గుంటూరు కారం మూవీ రిజల్ట్ వచ్చేసింది. ఫ్యాన్స్ కి మాత్రమే మూవీ. కమర్షియల్ గా ఏ స్థాయి విజయం సాధిస్తుందో చూడాలి. రాజమౌళితో మూవీ స్టార్ కావడానికి కొంచెం సమయం ఉండగా... మహేష్ ఏం చేయబోతున్నాడో తెలుసా?
గుంటూరు కారం మిక్స్డ్ టాక్ తెచ్చుకుంది. సినిమాలో కమర్షియల్ ఎలిమెంట్స్ అలరించాయి. మహేష్ బాబు వన్ మాన్ షో చేశారు. మహేష్ ఫైట్స్, డాన్సులు, డైలాగ్స్, మేనరిజమ్స్ కి ఫ్యాన్స్ ఫిదా. అయితే త్రివిక్రమ్ డైరెక్షన్ కి మైనస్ మార్క్స్ పడుతున్నాయి.
కథలో దమ్ము లేదు, కథనంలో పట్టు లేదని తేలిపోయింది. సంక్రాంతి సినిమా కావడంతో వసూళ్లపరంగా జోరు చూపించే అవకాశం లేకపోలేదు. జనవరి 16 వరకు లాంగ్ వీకెండ్ దొరికింది. అడ్వాన్స్ బుకింగ్స్ రూపంలో కూడా పెద్ద మొత్తంలో వసూళ్లు రానున్నాయి.
ఇక సినిమా ఫలితం ఏదైనా గుంటూరు కారం నుండి మహేష్ బయటకు వచ్చేశాడు. ఏ ముహూర్తాన సినిమా మొదలుపెట్టారో కానీ, అన్నీ అవాంతరాలే. త్రివిక్రమ్ అసలు స్క్రిప్ట్ లేకుండా మూవీ స్టార్ట్ చేసినట్లు ఉన్నాడు. మధ్యలో పూజా హెగ్డే వెళ్ళిపోయింది. సినిమాటోగ్రాఫర్ తప్పుకున్నాడు. పలుమార్లు షూటింగ్ వ్ వాయిదా పడింది.
సంక్రాంతి కి ఖచ్చితంగా రావాలని హడావుడిగా పూర్తి చేసి వదిలారు. గుంటూరు కారం జంజాటం నుండి బయట పడ్డ మహేష్ నెక్స్ట్ ఏం చేయాలి అనుకుంటున్నారో తెలుసుకుందా.... ఎప్పటిలాగే ఫస్ట్ ఆయన కుటుంబంతో పాటు కొన్నాళ్ళు విదేశాల్లో రిలాక్స్ అవుతారు.
రాజమౌళి మూవీ సెట్స్ పైకి వెళ్లేందుకు ఇంకా సమయం ఉంది. అందుకు మరో ఆరు నెలల కాలం పట్టవచ్చు. ఈ ఖాళీ సమయంలో రాజమౌళి చిత్రంలోని పాత్రకు సిద్ధం కావాలి. తన హీరోలను కండలతో ప్రెజెంట్ చేయడం రాజమౌళికి ఆనవాయితీ. కాబట్టి మహేష్ జిమ్ లో కసరత్తులు చేసే అవకాశం ఉంది.
అలాగే జంగిల్ అడ్వెంచర్ డ్రామా అంటున్నారు. కాబట్టి మహేష్ కొన్ని యుద్ధ విద్యల్లో శిక్షణ తీసుకోవాల్సి ఉందనే వాదన వినిపిస్తోంది. మహేష్ విదేశాల్లో శిక్షణ తీసుకునే అవకాశం కలదు. వీటితో పాటు తన యాడ్స్, వ్యాపారాలు, వ్యాపకాల్లో మునిగితేలనున్నాడు.