Guppedantha Manasu: సరికొత్త ప్లాన్ వేసిన దేవయాని.. వసుధార కోసం చీరలు కొంటున్న రిషి?

Guppedantha Manasu: బుల్లితెర పై ప్రసారమవుతున్న గుప్పెడంత మనసు (Guppedantha Manasu) సీరియల్ ప్రేక్షకులను బాగా ఆకట్టుకుంటుంది. కాలేజ్ లో లెక్చరర్ కు స్టూడెంట్ కు మధ్య కలిగే ప్రేమ కథతో సీరియల్ కొనసాగుతుంది. ఇక ఈరోజు డిసెంబర్ 6వ తేదీ ఎపిసోడ్ లో ఏం జరిగిందో తెలుసుకుందాం.  

ఈరోజు ఎపిసోడ్లో దేవయాని ఇల్లు వాకిలి అమ్మానాన్నలు అందరిని వదిలేసి వచ్చింది. ఏదో చదివింది పాస్ అయ్యింది మరి తనని అలాగే వదిలేస్తారా తన తల్లిదండ్రులతో మాట్లాడి విషయాన్ని ఒక కొలికి తీసుకురావాలని నీకు తెలియదా అని అంటుంది దేవయాని. నీవల్ల కాదులే కానీ ఆ వసుధార వాళ్ళ అమ్మానాన్నల పేరు అడ్రస్ మొత్తం నాకు ఇవ్వు నేను వెళ్లి మాట్లాడి వస్తాను అనడంతో జగతి షాక్ అవుతుంది. నువ్వు రిషి కేవలం తల్లి మాత్రమే నువ్వు ఇలాంటివన్నీ పట్టించుకోవు అని అక్కడి నుంచి వెళ్ళిపోతుంది దేవయాని. అప్పుడు దేవయాని అక్కయ్యకు ఏం చేయాలో తెలియక వసుధార మీద పగబట్టి ఏదో కుట్ర చేస్తుంది అనుకుంటూ ఉంటుంది జగతి.

మరొకవైపు ధరణి వంట చేస్తూ ఉండగా అప్పుడు రిషి వసుధార కోసం ఇల్లు మొత్తం వెతుకుతూ ఉండగా రిషి వసుధార ఇక్కడ లేదు తన గదిలోకి వెళ్ళింది అని చెబుతుంది ధరణి. మరొకవైపు వసుధార తన గదిలో బట్టలు ఐరన్ చేసుకుంటూ రిషి గురించి ఆలోచిస్తూ మాట్లాడుకుంటూ ఉంటుంది. ఇప్పుడు రిషి అక్కడికి వచ్చిన పట్టించుకోకుండా రిషి సార్ కి కోపం తగ్గించుకుంటే బాగుంటుంది. కానీ ఏం చేస్తాం ముక్కు మీద కోపం ఉంది. జగతి మేడంకి కోపం లేదు మహేంద్ర సార్ కి కోపం లేదు మరి రిషి సార్ కి కోపం ఎలా వచ్చిందో ఏంటో అని మాట్లాడుకుంటూ ఉంటుంది. ఆ మాటలు అన్ని రిషి చాటుగా వింటూ ఉంటాడు. అప్పుడు రిషి ని ఇమిటేట్ చేస్తూ వెనక్కి తిరిగి చూడగా రిషి ఉండడంతో ఆశ్చర్యపోతుంది.

అప్పుడు పర్లేదు చెప్పు ఒకసారి ఏదో నా కోపం గురించి మాట్లాడుతున్నావు అని అనగా ఏమి లేదు సార్ అని అనడంతో అప్పుడు వసుధార చేతిలో ఉన్న ఐరన్ బాక్స్ కి రిషి చెయ్యి తగలడంతో కాలుతుంది. అప్పుడు వసుధార అది చూసి టెన్షన్ పడుతూ బాధపడుతూ ఉంటుంది. ఇప్పుడు ఏం కాలేదు వదిలేయ్ వసుధార అనగా మీరు సైలెంట్ గా ఉండండి సార్ అని రిషి చెయ్యికి మంట తగలకుండా ఊపుతూ ఉంటుంది వసుధార. అప్పుడు రిషి వసుధార వైపు అలాగే చూస్తూ ఉంటాడు. తర్వాత రిషి కి ఫోన్ రావడంతో అక్కడి నుంచి వెళ్ళిపోతాడు.

