Chiranjeevi To NTR: ఈ పది సినిమాల్లో వీళ్ళని తప్ప హీరోలుగా ఇంకెవరినీ ఊహించుకోలేం.. చెక్ చేసుకోండి

ఈ పది సినిమాల్లో హీరోలుగా వీళ్ళని తప్ప ఇంకొకరిని ఊహించుకోలేరు. చిరంజీవి నుంచి ఎన్టీఆర్ వరకు టాలీవుడ్ అగ్ర నటులు నటించిన ఆ సినిమాల జాబితా ఈ కథనంలో ఉంది. 

Chiranjeevi

మెగాస్టార్ చిరంజీవి నుంచి యంగ్ టైగర్ ఎన్టీఆర్ వరకు టాలీవుడ్ లో అగ్ర హీరోలు, హీరోయిన్లు నటించిన సూపర్ హిట్ సినిమాలు కొన్ని ఉన్నాయి. ఈ చిత్రాల్లో హీరోలుగా వీరిని తప్ప ఇంకెవరినీ ఊహించుకోలేం. ఆ సినిమాల్లో హీరోయిజం పండించాలి అంటే వాళ్ళకి మాత్రమే సాధ్యం అని అనిపించేలా సన్నివేశాలు ఉంటాయి. ఈ జాబితాలో చిరంజీవి, నాగార్జున, వెంకటేష్, బాలకృష్ణ, మహేష్ బాబు, పవన్ కళ్యాణ్, ఎన్టీఆర్ లాంటి హీరోల సినిమాలు ఉన్నాయి.

గ్యాంగ్ లీడర్

మెగాస్టార్ చిరంజీవి నటించిన ఈ మూవీ సెన్సేషనల్ మాస్ బ్లాక్ బస్టర్ గా నిలిచింది. ఈ మూవీలో మాస్ మ్యానరిజమ్స్ చిరంజీవికి మాత్రమే సాధ్యం అన్నట్లుగా ఉంటాయి.

అన్నమయ్య

అసలు ఇలాంటి భక్తిరస చిత్రానికి నాగార్జున ఎలా సెట్ అవుతాడు అని సినిమాకి ముందు కామెంట్స్, విమర్శలు ఎదురయ్యాయి. సినిమా రిలీజ్ అయ్యాక నాగార్జున తప్ప ఇంకెవరూ చేయలేరు అని విమర్శించిన వాళ్లే ప్రశంసలు కురిపించారు.

ఆదిత్య 369

ఆదిత్య 369 చిత్రంలో శ్రీకృష్ణ దేవరాయలు పాత్రలో బాలయ్య ఒదిగిపోయారు. ఆ పాత్రకోసమే బాలయ్య పుట్టాడా అన్నట్లుగా సన్నివేశాలు ఉంటాయి. తెలుగు వారికి శ్రీకృష్ణ దేవరాయలు అంటే బాలయ్యే గుర్తుకు వస్తారు.

నువ్వు నాకు నచ్చావ్

ఈ మూవీలో వెంకటేష్ నటన, హావా భావాలు, కామెడీ టైమింగ్ ఇంకెవరికీ సాధ్యం కావు. ఈ మూవీలో త్రివిక్రమ్ డైలాగులు ఒకెత్తయితే వాటిని పలికి నవ్వించిన వెంకటేష్ మరో ఎత్తు.

అరుంధతి

ఈ చిత్రంలో అరుంధతి పాత్రలో అనుష్కని తప్ప ఇంకొకరిని ఊహించుకోవడం కష్టం. ఈ మూవీలో అనుష్క రాజసం ఉట్టిపడేలా పవర్ ఫుల్ గా నటించింది.

జల్సా

పవన్ కళ్యాణ్ కామెడీ టైమింగ్, స్టైల్, ఇంటెన్స్ ఎమోషన్ అన్నీ మిస్ చేసి నటించిన మూవీ జల్సా. ఈ తరహా సినిమాలో పెర్ఫార్మ్ చేయడం పవన్ కి మాత్రమే సాధ్యం. ముఖ్యంగా ఇంటర్వెల్ సీన్ లో పవన్ చెప్పిన డైలాగ్స్ యువతకు విపరీతంగా నచ్చేశాయి.

శ్రీమంతుడు

సెటిల్డ్ పెర్ఫార్మెన్స్ ఇస్తూ పవర్ ఫుల్ గా కనిపించడం మహేష్ బాబుకి మాత్రమే సాధ్యం. ఆ తరహా రోల్ శ్రీమంతుడులో పడింది. మహేష్ బాబు చరిష్మా ఈ చిత్ర కథకు బాగా సెట్ అయింది.

బాహుబలి

బాహుబలిగా ప్రభాస్ ని తప్ప ఇంకొకరిని ఊహించుకోవడం కష్టం. ఆరడుగుల కటౌట్ తో పాటు రాజసం, సెంటిమెంట్, పరాక్రమం అన్నీ కలగలిపి ప్రభాస్ పాత్రలో కనిపిస్తాయి.

రంగస్ధలం

చెవిటివాడిగా, అమాయకుడిగా రాంచరణ్ ఈ మూవీలో ఇచ్చిన పెర్ఫార్మెన్స్ నెవర్ బిఫోర్ అనే చెప్పాలి. అమాయకుడిగా కనిపిస్తూనే తన ఫ్యామిలీ జోలికి వస్తే ఎంతకైనా తెగించే పాత్రలో రాంచరణ్ అద్భుతంగా నటించారు.

అరవింద సమేత వీరరాఘవ

రాయలసీమ బ్యాక్ డ్రాప్ లో తెరకెక్కిన ఈ చిత్రంలో తారక్ నటన అద్భుతంగా ఉంటుంది. ఇలాంటి పవర్ ఫుల్ పాత్రలు ఎన్టీఆర్ కి బాగా సెట్ అవుతాయి. ఈ మూవీలో ఎన్టీఆర్ ని తప్ప ఇంకొకరిని ఊహించుకోలేం.