Dude OTT Date: ప్రదీప్ రంగనాథన్, మమితా బైజు జంటగా నటించిన `డ్యూడ్` మూవీ థియేటర్లలో వంద కోట్లకుపైగా వసూలు చేసి బ్లాక్ బస్టర్గా నిలిచింది. ఇప్పుడు ఓటీటీ ఆడియెన్స్ ని అలరించేందుకు వస్తోంది.
యంగ్ హీరో ప్రదీప్ రంగనాథన్, మమితా బైజు (Mamitha Baiju) జంటగా నటించిన `డ్యూడ్` మూవీ బాక్సాఫీస్ వద్ద ఘన విజయం సాధించిన సంగతి తెలిసిందే. దీపావళి పండక్కి వచ్చిన ఈ మూవీ ఊహించని వసూళ్లని రాబట్టింది. రివ్యూల నుంచి మిశ్రమ స్పందన రాబట్టుకున్నా కలెక్షన్ల పరంగా సత్తా చాటింది. దాదాపు వంద కోట్లని వసూలు చేసింది. ఇక థియేట్రికల్ రన్ ముగించుకుని ఇప్పుడు డిజిటల్ ప్రీమియర్కు సిద్ధమైంది.
26
తెలుగు ఆడియెన్స్ నీ ఆకట్టుకున్న `డ్యూడ్`
కీర్తిస్వరన్ (Keerthiswaran) దర్శకత్వంలో తెరకెక్కిన ఈ సినిమా, ఆధునిక సంబంధాలు (modern relationships), కుటుంబ బంధాల (family dynamics) ఇతివృత్తాలను హాస్యంతో మేళవించిన తీరు యూత్ని బాగా ఆకట్టుకుంది. ఒక డిఫరెంట్ లవ్ స్టోరీ ఆడియెన్స్ కి మంచి కిక్ ఇచ్చింది. దీంతో తమిళంతోపాటు తెలుగు ఆడియెన్స్ ఈ మూవీకి బ్రహ్మరథం పట్టారు.
36
డ్యూడ్ ఓటీటీ రిలీజ్ డేట్
డ్యూడ్ ఓటీటీలోకి వచ్చేందుకు రెడీ అయ్యింది. సడెన్గా సర్ప్రైజ్ చేయబోతుంది. తాజాగా ఓటీటీ ప్లాట్ఫామ్, ఓటీటీ రిలీజ్ డేట్ కన్ఫమ్ అయ్యింది.ప్రదీప్ రంగనాథన్ నటించిన సూపర్ హిట్ సినిమా `డ్యూడ్` డిజిటల్ హక్కులను ప్రముఖ ఓటీటీ ప్లాట్ఫామ్ అయిన నెట్ఫ్లిక్స్ (Netflix) సొంతం చేసుకుంది. ఈ మేరకు అధికారిక ప్రకటన కూడా వచ్చింది. `డ్యూడ్' సినిమా 2025 నవంబర్ 14 నుంచి స్ట్రీమింగ్ కానుంది. ఈ అంటే ఈఅర్థరాత్రి నుంచి ఓటీటీ ఆడియెన్స్ ని అలరించబోతుంది. అక్టోబర్ 17, 2025న దీపావళి సందర్భంగా ప్రపంచవ్యాప్తంగా థియేటర్లలో విడుదలైన ఈ చిత్రం, విడుదలైన దాదాపు నెల రోజులకే ఓటీటీలోకి వస్తోంది.
ఇందులో మన తెలుగు ప్రేక్షకులకు శుభవార్త ఏమిటంటే, ఈ చిత్రం కేవలం తమిళంలోనే కాకుండా, తెలుగుతో పాటు హిందీ, కన్నడ, మలయాళ భాషల్లో కూడా అందుబాటులో ఉండనుంది. నెట్ఫ్లిక్స్ కూడా తమ సోషల్ మీడియాలో ఈ రిలీజ్ గురించి ప్రకటిస్తూ,`One DUDE, one thousand problems, no solutions` అనే హాస్యభరితమైన ట్యాగ్లైన్ను పంచుకుంది. ఇది వైరల్ అవుతుంది.
56
`డ్యూడ్` బాక్సాఫీస్ కలెక్షన్లు చూస్తే
'డ్యూడ్' సినిమా బాక్సాఫీస్ వద్ద అసాధారణమైన విజయాన్ని నమోదు చేసింది. దీపావళి పండుగ సందర్భంగా విడుదలైన ఈ చిత్రం, కేవలం 10 రోజుల్లోనే ₹100 కోట్ల మైలురాయిని అధిగమించింది. ఇది హీరో ప్రదీప్ రంగనాథన్కు వరుసగా మూడవ ₹100 కోట్ల చిత్రంగా రికార్డు సృష్టించింది. అంతకు ముందు `లవ్ టుడే`, `డ్రాగన్`తో వంద కోట్లు కొల్లగొట్టిన విషయం తెలిసిందే. ఇక `డ్యూడ్` మన ఇండియాలో ₹72.2 కోట్లు, ప్రపంచవ్యాప్తంగా ₹113.25 కోట్లు వసూలు చేసినట్లు అంచనా.
66
జెంజీ లవ్ స్టోరీతో `డ్యూడ్`
దర్శకుడు కీర్తిశ్వరన్ జెంజీ తరం మోడ్రన్ ఆలోచనలతో ఈ చిత్రాన్ని రూపొందించడం విశేషం. ఇందులో ప్రదీప్ ని మొదట మమితా లవ్ చేస్తుంది, కానీ ఆయన రిజెక్ట్ చేస్తాడు. ఆ తర్వాత ఆయన ఆమెని లవ్ చేస్తాడు. కానీ అప్పటికే మమితా మరో కుర్రాడితో ప్రేమలో పడుతుంది. కానీ ప్రదీప్ని పెళ్లి చేసుకుంటుంది. ప్రేమించిన వాడితో పిల్లాడిని కంటుంది. మరి ఈ విచిత్రమైన లవ్ స్టోరీ ఎలాంటి ముగింపు తీసుకుందనేది కథ. స్టోరీ పరంగా క్రేజీగా ఉన్న ఈ చిత్రంలో శరత్ కుమార్ పాత్ర హైలైట్గా నిలుస్తుంది. ఆయన పాత్ర ద్వారా కుల వివక్షతని చర్చించడం విశేషం. ఇందులో సాయి అభ్యంకర్ మ్యూజిక్ మరో హైలైట్గా చెప్పాలి. మొత్తం మీద, థియేటర్లలో భారీ విజయాన్ని సాధించిన `డ్యూడ్` సినిమాను, ఎంతో ఆసక్తిగా ఎదురుచూస్తున్న తెలుగు ప్రేక్షకులు నవంబర్ 14 నుండి నెట్ఫ్లిక్స్ లో ఇంట్లో నుంచే చూసి ఆనందించవచ్చు.
