సూపర్ స్టార్ రజనీకాంత్ కెరీర్ను మలుపు తిప్పిన మొదటి మాస్ ఓపెనింగ్ సాంగ్ వెనుక ఉన్న 'సీక్రెట్ మాస్టర్మైండ్' ఎవరో తెలుసా? సంగీతం, దర్శకత్వం, పాటలతో ఇండస్ట్రీని ఏలిన ఈ సకలకళా వల్లభుడి సక్సెస్ స్టోరీ ఏంటి.?
తమిళ ఇండస్ట్రీలో ఎంతోమంది గొప్పవాళ్లు వచ్చారు, వెళ్లారు. కానీ ఒకేసారి పాటల రచయిత, సంగీత దర్శకుడు, డైరెక్టర్, సింగర్, స్క్రీన్ప్లే రైటర్, నటుడిగా.. ఇలా అన్నింట్లోనూ సత్తా చాటిన 'సకలకళా వల్లభులు' కొందరే. ఆ లిస్టులో ముందుండే వ్యక్తే గంగై అమరన్. ఇళయరాజా తమ్ముడైన ఈయన అసలు పేరు 'అమర్ సింగ్'. రజనీకాంత్ కెరీర్లో ఓ చారిత్రక మైలురాయికి ఈయనే పునాది వేశారు.
25
రజనీకాంత్ మొదటి పాట!
1978లో డైరెక్టర్ మహేంద్రన్ దర్శకత్వంలో వచ్చిన 'ముల్లుం మలరుం' సినిమా రజనీకాంత్ యాక్టింగ్ కెరీర్లో పెద్ద టర్నింగ్ పాయింట్. అప్పటివరకు విలన్గా, క్యారెక్టర్ ఆర్టిస్టుగా ఉన్న రజనీని, పూర్తిస్థాయి మాస్ హీరోగా జనంలోకి తీసుకెళ్లిన సినిమా ఇది. ఈ సినిమాలో రజనీ మాస్ ఇమేజ్ను, ఆయన హీరోయిజాన్ని ఆకాశానికి తీసుకెళ్లిన పాట 'రామే ఆండాలుం రావణే ఆండాలుం ఎనకు ఒరు కవలై ఇల్లే...'. ఈ పాటకు అద్భుతమైన సాహిత్యం అందించింది గంగై అమరనే! అన్న ఇళయరాజా సంగీతం, ఎస్పీ బాలసుబ్రహ్మణ్యం గొంతుతో ఈ పాట మార్మోగిపోయింది. రజనీ స్టైల్కు తగ్గట్టుగా గంగై అమరన్ రాసిన ఈ పాట, ఆయన హీరో జర్నీలో ఓ చెరగని ముద్ర వేసింది.
35
2500+ పాటలు, 180+ సినిమాలు
అన్న ఇళయరాజా నీడలో ఉండిపోకుండా, గంగై అమరన్ తనకంటూ ఓ ప్రత్యేక సామ్రాజ్యాన్ని సృష్టించుకున్నారు. ఫిల్మ్ ఇండస్ట్రీకి ఆయన చేసిన సేవలు అమోఘం. పాటల రచయితగా 2500+ పాటలు, సంగీత దర్శకుడిగా 180 సినిమాలకి పైగా అద్భుతమైన సంగీతం అందించారు.
పాటలు, సంగీతం మాత్రమే కాదు, గంగై అమరన్ డైరెక్ట్ చేసిన సినిమాలు బాక్సాఫీస్ రికార్డులు సృష్టించాయి. 1982లో 'కోళి కూవుదు' సినిమాతో దర్శకుడిగా పరిచయమై, పల్లెటూరి కథలతో తనదైన ముద్ర వేశారు. దీనికి పరాకాష్ట 1989లో వచ్చిన కరగాట్ట సినిమా. ఈ మూవీ థియేటర్లలో ఏడాదికి పైగా ఆడి రికార్డు సృష్టించింది. ఇలా ఎన్నో హిట్ సినిమాలను ఆయన డైరెక్ట్ చేశారు.
55
నిజమైన ఆల్-రౌండర్
పాటల రచయిత, సంగీత దర్శకుడు, డైరెక్టర్ మాత్రమే కాదు.. ఆయనొక గొప్ప గాయకుడు, నటుడు, స్క్రీన్ప్లే రచయిత కూడా. ఇలా సినిమాకు కావాల్సిన అన్ని అర్హతలున్న 'సకలకళా వల్లభుడు' గంగై అమరన్. ఓ సాధారణ పల్లెటూరి నేపథ్యం నుంచి వచ్చి, ఇళయరాజా, రజనీకాంత్ లాంటి ఇద్దరు దిగ్గజాల విజయాల్లో కీలక పాత్ర పోషించి, తానూ ఓ ప్రత్యేకమైన దర్శకుడిగా నిలిచిన గంగై అమరన్ కథ.. తమిళ సినిమా చరిత్రలో ఎప్పటికీ నిలిచిపోతుంది.
