సైఫ్ అలీఖాన్‌ భద్రత కోసం ఎంత ఖర్చు చేస్తారో తెలుసా.? అమౌంట్ తెలిస్తే షాక్‌ అవ్వాల్సిందే

బాలీవుడ్ అగ్ర హీరో సైఫ్‌ అలీఖాన్‌పై జరిగిన దాడి దేశవ్యాప్తంగా సంచలంగా మారిన విషయం తెలిసిందే. సైఫ్‌ అలీఖాన్‌పై దాడి చేసి నిందితుడిని ముంబై క్రైమ్‌ బ్రాంచ్‌ పోలీసులు అరెస్ట్ చేసినట్లు వార్తలు వస్తున్నాయి. ఈ తరుణంలో అసలు సైఫ్‌ అలీఖాన్‌ లాంటి భారీ భద్రత నడుమ ఉంటే హీరోపై దాడి ఎలా జరిగిందన్న అంశం ఇప్పుడు దేశవ్యాప్తంగా చర్చకు దారి తీసింది. ఈ నేపథ్యంలో అసలు సైఫ్‌ భద్రత కోసం ఎంత ఖర్చు చేస్తారో ఇప్పుడు తెలుసుకుందాం..   

బాలీవుడ్ నటుడు సైఫ్‌ అలీఖాన్‌ ప్రస్తుతం ఆసుపత్రితో చికిత్స పొందుతున్నారు. ముంబైలోని బాంద్రాలో ఉన్న సైఫ్ ఇంట్లో రాత్రి 2.30 గంటల ప్రాంతంలో గుర్తు తెలియని వ్యక్తి సైఫ్‌ ఇంట్లోకి ఓ దుండగుడు ఎంటర్‌ అయ్యాడు. సైఫ్‌ నిందితుడిని ప్రతిఘటించే క్రమంలో పలుసార్లు దాడికి గురయ్యాడు. అనంతరం 3 గంటలకు లీలావతి ఆసుపత్రికి తరలించారు. సైఫ్‌ను 6 సార్లు కత్తితో పొడిచారని, వీటిలో మెడపై, వెన్నుపాముపై దాడి జరిగినట్లు వైద్యులు తెలిపారు. 

ఇదిలా ఉంటే సైఫ్‌ అలీఖాన్‌ నివాసం ఉండే ప్రదేశం అత్యంత కట్టుదిట్టమైన ప్రాంతం. బాలీవుడ్‌ సెలబ్రిటీలు మాత్రమే ఇక్కడ ఉంటారు. సైఫ్‌ తన భార్య కరీనా కపూర్‌తో కలిసి బాంద్రాలోని సద్గురు శరణ్ అపార్ట్‌మెంట్‌లో నివసిస్తున్నారు.

ఈ ఇంటిని ప్రముఖ ఇంటీరియర్ డిజైనర్ దర్శిని షా డిజైన్ చేశారు. సైఫ్‌ ఈ అపార్ట్‌మెంట్‌లోని మూడు ఫ్లోర్లలో నివసిస్తారని తెలుస్తోంది. ఓ అంచనా ప్రకారం సైఫ్‌ నివసిస్తున్న ఈ ఫ్లాట్‌ విలువ ఏకంగా రూ. 55 కోట్లు ఉంటుందని తెలుస్తోంది. 

కాగా సైఫ్‌ అలీఖాన్‌తో బాలీవుడ్‌ సెలబ్రిటీలు ఎందరో నివసించే ఈ అపార్ట్‌మెంట్‌కు 24 గంటలూ భద్రతా నిఘాలో ఉంటుంది. భనవం చుట్టూ పదుల సంఖ్యలో సీటీటీవీ కెమెరాలు ఉంటాయి. అలాగే వెరిఫికేషన్‌ లేకుండా ఎవరినీ లోపలికి అనుమతించరు.

ఇక సైఫ్ అలీఖాన్‌కు ప్రత్యేకంగా వ్యక్తిగత భద్రత కోసం కూడా సెక్యూరుటీ ఉంటుంది. అతనికి, అతని కుటుంబానికి అనుక్షణం రక్షణ కల్పించేందుకు పదుల సంఖ్యలో సిబ్బంది ఉంటుంది. 

ఇక సైఫ్‌ అలీఖాన్‌ సెక్యూరిటీ కోసం వెచ్చించే ఖర్చుకు సంబంధించి కూడా పలు వార్తలు వైరల్‌ అవుతున్నాయి. మీడియా కథనాల ప్రకారం సైఫ్‌ తన సెక్యూరిటీ కోసం ఏడాదికి రూ. కోటి ఖర్చు చేస్తారని తెలుస్తోంది.

ఈ క్రమంలోనే బాలీవుడ్‌ హీరోలు తమ సెక్యూరిటీ కోసం ఎంత ఖర్చు చేస్తున్నారన్న అంశం తెరపైకి వచ్చింది. అందరి కంటే అధికంగా బాలీవుడ్‌ బాద్‌షా షారుఖ్‌ ఖాన్‌ తన సెక్యూరిటీ కోసం ఖర్చు చేస్తున్నట్లు తెలుస్తోంది. ఈ హీరో ఏటా ఏకంగా రూ. 3 కోట్లు వెచ్చిస్తున్నట్లు సమాచారం. తర్వాత సల్మాన్‌ ఖాన్‌ తన బాడీగార్డ్‌ల కోసం రూ. 2 కోట్లు ఖర్చు చేస్తున్నట్లు సమాచారం.