బాక్సాఫీసు పై దేవ‌ర పంజా.. కానీ ఎన్టీఆర్ అభిమానులకు బిగ్ షాక్

Devara  - NTR : సినీ వ‌ర‌ల్డ్ లో మ‌స్తు బ‌జ్ కొన‌సాగిన జూనియ‌ర్ ఎన్టీఆర్ దేవ‌ర మూవీ ప్ర‌స్తుతం థియేట‌ర్ల‌లో సంద‌డి చేస్తోంది. దేవ‌ర దెబ్బ‌కు బాక్సాఫీస్ షేక్ కావ‌డం ప‌క్కా. అయితే, ఇదే స‌మ‌యంలో ఎన్టీఆర్ అభిమానులకు బిగ్ షాక్ త‌గిలింది.   

Devara - NTR : జూనియ‌ర్ ఎన్టీఆర్ హీరోగా నటించిన దేవ‌ర సినిమా అద్భుత‌మైన రెస్పాన్స్ తో థియేట‌ర్ల‌లో సందడి చేస్తోంది. దాదాపు 500ల‌కు పైగా థియేట‌ర్ల‌లో విడుద‌లైన దేవ‌ర సినిమా బుకింగ్స్ రికార్డుల మోత మోగించింది. ఇప్పుడు బాక్సాఫీస్ పై యంగ్ టైగ‌ర్ జూనియ‌ర్ ఎన్టీఆర్ పంజా పడింది. క‌లెక్ష‌న్ల సునామీ మొద‌లైంది. ప్ర‌స్తుతం సినీ వ‌ర్గాల అంచ‌నా ప్ర‌కారం దేవ‌ర సినిమా తొలి రోజు రూ.100 కోట్ల‌కు పైగా వ‌సూళ్లు సాధిస్తుంద‌ని అంచ‌నా. 

దేవర తొలిరోజే రూ.100 కోట్ల క్లబ్‌లో చేరతాడా?

జూనియర్ ఎన్టీఆర్ అభిమానులు ఎంతగానో ఎదురుచూస్తున్న 'దేవర' చిత్రం ప్ర‌స్తుతం థియేటర్లలోకి వచ్చింది. ఈ సినిమా కోసం చాలా కాలంగా ఎదురుచూస్తున్న సినీ ప్రియుల‌కు పండ‌గ అనే చెప్పాలి. రిలీజ్ కు ముందు, విడుద‌ల త‌ర్వాత అంటే ఇప్పటి వరకు సినిమాకు వస్తున్న రెస్పాన్స్ చూస్తుంటే ఎన్టీఆర్ కెరీర్ లో మ‌రో బిగ్గెస్ట్ హిట్ గా నిల‌వ‌నుంది. 

దీంతో పాటు బాలీవుడ్ స్టార్లు జాన్వీ కపూర్, సైఫ్ అలీఖాన్ ల సౌత్ అరంగేట్రం సక్సెస్ అయింద‌ని చెప్పాలి. అయితే ఓపెనింగ్ డే కలెక్షన్ కోసం మేకర్స్ వెయిట్ చేస్తుండ‌గా, అంచ‌నాలు భారీగానే ఉన్నాయి. భార‌త సినీ ప‌రిశ్ర‌మ‌లో మ‌రోసారి ఎన్టీఆర్ ముద్ర ప‌డుతుంద‌ని భావిస్తున్నారు.  100 కోట్ల‌కు పైగా తొలి రోజు క‌లెక్ష‌న్లు సాధిస్తుంద‌ని అంచ‌నాలు ఉన్నాయి.

దేవ‌ర‌కు థియేట‌ర్ల‌లో సూప‌ర్ రెస్పాన్స్

దేవ‌ర సినిమాలో జూనియర్ ఎన్టీఆర్ సరసన బాలీవుడ్ న‌టి జాన్వీ కపూర్ హీరోయిన్ గా న‌టించారు. మ‌రో బాలీవుడ్ స్టార్ సైఫ్ అలీఖాన్ విలన్‌గా క‌నిపించారు. ప్రీ-బుకింగ్ నుండి కూడా దేవ‌ర‌కు అద్భుతమైన స్పందన వచ్చింది.

ఎన్టీఆర్ దేవ‌ర‌ సినిమా రెండు భాగాలుగా రానుంది. ఇప్పుడు ఫ‌స్ట్ పార్ట్ థియేట‌ర్ల‌లో సంద‌డి చేయ‌నుండ‌గా, ఆ త‌ర్వాత సెకండ్ పార్ట్ ను విడుద‌ల చేయ‌నున్నారు. దేవర ఫస్ట్ పార్ట్ కు ప్రేక్ష‌కుల నుంచి మంచి స్పంద‌న వ‌స్తోంది. అయితే, ఇదే స‌మ‌యంలో ఎన్టీఆర్ అభిమానుల‌తో పాటు సినీ ప్రియుల‌ను నిరాశకు గురిచేసే వార్త ఒకటి బ‌య‌ట‌కు వ‌చ్చింది. 

