ఈ చిన్న హీరోకి వందల కోట్ల ఆస్తులు, ఎలా సంపాదించాడో తెలుసా?

టాలీవుడ్ టైర్ టు హీరో శర్వానంద్ కి స్టార్ హీరోలకు సమానంగా సంపద కలిగి ఉన్నాడట. హైదరాబాద్ లో సగం ఆస్తులు అతనివేనట. శర్వానంద్ ఎలా సంపాదించాడు..   

టాలీవుడ్ దేశంలోనే అతిపెద్ద పరిశ్రమగా ఎదిగింది. అరడజనుకు పైగా స్టార్ హీరోలు మన పరిశ్రమలో ఉన్నారు. ప్రభాస్, మహేష్ బాబు, అల్లు అర్జున్, ఎన్టీఆర్, రామ్ చరణ్ రూ. 100 కోట్ల రెమ్యునరేషన్ డిమాండ్ చేస్తున్నారు. చిరంజీవి, నాగార్జున, బాలకృష్ణ వంటి హీరోలకు వేల కోట్ల విలువ చేసే ఆస్తులు ఉన్నాయి. సుదీర్ఘ కాలం చిత్ర పరిశ్రమలో ఉన్నారు. ఒకవైపు సినిమాల్లో నటిస్తూనే  మరోవైపు కొందరు హీరోలు వ్యాపారాలు కూడా చేస్తున్నారు. 

అయితే వీరందరితో సమానంగా ఒక టైర్ 2 హీరోకి ఆస్తులు ఉన్నాయంటే నమ్మడం కష్టమే. హీరో శర్వానంద్ పరిశ్రమకు వచ్చి ఇరవై ఏళ్ళు అవుతుంది. ఆయన హీరోగా నటించిన చిత్రాల్లో హిట్స్ ఓ పది కూడా లేవు. అయితే పాతిక సినిమాలకు పైగా చేశాడు. శర్వానంద్ రెమ్యూనరేషన్ రూ. 5-10కోట్ల మధ్య ఉండొచ్చు. మరి శర్వానంద్ వందల కోట్లకు అధిపతి ఎలా అయ్యాడు?  ఆ కథ ఏమిటో చూద్దాం. 

విజయవాడకు చెందిన శర్వానంద్ హైదరాబాద్ లో చదువుకున్నాడు. రామ్ చరణ్, రానా దగ్గుబాటి ఆయన క్లాస్ మేట్స్. హైదరాబాద్ పబ్లిక్ స్కూల్ లో పదో తరగతి వరకు వీరు కలిసి చదువుకున్నారని సమాచారం. 

2004లో శర్వానంద్ నటుడిగా సిల్వర్ స్క్రీన్ కి పరిచయం అయ్యాడు. యువసేన మూవీతో హీరో అయ్యాడు. నలుగురు హీరోల్లో ఒకడిగా శర్వానంద్ నటించాడు. యువసేన హిట్ టాక్ తెచ్చుకోవడం విశేషం. గమ్యం, ప్రస్థానం చిత్రాలు శర్వానంద్ ని హీరోగా నిలబెట్టాయి. రన్ రాజా రన్, మహానుభావుడు, శతమానం భవతి చిత్రాలతో శర్వానంద్ టైర్ టు హీరోల జాబితాలో చేరాడు. 

 శర్వానంద్ పేరెంట్స్ బాగా స్థితిమంతులు అట. వీరిది బిజినెస్ ఫ్యామిలీ అని సమాచారం. హైదరాబాద్ లో ఏ మూలకు వెళ్ళినా శర్వానంద్ కుటుంబానికి చెందిన ఆస్తులు ఉంటాయట. ఒక సన్నిహితుడితో కారులో హైదరాబాద్ లో సంచరిస్తూ.. ఆ స్థలం మాదే, ఈ ఇల్లు మాదే అంటూ... పలు ఏరియాల్లో ఉన్న తమ ఆస్తులు చూపించాడట శర్వానంద్. 

ఈ విషయాన్ని గతంలో శర్వానంద్ ని ఓ జర్నలిస్ట్ నేరుగా అడిగారు. హైదరాబాద్ లో ప్రతి మూలన మీకు ఆస్తులు ఉన్నాయట. అసలు సగం హైదరాబాద్ మీదేనట? అని అడగ్గా... శర్వానంద్ నవ్వుతూ సమాధానం చెప్పారు. సగం హైదరాబాద్ కొనేంత ఆస్తులు లేవు కానీ... మాకు చాలా చోట్ల ఆస్తులు ఉన్నమాట వాస్తవమే అన్నాడు. అయితే ఎంత సంపన్న కుటుంబంలో పుట్టినా కూడా, టీనేజ్ నుండి నా ఖర్చులకు నేను సంపాదించుకునేవాడిని, ఫ్యామిలీ మీద ఆధారపడటం నచ్చదు.. అన్నాడు. 

కాబట్టి శర్వానంద్ కి ఉన్న ఆస్తులు ఆయన సంపాదించినవి కావు. కుటుంబ సభ్యుల ద్వారా సంక్రమించినవి. పలు ఏరియాల్లో ఆయనకున్న స్థిరాస్తుల విలువ వందల కోట్లు ఉంటుందట. హీరోగా ఆయన కెరీర్ ముగిసినా ఆర్థికంగా ఎలాంటి ఇబ్బందులు ఉండవు. తమ వ్యాపారాలు చూసుకుంటూ హ్యాపీగా బ్రతికేయవచ్చు. 

గత ఏడాది జూన్ లో రక్షిత రెడ్డి అనే అమ్మాయిని శర్వానంద్ వివాహం చేసుకున్నాడు. ఇక కెరీర్ పరంగా శర్వానంద్ స్ట్రగుల్ అవుతున్నాడు. 2017లో విడుదలైన మహానుభావుడు చిత్రం తర్వాత శర్వానంద్ కి హిట్ లేదు. ఎన్ని ప్రయోగాలు చేసిన ఫలితం ఇవ్వడం లేదు.