రెండేళ్లకు పైగా శోభిత-నాగ చైతన్యల రిలేషన్ పై వార్తలు వచ్చాయి. నాగ చైతన్య ఏనాడూ స్పందించింది లేదు. కాగా శోభితను వివాహం చేసుకోవడం వెనుక కారణం ఏమిటో, తమ బంధం ఎలా బలపడిందో నాగ చైతన్య వెల్లడించాడు.
నాగ చైతన్య-శోభిత ధూళిపాళ్ల వివాహానికి సమయం దగ్గరపడుతోంది. డిసెంబర్ 4న అన్నపూర్ణ స్టూడియోలో పరిమిత బంధువులు, సన్నిహితులు, ప్రముఖుల సమక్షంలో వివాహం జరగనుంది. కేవలం 300 మందికి మాత్రమే ఆహ్వానం అని ఆల్రెడీ నాగార్జున వెల్లడించారు. అందుకు నాగ చైతన్య కారణం అన్నారు.
చాలా సింపుల్ గా తన వివాహం చేయాలని నాగ చైతన్య కోరాడు. పెళ్లి పనులు కూడా నాగ చైతన్య, శోభిత స్వయంగా చూసుకుంటామని చెప్పారని నాగార్జున స్పష్టత ఇచ్చారు. కాగా శోభితతో రెండేళ్లకు పైగా ప్రేమాయణం సాగించిన నాగ చైతన్య ఎన్నడూ నోరు మెదపలేదు. వీరిద్దరూ జంటగా ఉన్న ఫోటోలు సోషల్ మీడియాలో వైరల్ కావడంతో కథనాలు వెలువడ్డాయి. అప్పుడు కూడా నాగ చైతన్య సైలెంట్ గా ఉన్నారు.
శోభిత మాత్రం ఓ సందర్భంలో ఖండించారు. సడన్ గా ఆగస్టు 8న నిశ్చితార్థం జరుపుకుని షాక్ ఇచ్చారు. నాగ చైతన్య-శోభితలకు ఎంగేజ్మెంట్ జరిగిందని నాగార్జున సోషల్ మీడియా వేదికగా తెలియజేశాడు. శోభిత దూళిపాళ్లను అక్కినేని ఫ్యామిలీలోకి నాగార్జున ఆహ్వానించారు. కాబోయే వధూవరులకు శుభాకాంక్షలు తెలిపారు.
ఎట్టకేలకు నాగ చైతన్య... శోభితతో పెళ్లి, ఆమెతో ఉన్న అనుబంధాన్ని, వివాహం చేసుకోవాలని నిర్ణయం తీసుకోవడానికి కారణం ఏమిటో వెల్లడించారు. ఆయన ఓ ఆంగ్ల మీడియా ఇంటర్వ్యూలో పాల్గొన్నారు. ఈ సందర్భంగా మాట్లాడుతూ.. మా పెళ్లి నిరాడంబరంగా, సాంప్రదాయ బద్ధంగా జరుగుతుంది. ఎలాంటి హంగులు ఆర్భాటాలు లేవు. గెస్ట్స్ లిస్ట్ నుండి, పెళ్లి పనులు కూడా మేమిద్దరమే చూసుకున్నాం.
అన్నపూర్ణ స్టూడియో అక్కినేని కుటుంబానికి చాలా ప్రత్యేకం. అక్కడ ఉన్న తాత(ఏఎన్నార్) విగ్రహం ఎదుట పెళ్లి జరగనుంది. ఆయన ఆశీస్సులు మాకు ఎప్పుడూ ఉంటాయి. రెండు కుటుంబాలు కలిసి అక్కడ వివాహం జరగాలని నిర్ణయం తీసుకున్నాం. శోభితతో కొత్త జీవితాన్ని ఆరంభించేందుకు ఆశగా ఎదురు చూస్తున్నాను. ఆమె నాకు చాలా కనెక్ట్ అయ్యింది. నన్ను బాగా అర్థం చేసుకుంది. నా జీవితంలో ఏర్పడిన శూన్యాన్ని నింపేందుకు ఈ వివాహం చేసుకుంటున్నాను.. అన్నారు.
నాగ చైతన్య కామెంట్స్ వైరల్ అవుతున్నాయి. శోభిత-నాగ చైతన్య స్క్రీన్ షేర్ చేసుకుంది లేదు. అయినప్పటికీ వీరికి పరిచయం ఏర్పడింది. ఆ పరిచయం కాస్తా ప్రేమగా మారింది. తెలుగు అమ్మాయి అయిన శోభిత ముంబైలో మోడలింగ్ చేసింది. కెరీర్ బిగినింగ్ లో హిందీ చిత్రాలు చేసింది. తెలుగులో గూఢచారి, మేజర్ చిత్రాల్లో నటించింది.
ఇక నాగ చైతన్య కెరీర్ పరిశీలిస్తే ఆయన సాలిడ్ హిట్ కోసం ట్రై చేస్తున్నాడు. ఆయన గత రెండు చిత్రాలు థాంక్యూ, కస్టడీ నిరాశపరిచాయి. ప్రస్తుతం చందూ మొండేటి దర్శకత్వంలో తండేల్ మూవీ చేస్తున్నాడు. ఎమోషనల్ లవ్ డ్రామాగా ఈ చిత్రం తెరకెక్కుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి