Nagabandham: 8 గంటల మేకప్, నిద్ర లేదు.. 'నాగబంధం' కోసం KGF గరుడ రామ్ పడిన కష్టాలు

'నాగబంధం' సినిమా కోసం KGF ఫేమ్ గరుడ రామ్ ఎంత ఇబ్బంది పడ్డాడో తెలుసా? కేవలం మేకప్ కోసమే 8 గంటలు సమయం పట్టడంతో.. రామ్  ఫేస్ చేసిన స్ట్రగుల్ అంతా ఇంతా కాదు.  అనంత పద్మనాభస్వామి ఆలయ రహస్యం ఆధారంగా తెరకెక్కిన ఈ పాన్-ఇండియా సినిమా జులై 3న విడుదల కానుంది.

8 గంటల మేకప్‌

'నాగబంధం' సినిమాలో గరుడ రామ్ పాత్ర చాలా భయంకరంగా ఉంటుంది. దానికోసం ఆయన ఉదయం నుంచి సాయంత్రం వరకు 8 గంటల పాటు మేకప్ వేసుకునేవారు. రాత్రంతా ఆయనపైనే షూటింగ్ జరిగేది. ఆ సమయంలో ఆయనకు తిండి, నిద్ర సరిగ్గా ఉండేవి కావు.

బైరాగి పాత్రలో రామ్

ఈ మాటలు రామ్ చెప్పినవి కాదు.  'నాగబంధం'  సినిమా హీరోగా నటించిన  విరాట్ కర్ణ వెల్లడించారు. ఈ చిత్రంలో గరుడ రామ్ 'బైరాగి' అనే పాత్రను పోషించారు.ఈ  క్యారెక్టర్ కోసం ఆయన ఎంత కష్టపడ్డారు అనే విషయాన్ని విరాట్ కర్ణ వివరించారు. 

విరాట్ కర్ణ కఠిన వ్రతం

'నేను పోషించిన శివుడి పాత్ర కోసం చాలా బాడీ ట్రాన్స్‌ఫర్మేషన్ చేసుకోవాల్సి వచ్చింది. శివమాల ధరించడంతో పాటు కొన్ని కఠినమైన వ్రతాలు కూడా చేశాను. లేకపోతే ఆ పాత్రకు కావాల్సిన ఎనర్జీ, ఫీల్ తీసుకురావడం సాధ్యమయ్యేది కాదు' అని హీరో విరాట్ చెప్పారు.

అనంత పద్మనాభస్వామి ఆలయ రహస్యం

ఈ చిత్రానికి అభిషేక్ నామా దర్శకత్వం వహించారు. కేరళలోని అనంత పద్మనాభస్వామి ఆలయం  రహస్యమైన 'నాగబంధం' తో పాటు  హిమాలయాల నేపథ్యంలో ఈ సినిమా కథ నడుస్తుంది.

నాగబంధం రిలీజ్ ఎప్పుడంటే?

హీరోయిన్ నభా నటేష్ సినిమాలోని ఓ పాటకు డ్యాన్స్ చేశారు. గరుడ రామ్, భజరంగీ ప్రసన్న, వినయ్ బిద్దప్ప ఈ ప్రెస్ మీట్‌లో పాల్గొన్నారు. ఈ సినిమా జులై 3న విడుదల కాబోతోంది.