మరొకవైపు మహేంద్ర కి మినిస్టర్ ఫోన్ చేసి జరిగిన విషయం తెలిసింది చాలా బాధ కలిగింది అని మాట్లాడుతూ ఉంటాడు. ఆ తర్వాత మహేంద్ర వాళ్ళందరిని రమ్మని చెప్పి మినిస్టర్ ఇన్వైట్ చేస్తారు. ఆ తర్వాత గౌతమ్ రిషి ఇద్దరు కలిసి వర్క్ ఔట్స్ చేస్తూ ఉంటారు. అప్పుడు గౌతమ్ రిషి వైపు అలాగే చూడడంతో ఏమైందిరా అలాగే చూస్తున్నావు అని అంటాడు రిషి. అప్పుడు గౌతమ్, రిషి చెయ్యి పట్టుకొని జరిగిన విషయం గురించి తలుచుకుంటే కన్నీళ్లు వస్తున్నాయి అనడంతో వెంటనే రిషి తప్పులు అందరూ చేస్తారు కానీ నిజాలు దాచిపెట్టడం మరింత తప్పు అని అంటాడు రిషి.

 ఇంకొకసారి ఎప్పుడూ నా దగ్గర ఈ విషయం గురించి ప్రస్తావించొద్దు అని అంటాడు రిషి. మరొకవైపు మహేంద్ర ఫణీంద్ర వసుధార కాలేజ్ ఫస్ట్ వచ్చినందుకు పార్టీ సెలబ్రేట్ చేయాలి కదా అని అనగా ఈ విషయం గురించి మాట్లాడడానికి వచ్చాను అన్నయ్య అని అంటాడు మహేంద్ర. వాళ్ళు మాట్లాడుకుంటూ రిషి దగ్గరికి వెళ్తారు. అప్పుడు మహేంద్ర అసలు విషయం చెప్పడంతో రిషి వాళ్ళు కూడా సరే అని అంటారు. మరొకవైపు వసుధార జగతి ఇద్దరు మాట్లాడుకుంటూ ఉంటారు. అప్పుడు వసుధార మేడం మనం అందరం కలిసి వనభోజనానికి వెళుతున్నాం మినిస్టర్ గారు పిలిచారు అంట అనడంతో జగతి సంతోష పడుతూ ఉంటుంది.

అప్పుడు లాస్ట్ సారి వనభోజనానికి వెళ్ళిన విషయాలు గుర్తుతెచ్చుకొని సంతోష పడుతూ ఉంటుంది వసుధార. ఈసారి కూడా మనం బాగా ఎంజాయ్ చేద్దాం అని అనగా మనము అంటున్నావు ఏంటి వసుధార అని అంటుంది దేవయాని. అసలే జగతి కి హెల్త్ బాగోలేదు బయట చలిగా ఉంది బయటికి వెళ్లి తిప్పడం అంతా బాగోదు కదా అని అంటుంది దేవయాని. మేడం బాగానే ఉన్నారు బయటకి తీసుకెళ్దాం అని వసుధార అనగా నేనే కాదు రిషి కూడా ఒప్పుకోడు ఇలాంటి పరిస్థితులలో అవసరం లేదు అని అంటుంది దేవయాని. ఏంటి వసుధార జగతి రాకపోతే వనభోజనాలు ఏమైనా ఆగిపోతాయా, వనభోజనాలు మనం చేయడం లేదు మినిస్టర్ గారి పిలిచారు వెళ్దాము అని అంటుంది దేవయాని.

వారి మాటలు మహేంద్ర గౌతమ్ ఇద్దరూ చాటుగా వింటూ ఉంటారు. అప్పుడు మహేంద్ర నేను కూడా రావడం లేదు గౌతం మీరందరూ కలిసి ఎంజాయ్ చేయండి నేను జగతికి తోడుగా ఉంటాను అని అంటాడు మహేంద్ర. మరొకవైపు వసుధార జగతీతో మాట్లాడుతూ మీరు కూడా రండి మేడం అని అంటుంది. అప్పుడు వసుధారకి రిషి పదేపదే మెసేజ్ చేస్తూ ఉండగా రిషి సారు నాకోసం సెలెక్ట్ చేసే పనిలో బిజీ బిజీగా ఉన్నారు అని సిగ్గుతో మాట్లాడుతుంది వసుధార. చీరలు మెసేజ్ చేసి ఏదైనా వచ్చిందో చెప్పమని మెసేజ్ చేస్తాడు. దాంతో వసుధార జగతి ఇద్దరు సంతోషంగా మాట్లాడుకుంటూ ఉంటారు.