తలపతి విజయ్ నటించిన 'గోట్' చిత్రం సెప్టెంబర్ 5న విడుదలైంది. ఈ చిత్రానికి విజయ్ రూ.200 కోట్ల రూపాయల రెమ్యూనరేషన్ తీసుకున్నట్లు సమాచారం. ఈ చిత్రంలో నటించిన ఇతర నటులు, నటీమణుల రెమ్యూనరేషన్ వివరాలు మైండ్ బ్లాక్ చేసేలా ఉన్నాయి...
తలపతి విజయ్ సినిమా విడుదల అంటే, అభిమానులకు ఆ రోజు పండగే. అంతలా తలపతి విజయ్ సినిమాలను ఆస్వాదిస్తారు. సెప్టెంబర్ 5న గోట్ విడుదలైన సంగతి తెలిసిందే. థియేటర్స్ అభిమానులతో పోటెత్తాయి.
ఉదయం 9 గంటలకు గోట్ ప్రీమియర్ షోలు ప్రారంభం అయ్యాయి. ప్రజల భద్రత దృష్ట్యా తమిళనాడు ప్రభుత్వం ఈ నిర్ణయం తీసుకుంది. తలపతి విజయ్ గత చిత్రాలను ఉదయం 6 లేదా 7 గంటలకు చూడటం అలవాటు పడిన అభిమానులకు ఇది నిరాశ కలిగించింది. అంతేకాకుండా తలపతి రాజకీయ నాయకుడిగానూ మారడంతో... ఆర్భాటాలతో డబ్బును వృధా చేయకుండా, ఆ డబ్బుతో పేదలకు ఆహారం, పేద విద్యార్థులకు విద్య వంటి సహాయ కార్యక్రమాలు చేపట్టాలని... అభిమానులకు విజయ్ పిలుపునిచ్చారు.
ప్రపంచవ్యాప్తంగా దాదాపు 5000కు పైగా థియేటర్లలో విడుదలైన 'గోట్' చిత్రానికి ప్రేక్షకుల నుండి మంచి స్పందన లభిస్తుంది. రూ. 1000 కోట్ల వసూళ్లను గోట్ మూవీ వసూలు చేస్తుందని ఆశిస్తున్నారు . దాదాపు రూ. 400 కోట్ల బడ్జెట్‌తో రూపొందిన ఈ చిత్రం, విడుదలకు ముందే లాభదాయకంగా మారిందని నిర్మాత అర్చనా కల్పతి తెలిపారు.
గోట్ చిత్రానికి రెమ్యూనరేషన్ గా తలపతి విజయ్ కు దాదాపు రూ. 200 కోట్లు చెల్లించినట్లు సమాచారం. ఈ చిత్రంలో నటించిన ఇతర నటులు, దర్శకుడు వెంకట్ ప్రభు రెమ్యూనరేషన్స్ కి సంబంధించిన సమాచారం బయటకు వచ్చింది.
వెంకట్ ప్రభు:
'గోట్' మూవీ దర్శకుడు వెంకట్ ప్రభు, విజయ్ తర్వాత అత్యధిక రెమ్యునరేషన్ పొందారని చెబుతున్నారు. 'గోట్' చిత్రం కోసం వెంకట్ ప్రభు రూ. 10 కోట్లు తీసుకున్నారట. కరోనా సమయంలో, రజనీకాంత్ , ధనుష్‌లను దృష్టిలో పెట్టుకుని, వారి కోసం రాసిన ఈ కథను యాదృచ్ఛికంగా తలపతికి చెప్పగా, ఆయనకు కథ బాగా నచ్చడంతో ఈ చిత్రంలో నటించడానికి అంగీకరించారు. విజయ్ ఓకే చెప్పడంతో, ఈ చిత్రాన్ని భారీ బడ్జెట్‌తో నిర్మించి విజయవంతంగా విడుదల చేసింది AGS సంస్థ.
ప్రభుదేవా:
నటుడు, కొరియోగ్రాఫర్ అయిన ప్రభుదేవా... 'గోట్' చిత్రంలో తలపతి విజయ్ స్నేహితుడిగా నటించారు. ఇటీవల పలు చిత్రాలలో నటిస్తూనే, కొరియోగ్రాఫర్‌గానూ వ్యవహరిస్తున్న ఆయన, ఈ చిత్రంలో నటించడానికి రూ. 2 కోట్ల రూపాయల పారితోషికం తీసుకున్నట్లు సమాచారం. ప్రభుదేవా ఒక చిత్రంలో హీరోగా నటించడానికి రూ. 8 నుండి రూ. 10 కోట్ల వరకు రెమ్యునరేషన్ తీసుకుంటున్న నేపథ్యంలో, ఈ చిత్రంలో సహాయ పాత్రలో నటించడం కారణంగా తక్కువ తీసుకున్నారు.
ప్రశాంత్:
90వ దశకంలో తలపతి విజయ్ కంటే ఎక్కువ రెమ్యునరేషన్ తీసుకున్న నటుడు ప్రశాంత్. గత నెలలో విడుదలైన 'అంధగన్' చిత్రం విజయవంతం కావడంతో, మళ్లీ ప్రేక్షకుల దృష్టిని ఆకర్షించే నటుడిగా మారారు. తలపతి విజయ్ తో ఇప్పటివరకు కలిసి నటించని ఆయన, గోట్ లో హీరో స్నేహితుడిగా... ఒక ఉన్నతాధికారి పాత్రలో నటించారు. ఈ చిత్రంలో నటించడానికి ఆయనకు రూ. 75 లక్షలు ఇచ్చినట్లు సమాచారం.
జయరాం:
సీనియర్ నటుడు జయరాం, 80, 90వ దశకాలలో హీరోగా నటించి గుర్తింపు పొందారు. ఆయన ఒక మలయాళ నటుడైనప్పటికీ, తమిళంలో కూడా పలు చిత్రాలలో నటించారు. ఇటీవల కాలంలో వరుసగా సహాయ పాత్రలు పోషిస్తున్నారు. 'తుపాకి' చిత్రం తర్వాత విజయ్ తో కలిసి నటించిన ఈ చిత్రం కోసం, రూ. 50 లక్షల పారితోషికం తీసుకున్నారు.
అజ్మల్ అమీర్:
విలన్ - హీరో పాత్రల్లో నటిస్తూ తమిళ సినీ పరిశ్రమను కుదిపేస్తున్న యువ నటుడు అజ్మల్... తొలిసారిగా తలపతి విజయ్ తో కలిసి కీలక పాత్రలో నటించారు. ఈ చిత్రంలో నటించడానికి ఆయన రూ. 50 లక్షల పారితోషికం తీసుకున్నారు.
మైక్ మోహన్:
'హారా' చిత్రం ద్వారా చాలా సంవత్సరాల తర్వాత మళ్లీ తమిళ సినీ పరిశ్రమలోకి రీ-ఎంట్రీ ఇచ్చిన నటుడు మోహన్. 'గోట్' చిత్రంలో విలన్ గా నటించారు. ఈ చిత్రం కోసం ఆయన దాదాపు రూ. 40 లక్షల రెమ్యూనరేషన్ తీసుకున్నట్లు సమాచారం.
స్నేహ:
చాలా సంవత్సరాల తర్వాత తలపతి విజయ్ మూవీలో నటించిన నటి స్నేహ... 'గోట్' చిత్రంలో నటించడానికి రూ. 30 లక్షల రెమ్యునరేషన్ తీసుకున్నారు. హీరోయిన్ స్నేహ ప్రస్తుతం క్యారెక్టర్ రోల్స్ చేస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి