దిల్ రాజు టాలీవుడ్ లో అగ్ర నిర్మాతగా రాణిస్తున్నారు. విజయవంతమైన చిత్రాలు నిర్మించడంలో దిల్ రాజుకు తిరుగులేదు. పక్కా ప్రణాళికతో దిల్ రాజు సినిమాలు నిర్మిస్తుంటారు.
దిల్ రాజు టాలీవుడ్ లో అగ్ర నిర్మాతగా రాణిస్తున్నారు. విజయవంతమైన చిత్రాలు నిర్మించడంలో దిల్ రాజుకు తిరుగులేదు. పక్కా ప్రణాళికతో దిల్ రాజు సినిమాలు నిర్మిస్తుంటారు. సినిమాల విషయంలో దిల్ రాజు జడ్జిమెంట్ కరెక్ట్ గా ఉంటుంది. అందుకే ఆయన ఎక్కువ విజయాలు అందుకుంటూ ఉంటారు.
తాజాగా దిల్ రాజు ఫ్యామిలీలో కొత్త సంతోషాలు వెళ్లి విరిసినట్లు తెలుస్తోంది. దిల్ రాజు మరోసారి తండ్రి అయ్యారు. దిల్ రాజు భార్య తేజస్విని(వైగా రెడ్డి) బుధవారం తెల్లవారు జామున పండంటి మగబిడ్డకు జన్మనిచ్చింది. దీనితో దిల్ రాజు ఫ్యామిలీ సంతోషంలో మునిగితేలుతున్నట్లు తెలుస్తోంది.
కొన్నేళ్ల క్రితం దిల్ రాజు మొదటి భార్య అనిత అకాల మరణం చెందారు. వీరికి హన్షిత రెడ్డి సంతానం. మొదటి భార్య మరణం తర్వాత తన కుమార్తె హన్షిత, ఇతర కుటుంబ సభ్యుల సలహా మేరకు దిల్ రాజు 2020లో తేజస్వినిని రెండవ వివాహం చేసుకున్నారు.
వివాహం తర్వాత ఆమె గర్భందాల్చింది. ఇప్పుడు ఈ దంపతులకు పండంటి మగబిడ్డ జన్మించాడు. ఈ వార్త తెలియగానే సెలెబ్రిటీలు, అభిమానులు సోషల్ మీడియాలో దిల్ రాజు, తేజస్విని దంపతులకు శుభాకాంక్షలు చెబుతున్నారు.
బండ్ల గణేష్ ట్విట్టర్ లో స్పందిస్తూ.. దిల్ రాజు అన్నా నీకు శుభాకాంక్షలు.. ఆయనకి మగబిడ్డ జన్మించాడు అంటూ ట్వీట్ చేశాడు. ఈ శుభవార్తని దిల్ రాజు అధికారికంగా ప్రకటిస్తారేమో చూడాలి. ఇదిలా ఉండగా దిల్ రాజు ప్రస్తుతం వరుస చిత్రాలతో దూసుకుపోతున్న సంగతి తెలిసిందే.
శంకర్, రాంచరణ్ కాంబోలో దిల్ రాజు భారీ పాన్ ఇండియా చిత్రాన్ని నిర్మిస్తున్నారు. అలాగే వంశీ పైడిపల్లి, విజయ్ కాంబోలో ఓ క్రేజీ మూవీని కూడా ప్రొడ్యూస్ చేస్తున్నారు.