బాలయ్య ‘అఖండ 2’లో చైనీస్ విలన్? అఫీషియల్ గా ఇన్ స్ట్రా ప్రకటన
First Published | Sep 12, 2024, 1:22 PM IST అందరికీ తెలిసి, అద్భుతంగా యాక్టింగ్ లో అనుభవం, హావభావాలను అద్భుతంగా పలికించే వ్యక్తికి ప్రాధాన్యత ఇవ్వనున్నట్లు ప్రకటన చేసారు.
☰
Akhanda
అఖండగా బాలయ్య చేసిన మాస్ యాక్షన్ సీన్స్ థియేటర్స్ లో దద్దరిల్లిపోయిన సంగతి తెలిసిందే. 2021లో వచ్చిన అఖండ సినిమా 100 కోట్లకు పైగా కలెక్ట్ చేసి భారీ విజయం సాధించింది.
అఖండ సినిమాకు సీక్వెల్ ఉంటుందని బోయపాటి(Boyapati Srinu) గతంలోనే ప్రకటించారు. దాంతో అఖండ 2 సినిమా వస్తుందా అని బాలయ్య బాబు అభిమానులు ఎదురుచూస్తున్నారు. అయితే ప్రస్తుతం బోయపాటి శ్రీను అఖండ 2 స్క్రిప్ట్ మీదే వర్క్ చేస్తున్నట్టు తెలుస్తుంది. అంతేకాకుండా ప్రీ ప్రొడక్షన్ వర్క్ కూడా ప్రారంభమైంది.
Image: Akhanda
అందుతున్న సమచారం మేరకు ‘అఖండ 2‘ దీనికి చైనీస్ విలన్ ను తీసుకోబోతున్నట్లు తెలుస్తోంది. ప్రస్తుతం ‘అఖండ 2‘ సినిమాకు సంబంధించి నటీనటుల ఎంపిక కొనసాగుతున్నది. ఈ సినిమాలో మెయిన్ విలన్ పాత్ర కోసం చైనీస్ వ్యక్తిని లేదంటే నార్త్-ఈస్ట్ ప్రాంతానికి చెందిన వ్యక్తిని తీసుకోవాలని భావిస్తున్నారు. అందరికీ తెలిసి, అద్భుతంగా యాక్టింగ్ లో అనుభవం, హావభావాలను అద్భుతంగా పలికించే వ్యక్తికి ప్రాధాన్యత ఇవ్వనున్నట్లు ప్రకటన చేసారు.
Latest Videos
సదరు యాక్టర్ వయసు 50 నుంచి 55 ఏండ్లు ఉండాలంటూ ఆడిషన్ ఇండియా ఇన్ స్టా పేజి ద్వారా ప్రకటన ఇచ్చారు. మరోవైపు ‘అఖండ 2‘ సినిమాలో ప్రైమరీ రోల్ కోసం 16 నుంచి 18 ఏండ్ల యువతిని తీసుకోనున్నట్లు ఆడిషన్ ఇండియా వెల్లడించింది. ఈ క్యారెక్టర్ కోసం మంచి టాలెంట్ ఉన్న ఇండియన్ అమ్మాయిని తీసుకోవాలనిభావిస్తున్నట్లు తెలిపింది. రాష్ట్రం ఏదైనా, భాష ఏదైనా ఫర్వాలేదని, అద్భుతంగా యాక్టింగ్ చేస్తే సరిపోతుందని ప్రకటించింది.
ఈ సంవత్సరం చివర్లో అఖండ 2 మొదలయి వచ్చే సంవత్సరం ఈ సినిమా రిలీజ్ అవుతుందని సమాచారం. బాలయ్య – బోయపాటి హ్యాట్రిక్ కాంబో మరోసారి తమ హిట్స్ ని కంటిన్యూ చేయాలని చూస్తున్నారు. అఖండలో బాలకృష్ణ డ్యుయల్‌ రోల్‌లో నటించి.. టైటిల్‌ రోల్‌లో గూస్‌ బంప్స్‌ తెప్పించే యాక్టింగ్‌తో అదరగొట్టేశాడు. ఇక అఖండ 2లో కూడా ఇలాంటి గెటప్‌లోనే కనిపిస్తాడని తెగ చర్చించుకుంటున్నారు నందమూరి అభిమానులు
2021 డిసెంబర్ 2న థియేటర్లలో గ్రాండ్‌గా విడుదలైన అఖండ బాలకృష్ణ కెరీర్‌లో వన్‌ ఆఫ్ ది మైల్ స్టోన్ మూవీగా నిలిచింది.మ్యూజిక్‌ డైరెక్టర్ ఎస్ థ‌మ‌న్ (S Thaman) బ్యాక్ గ్రౌండ్ స్కోర్ సినిమాను మరో స్థాయికి తీసుకెళ్లిందనడంలో ఎలాంటి సందేహం లేదు. మైత్రీ మూవీ మేకర్స్ బ్యానర్‌పై తెరకెక్కించిన ఈ చిత్రంలో ప్రగ్యాజైశ్వాల్ ఫీ మేల్ లీడ్ రోల్ లో న‌టించింది. శ్రీకాంత్ విల‌న్‌గా న‌టించగా.. జ‌గ‌ప‌తిబాబు, పూర్ణ కీల‌క పాత్రలు పోషించారు. ఈ సీక్వెల్‌లో ఎవరెవరు నటించబోతున్నారన్నది రాబోయే రోజుల్లో క్లారిటీ రానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!