మీతా రఘునాథ్ ఎక్కువ సినిమాల్లో నటించలేదు. గుడ్ నైట్ చిత్రంతోనే మీతాకి మంచి గుర్తింపు దక్కింది. కానీ అప్పుడే మీతా పెళ్లి పీటలు ఎక్కేందుకు రెడీ అయిపోయింది.
ప్రస్తుతం ఓటిటి ప్రభావం వల్ల ఇతర భాషల్లో తెరెకెక్కించిన చిన్న చిత్రాలు కూడా దేశం నలుమూలల ప్రేక్షకులకు ఈజీగా చేరువవుతున్నాయి. మంచి కంటెంట్ ఉన్న చిత్రాలు ఆదరణ పొందుతున్నాయి. తమిళంలో తెరకెక్కిన గుడ్ నైట్ మూవీ అలాంటిదే.
చిన్న చిత్రంగా హాట్ స్టార్ ఓటిటిలో విడుదలైన ఈ చిత్రం సూపర్ సక్సెస్ అయింది. అత్యంత సాధారణమైన గురక కాన్సెప్ట్ తెరకెక్కిన ఈ చిత్రం యువతతో పాటు ఫ్యామిలీ ఆడియన్స్ హృదయాలు దోచుకుంది.
మీతా రఘునాథ్, మణికంఠన్ జంటగా నటించిన ఈ చిత్రాన్ని వినాయక్ చంద్రశేఖరన్ తెరకెక్కించారు. గురక సమస్య ఉన్న టెక్కీగా మణికంఠన్ ఎంత అద్భుతంగా నటించాడో.. అతడి భార్యగా మీతా రఘునాథ్ కూడా అంతే అద్భుతంగా నటించింది.
భర్త కోసం దేన్నైనా త్యాగం చేసే భార్యగా మెప్పించింది. ఏమాత్రం మేకప్ లేకుండా సహజసిద్ధమైన లుక్స్ తో కట్టిపడేసింది. ఎమోషనల్ పెర్ఫామెన్స్ తో అదరహో అనిపించింది. ఈ చిత్రం చూసిన యువత మొత్తం ఇలాంటి భార్యే కావాలని కలలు కనేలా చేసింది మీతా రఘునాథ్.
మీతా రఘునాథ్ ఎక్కువ సినిమాల్లో నటించలేదు. గుడ్ నైట్ చిత్రంతోనే మీతాకి మంచి గుర్తింపు దక్కింది. కానీ అప్పుడే మీతా పెళ్లి పీటలు ఎక్కేందుకు రెడీ అయిపోయింది.
తాజాగా మీతా రఘునాథ్ నిశ్చితార్థం చేసుకుంది. తనకు కాబోయే భర్తతో ఉన్న ఫొటోస్ సోషల్ మీడియాలో వైరల్ అవుతున్నాయి. అలాగే మీతా ఎంతో అందంగా ట్రెడిషనల్ చీరకట్టులో మెరిసిపోతోంది. ఆమెకి కాబోయే భర్త గురించి ఎలాంటి వివరాలు తెలియలేదు.
త్వరలోనే వీరిద్దరి పెళ్లి కూడా జరగబోతోంది. అయితే నెటిజన్లు మీతాకి శుభాకాంక్షలు చెబుతూనే పెళ్లి తర్వాత కూడా నటిగా కొనసాగాలని, సినిమాలు చేయాలని కోరుతున్నారు. ప్రస్తుతం మంచి ఆఫర్స్ వస్తున్న తరుణంలో మీతా పెళ్లి చేసుకోవాలని డిసైడ్ అయింది. మరి సినిమాలు కొనసాగిస్తుందో లేదో చూడాలి.