`డిడి నెక్స్ట్ లెవెల్` మూవీ రివ్యూ.. సంతానం నవ్వించాడా?

ఆర్యా నిర్మాణంలో ప్రేమ్ ఆనంద్ దర్శకత్వంలో సంతానం హీరోగా నటించిన `డిడి నెక్స్ట్ లెవెల్` సినిమా ఎలా ఉందో రివ్యూలో తెలుసుకుందాం. 

డిడి నెక్స్ట్ లెవెల్ సినిమా రివ్యూ

ప్రేమ్ ఆనంద్ దర్శకత్వంలో సంతానం, గౌతమ్ మీనన్, యాషిక, కస్తూరి, సెల్వరాఘవన్ నటించిన `డిడి నెక్స్ట్ లెవెల్` సినిమా గ్రాండ్ గా విడుదలైంది. `డిడి రిటర్న్స్` సినిమాకి సీక్వెల్ గా వస్తున్న ఈ సినిమాని ఆర్యా నిర్మించారు. ఆఫ్రో సంగీతం అందించారు. దీపక్ కుమార్ సినిమాటోగ్రఫీ అందించారు. ఈ సినిమా ఈరోజు థియేటర్లలో విడుదలైన నేపథ్యంలో సినిమా ఎలా ఉందో తెలుసుకుందాం. 

డిడి నెక్స్ట్ లెవెల్ కథ

కథః 

కిస్సా అనే పాత్రలో సినిమా విమర్శకుడిగా నటించారు సంతానం. చాలా సినిమాలకి ఆయన నెగిటివ్ రివ్యూలు ఇస్తూ ఉంటారు. దాంతో మీకోసం స్పెషల్ షో వేస్తున్నాం థియేటర్ కి రండి అని ఫోన్ వస్తుంది. ఆహ్వానాన్ని అంగీకరించి సినిమా చూడటానికి వెళ్తాడు సంతానం. అక్కడికి వెళ్ళాక అది దెయ్యాలున్న థియేటర్ అని తెలుస్తుంది. ఆ థియేటర్ లోకి వెళ్తే బయటకు రాలేం. అంతలా దెయ్యాలు అడ్డుకుంటాయి.

అక్కడ ఒక దెయ్యం సినిమా నడుస్తుంది. ఆ దెయ్యం సినిమాలో చిక్కుకుపోతాడు సంతానం. ఆ దెయ్యాల నుండి తప్పించుకుంటేనే సంతానం బ్రతకగలడు అనే కండిషన్ ని థియేటర్ ని ఏలే దెయ్యాలు పెడతాయి. తెరపై నడిచే సినిమాలో దెయ్యాలకి చిక్కిన సంతానం బయటపడ్డాడా లేదా అనేది మిగతా కథ.

డిడి నెక్స్ట్ లెవెల్ రివ్యూ

విశ్లేషణః 

సినిమా లోపల ఇంకో సినిమాని పెట్టి కథని విభిన్నంగా రాసుకున్నారు దర్శకుడు ప్రేమ్ ఆనంద్. చాలా సంక్లిష్టమైన కథని తెరపై అర్థమయ్యేలా చూపించారు. ఈ కథలో సంతానం తన టైమింగ్ కామెడీతో చాలా చోట్ల నవ్వించాడు. రెగ్యులర్ సంతానంలా కాకుండా కిస్సా పాత్రలో తన హెయిర్ స్టైల్, బాడీ లాంగ్వేజ్ అన్నీ విభిన్నంగా చూపించారు.

సినిమాలో సంతానం సినిమా విమర్శకుడిగా నటించినా, ఆయన ఏ సినిమానీ రివ్యూ చేసే సీన్ లేకపోవడం ఆ పాత్రకి బలం చేకూర్చలేదు. కొన్ని చెత్త సినిమాలని తీసుకుని రివ్యూ చేసి ఉంటే బాగుండేది. అలా చేసి ఉంటేనే దెయ్యం వెంటపడుతుందని నమ్మేలా ఉండేది. యూట్యూబ్ రివ్యూయర్లని ట్రోల్ చేసే అవకాశం ఉన్నా, దాన్ని వాడుకోలేదు.

డిడి నెక్స్ట్ లెవెల్ ఎలా ఉంది?

నటీనటులుః

ఎలుక కామెడీ, టాయిలెట్ కామెడీ, చెంబు కామెడీ ఇలా మొట్ట రాజేంద్రన్, నిజల్గళ్ రవి, వంటి వారికి సిగ్నేచర్ కామెడీ సీన్స్ పెట్టి కడుపుబ్బా నవ్వించారు దర్శకుడు. ఇందులో హైలైట్ గౌతమ్ మీనన్ - యాషిక లవ్ కామెడీ. వీళ్ళందరితో పాటు సంతానం కూడా తన వంతు కామెడీ చేశారు. సెల్వరాఘవన్ హిచ్ కాక్ ఇరుదయరాజ్ అనే దెయ్యంగా వచ్చి సంతానంని భయపెడతారు. యాషిక, కస్తూరి పోటీపడి గ్లామర్ చూపించారు.

టెక్నీకల్‌గాః 

ఆఫ్రో మ్యూజిక్ ఓకే. దీపక్ కుమార్ సినిమాటోగ్రఫీ బాగుంది. దర్శకుడు ప్రేమ్ ఆనంద్ క్లిష్టమైన కథని కామెడీతో నింపి నవ్వుల పుట్టించారు. డిడి రిటర్న్స్ అంత కామెడీ లేకపోవడం కాస్త మైనస్. 

ఫైనల్‌గాః ఓవరాల్గా మూవీ టైమ్‌ పాస్‌ నవ్వుల కోసం చూడొచ్చు. కానీ `డీడీ రిటర్న్స్`ని దృష్టిలో పెట్టుకుని దాన్ని మించి ఎంటర్‌టైన్‌ చేస్తుందని ఆశించి థియేటర్‌కి వెళితే మాత్రం నిరాశ తప్పదు.