ఎన్టీఆర్ అభిమానుల‌కు షాక్

ఇది ఎన్టీఆర్ అభిమానుల‌కు షాక్ అనే చెప్పాలి. ఆర్ఆర్ఆర్ సక్సెస్ తర్వాత జూనియర్ ఎన్టీఆర్ చేస్తున్న సినిమా దేవ‌ర‌. భారీ అంచ‌నాలున్న ఈ చిత్రానికి కొరటాల శివ దర్శకత్వం వహించారు. ఏడాదిలోపే సినిమా షూటింగ్‌ను పూర్తి చేశాడు. సినిమాలో చాలా బలమైన VFX కనిపించాయి. తొలి పార్ట్ తో స‌క్సెస్ కొట్టిన కొర‌టాల ఇప్పుడు రెండో పార్ట్ పై దృష్టి పెట్టారు. 

అయితే, దేవ‌ర రెండో భాగం ఆల‌స్యం కానుంద‌నే వార్త‌లు వ‌స్తున్నాయి. ఎందుకంటే  ఇతర ప్రాజెక్ట్‌ల‌లో ఈ సినీ న‌టులు న‌టిస్తున్నారు. వాటి నుంచి ఈ నటీనటులకు సమయం లభించకపోతే, రెండవ భాగం షూటింగ్ ఆలస్యం అవుతుందని దర్శకుడు కోర‌టాల శివ‌ చెప్పారు. ఇదే స‌మ‌యంలో ఆయ‌న మ‌రో సినిమాను కూడా  చేయాల‌నే విష‌యాన్ని కూడా ప్ర‌స్తావించ‌రి రిపోర్టులు పేర్కొంటున్నారు. 

దేవ‌ర పార్ట్ 2 వ‌చ్చేది ఎప్పుడు? 

దేవర పార్ట్ 2 రెండు ఎపిసోడ్‌లు ఇప్పటికే షూటింగ్ పూర్తి  చేసిన‌ట్టు కొరటాల శివ ఇటీవల చెప్పారు. అదే సెట్‌లో చిత్రీకరించాల్సిన భాగాలను చిత్ర బృందంతో పూర్తి చేశారు. ఇక మొదటి పార్ట్ అనుభవంతో 6-8 నెలల్లో రెండో భాగం షూటింగ్ పూర్తి చేయ‌వ‌చ్చు. త్వ‌ర‌లోనే జూనియర్ ఎన్టీఆర్‌తో కూర్చుని సీక్వెల్ షూటింగ్ షెడ్యూల్ గురించి చర్చిస్తాడట. అయితే, ఆయ‌న మాట‌ల‌ను బ‌ట్టి చూస్తూ దీనికి ఇంకాస్త టైమ్ పడుతుందని తెలుస్తోంది. అంటే దేవ‌ర పార్ట్ 2 వ‌చ్చే ఏడాదిలో రావ‌చ్చు.  

జూనియర్ ఎన్టీఆర్‌కి 'దేవరా' కాకుండా మ‌రో రెండు భారీ ప్రాజెక్ట్‌లు కూడా ఉన్నాయి. త్వరలో హృతిక్ రోషన్ వార్ 2లో కనిపించనున్నాడు. ప్రశాంత్ నీల్‌తో డ్రాగన్ అనే టైటిల్‌తో సినిమా చేస్తున్నాడు. దేవ‌ర పార్ట్ 1లో క‌నిపించిన సైఫ్ అలీ ఖాన్ చేతిలో కూడా చాలా ప్రాజెక్ట్స్ ఉన్నాయి. చాలా సినిమాలకు డేట్స్ కూడా ఇచ్చాడు. జాన్వీ కపూర్ కూడా చాలా సినిమాల‌కు క‌మిట్ మెంట్ ఇచ్చారు. అవి పూర్తి చేసిన త‌ర్వాత వారు దేవ‌ర పార్ట్ 2 లో క‌నిపించే అవ‌కాశ‌ముంది. కాబ‌ట్టి వ‌చ్చే ఏడాదిలో దేవ‌ర పార్ట్ 2 వ‌స్తుంద‌ని ప‌క్కాగా చెప్ప‌లేమ‌ని మాత్రం స్ప‌ష్ట‌మ‌వుతోంది. ఇది ఇప్పుడు అభిమానుల‌కు కాస్త నిరాశ‌కు గురిచేస్తోంది.