రౌడీ హీరో విజయ్ దేవరకొండ ధరించిన ఆ వాచ్ ధరెంతో తెలుసా.. నోరెళ్ల బెట్టాల్సిందే!?

సెన్సేషనల్ స్టార్ విజయ్ దేవరకొండ (Vijay Deverakonda) ప్రస్తుతం వార్తలో నిలిచారు. రౌడీ హీరో ధరించిన రిస్ట్ వాచ్ ధర చర్చనీయాంశంగా మారింది. ఆ ధరతో ఏకంగా చిన్నపాటి ఇంటినే కట్టొచ్చని అభిప్రాయపడుతున్నారు.  

టాలీవుడ్ లో స్టైలిష్ అండ్ డిఫరెంట్ ఫ్యాషన్ సెన్స్ కలిగిన  యంగ్ హీరోల్లో విజయ్ దేవరకొండ ఒకరు. ఇండస్ట్రీలో తనదైన శైలిలో ముందుకు వెళ్తున్నారు. ‘అర్జున్ రెడ్డి’ తెచ్చి పెట్టిన సక్సెస్ తో స్టార్ హీరోగా మారాడు.

విజయ్ దేవరకొండ తన కామెంట్స్, సినిమాలతో ఎప్పుడూ వార్తలో నిలుస్తుంటాడు. ముఖ్యంగా ఆయన అటీట్యూడ్ కూ యూత్ లో ఎంత క్రేజ్ ఉందో ప్రత్యేకంగా చెప్పనక్కర్లేదు. సినిమా సినిమాకు మరింతగా ఫాలోయింగ్ ను సంపాదించుకుంటూ వెళ్తున్నారు. సెన్సేషనల్ హీరోగా ఎప్పుడూ ట్రెండింగ్ లోనే ఉంటున్నారు.

తాజాగా విజయ్ దేవరకొండకు సంబంధించిన కొన్ని ఫొటోలు నెట్టింట వైరల్ అవుతున్నాయి. ఇందుల్లో స్టైలిష్ లుక్ ను సొంతం చేసుకున్నారు. అయితే ఫొటోలో విజయ్ ధరించిన రిస్ట్ వాచ్ ధర ప్రస్తుతం చర్చనీయాంశంగా మారింది. ఆ వాచ్ కాస్ట్ తెలుసుకున్న అభిమానులు నోరెళ్ల  బెడుతున్నారు. 

సాధారణంగా స్టార్స్ వాడే వస్తువు, కార్లు, దుస్తులు ఎంత కాస్ట్లీ ఉంటాయో తెలిసిందే. ఈ క్రమంలో విజయ్ తాజాగా ధరించిన రిస్ట్ వాచ్ ధర లక్షల్లో ఉంటుందని తెలుస్తోంది. కార్టియర్ బ్రాండ్ కు చెందిన ఆ వాచ్ విలువ రూ.30 లక్ష 43 వేలు ఉంటుందట. ఇంత కాస్ట్లీ వాచ్ ధరించడంతో విజయ్ ఫొటోలు నెట్టింట వైరల్ గా మారాయి.

ఇప్పటికే  విజయ్ దేవరకొండ కార్లు అంటే కూడా ఇష్టమని చెప్పాడు. వాళ్ల ఇంటి గ్యారేజీని లగ్జరీ కార్లతో నింపేశాడంట. విజయ్ కి బాగా నచ్చిన Volvo, బెంజ్ లాంటి టాప్ బ్రాండ్ కార్లను కొనుగులు చేసినట్టు గతంలో ఓ ఇంటర్వ్యూలో తెలిపాడు. అప్పట్లో ఓ ప్రైవెట్ జెట్ నూ కలిగి ఉన్నట్లు కూడా వార్తలు వచ్చాయి.

చివరిగా విజయ్ ‘లైగర్’ (Liger)తో ప్రేక్షకుల ముందుకు వచ్చి పరాజయం పాలయ్యారు. భారీ అంచనాలతో వచ్చిన ఈ చిత్రం డిజాస్టర్ గా నిలిచింది. దీంతో కొద్దిరోజులుగా మీడియాకూ దూరంగానే ఉంటూ.. అప్ కమింగ్ ప్రాజెక్ట్స్ పై ఫోకస్ పెట్టారు. ప్రస్తుతం శివ నిర్వాణ దర్శకత్వంలో ‘ఖుషి’లో నటిస్తున్నారు. ఆ తర్వాత గౌతమ్ తిన్ననూరి, సుకుమార్ కాంబినేషన్ లో సినిమాలు చేయబోతున్నాడని తెలుస్తోంది.