రాంచరణ్, ఎన్టీఆర్ తో నటించాలని ఉంది, హాలీవుడ్ స్టార్ హీరో కామెంట్స్.. ముగ్గురూ కలిస్తే పిడుగుల వర్షమే

'థోర్ ' పాత్రతో మార్వెల్ చిత్రాలలో ప్రఖ్యాతి పొందిన క్రిస్ హేమ్స్‌వర్త్ కి ఇండియాపై ప్రత్యేక అభిమానం ఉంది. తన కూతురికి కూడా ఇండియా అని పేరు పెట్టాడు. అలాంటి నటుడు రామ్ చరణ్, ఎన్టీఆర్ తో నటించాలని ఉందని తెలిపాడు. 

RRR Movie

ఎస్‌.ఎస్‌. రాజమౌళి దర్శకత్వం వహించిన 'RRR' భారతీయ సినిమాకు ప్రపంచవ్యాప్తంగా గుర్తింపు తీసుకొచ్చిన అద్భుత చిత్రం. ఈ సినిమా ద్వారా హీరోలు రామ్ చరణ్, జూనియర్ ఎన్టీఆర్‌లకు అంతర్జాతీయ స్థాయిలో పేరొచ్చింది. ఇదే నేపథ్యంలో 2023లో ఇంటర్వ్యూలో హాలీవుడ్ స్టార్ క్రిస్ హేమ్స్‌వర్త్‌ ఈ సినిమాపై తన అభిమానాన్ని వ్యక్తపరిచారు.

Rajamouli

'థోర్ ' పాత్రతో మార్వెల్ చిత్రాలలో ప్రఖ్యాతి పొందిన క్రిస్ హేమ్స్‌వర్త్, ఆర్ఆర్ఆర్ చిత్రాన్ని చూశానని గతంలో చేసిన వ్యాఖ్యలు వైరల్ అవుతున్నాయి.  “‘RRR’ను ఇటీవల చూశాను. అది అద్భుతమైన సినిమా. రామ్ చరణ్, జూనియర్ ఎన్టీఆర్ అసాధారణ నటులు. వారితో కలసి పనిచేసే అదృష్టం నాకు  వస్తే, అది గొప్ప విషయం అవుతుంది” అని పేర్కొన్నారు.

rrr

ఇది హేమ్స్‌వర్త్‌కు భారతీయ సినిమా పరిచయం అయిన మొదటి సందర్భం కాదు. 2020లో వచ్చిన యాక్షన్ థ్రిల్లర్ 'ఎక్ట్రాక్షన్'లో బాలీవుడ్ నటుడు రణదీప్ హుడాతో కలిసి నటించారు. ఆ సినిమా ఎక్కువ భాగం భారత్‌లో చిత్రీకరించబడింది. ఆయనకు భారతదేశంపై ప్రత్యేక ప్రేమ ఉంది. తన కుమార్తెకు కూడా ‘ఇండియా’ అని పేరు పెట్టారు. ‘RRR’ సినిమా గొప్ప కథనతనం, శక్తివంతమైన నటన, అద్భుతమైన యాక్షన్ సన్నివేశాలతో ప్రపంచవ్యాప్తంగా ప్రేక్షకుల మనసు గెలుచుకుంది. ‘నాటు నాటు’ పాటకు ఆస్కార్, గోల్డెన్ గ్లోబ్ లాంటి అంతర్జాతీయ పురస్కారాలు లభించాయి.

Chris Hemsworth

ఈ చిత్రం 1920ల బ్రిటిష్ వలస పాలన కాలంలో కధనం సాగుతుంది. గోండ్ తెగకు చెందిన భీమ్ అనే ఆదివాసీ యోధుడు, బ్రిటిష్ గవర్నర్ స్కాట్ బక్స్‌టన్ దంపతులచేత బంధించబడిన మల్లి అనే బాలికను రక్షించేందుకు ముస్లిం యువకుడి రూపంలో ఢిల్లీకి చేరతాడు. అదే సమయంలో అల్లూరి సీతారామరాజు పాత్రలో రామ్ చరణ్ కనిపించగా, భీమ్ పాత్రలో ఎన్టీఆర్ మెప్పించారు.

ఇటీవ‌ల 'RRR' చిత్రబృందం లండన్‌లోని ప్రఖ్యాత రాయల్ అల్బర్ట్ హాల్‌లో జరిగిన సంగీత వేడుకలో పాల్గొంది. ఈ సందర్భంగా ప్రపంచవ్యాప్తంగా ఉన్న అభిమానులు ఈ సినిమాను మళ్లీ గుర్తు చేసుకున్నారు.

chris hemsworth

‘RRR’ సినిమాపై క్రిస్ హేమ్స్‌వర్త్ వంటి గ్లోబల్ స్టార్‌ ప్రశంసలు తెలపడం భారతీయ సినీ పరిశ్రమకు గర్వకారణం. రాబోయే రోజుల్లో ఆయన రామ్ చరణ్, ఎన్టీఆర్‌లతో కలిసి స్క్రీన్‌పై కనిపిస్తే, అది ప్రేక్షకులకు గొప్ప ఆనందాన్ని కలిగించే అవకాశం ఉంది.వీళ్ళు ముగ్గురూ కలసి నటిస్తే బాక్సాఫీస్ పై పిడుగుల వర్షం ఖాయం అని ఫ్యాన్స్ అంటున్నారు. హేమ్స్‌వర్త్ పోషించిన థోర్ పాత్ర గాడ్ ఆఫ్ థండర్ గా గుర్తింపు పొందింది.