదికపైకి సిద్దార్థ్ కి తెలియకుండా సుజాత రంగరాజన్ అనే మహిళని తీసుకువచ్చారు. ఒక్కసారిగా సిద్దార్థ్ ఆమెని చూడడంతో నమ్మలేకపోయాడు. వెంటనే సిద్దార్థ్ కన్నీటి పర్యంతం అయ్యాడు. ఆమె కాళ్లపై పడి మొక్కాడు. ప్రేమగా కౌగలించుకుని వెక్కి వెక్కి ఏడ్చాడు. 

ఆమె ఎవరంటే.. సిద్దార్థ్ ఇంత స్టార్ డమ్ సొంతం చేసుకున్నాడంటే అందుకు కారణం సుజాత రంగరాజన్. ఆమె తమిళ చిత్ర పరిశ్రమలో ఉన్నారు. శంకర్ బాయ్స్ చిత్రం కోసం సరైన కుర్రాడిని వెతుకుతున్నారు. ఆ సమయంలో సుజాత.. శంకర్ కి సిద్ధార్ధ్ గురించి చెప్పి ఒప్పించారు. సుజాత రికమండ్ చేయడంతోనే శంకర్ సిద్దార్థ్ ని హీరోగా తీసుకున్నారు. 

ఈ విషయాన్ని సిద్ధార్థ్ స్వయంగా తెలిపారు. ఆమె లేకుంటే తన 20 ఏళ్ల కెరీర్ లేదని గుర్తు చేసుకున్నాడు. ప్రస్తుతం ఈ దృశ్యాలు సోషల్ మీడియాలో వైరల్ అవుతున్నాయి.