ఎన్టీఆర్ కి మహేష్ బాబు చేసిన అన్యాయం ఏమిటో తెలుసా, పోకిరి వలనే ఇదంతా!

మహేష్ బాబు బ్లాక్ బస్టర్ మూవీ సినిమాను ఫాలోయిన ఎన్టీఆర్ అడ్డంగా బుక్ అయ్యాడు. రెండు భారీ డిజాస్టర్స్ ఖాతాలో వేసుకున్నాడు. ఆ కథేమిటో చూద్దాం..   

NTR

ఒక మూవీ బ్లాక్ బస్టర్ అయ్యిందంటే.. అదే తరహా కథ, స్క్రీన్ ప్లే, ఫార్ములా ఫాలో అవుతారు మిగతా దర్శకులు. ఈ ప్రయోగం విజయవంతమైన సందర్భాలు కూడా ఉన్నాయి. దీన్నే ట్రెండ్ అని కూడా అనొచ్చు. ఒకసారి ఫ్యాక్షన్ కథలు, మరోసారి ప్రేమ కథలు, ఇంకొన్నాళ్ళు క్రైమ్, యాక్షన్ మూవీస్ విజయం సాధిస్తాయి. 

తమిళ చిత్రం బాషా ట్రెండ్ సెట్టర్. తెలుగులో కూడా ఈ మూవీ సంచలన విజయం సాధించింది. బాషా మూవీ కథ పరిశీలిస్తే.. హీరోకి ఒక భయంకరమైన మాఫియా ఫ్లాష్ బ్యాక్ ఉంటుంది. కానీ ఒక ఆశయం కోసం అజ్ఞాతంలో సాదాసీదా జీవితం గడుపుతాడు. ప్రేక్షకులకు అప్పుడప్పుడు ఇతడు సామాన్యుడు కాదని హింట్ ఇస్తూ ఉంటారు. అసలు హీరో నేపథ్యం ఏమిటనే సస్పెన్సు ప్రేక్షకుడిని వెంటాడుతూ ఉంటుంది. 

NTR

అనేక రికార్డులను బద్దలను కొట్టిన బాషా మూవీ స్క్రీన్ ప్లే ఫార్మాట్ లో పలు చిత్రాలు వచ్చాయి. తెలుగు సినిమా బాక్సాఫీస్ కొల్లగొట్టిన సమరసింహారెడ్డి, నరసింహనాయుడు. ఇంద్ర ఇదే తరహా స్క్రీన్ ప్లే తో తెరకెక్కాయి. చెప్పాలంటే మహేష్ బాబుకి ఇండస్ట్రీ హిట్ ఇచ్చిన పోకిరి కూడా ఇదే కోవకు చెందిన మూవీ. 

పోకిరిలో హీరో నిజానికి ఐఏఎస్ ఆఫీసర్. మాఫియాను అంతం చేయడానికి అండర్ కవర్ లో ఉంటాడు. డబ్బులు తీసుకుని దందాలు చేసే ఒక చిన్న రౌడీ, గ్యాంగ్ స్టర్ గా అందరినీ నమ్మిస్తాడు. అయితే సమరసింహారెడ్డి, ఇంద్ర సినిమా వలె కాకుండా దర్శకుడు పూరి జగన్నాధ్ తన మార్క్ ట్రీట్మెంట్ ఇచ్చాడు. పోకిరి ప్రేక్షకులకు ఒక ఫ్రెష్ ఫీలింగ్ కలిగించింది. 

Mahesh Babu

ప్రీ క్లైమాక్స్ వరకు ఎక్కడా... హీరో పోలీస్, అండర్ కవర్ లో ఉన్నాడనే భావన ప్రేక్షకుడికి కలగదు. ప్రేక్షకుడి మైండ్ బ్లాక్ చేసే ఆ ట్విస్ట్ సినిమాకు హైలెట్. కాగా మహేష్ బాబు నటించిన పోకిరిని ఫాలో అయిన ఎన్టీఆర్ కి రెండు డిజాస్టర్స్ పడ్డాయి. పూరి జగన్నాధ్ శిష్యుడైన మెహర్ రమేష్ ఎన్టీఆర్ తో కంత్రి, శక్తి చిత్రాలు చేశాడు. 

ఈ రెండు చిత్రాల పై పోకిరి మూవీ ప్రభావం చాలా ఎక్కువగా ఉంటుంది. కంత్రి మూవీలో పోకిరి తరహా మాఫియా బ్యాక్ డ్రాప్, హీరో క్యారెక్టరైజేషన్ మనం చూడొచ్చు. ఇక శక్తి మూవీలో ఎన్టీఆర్ ని టూరిస్ట్ గైడ్ గా పరిచయం చేస్తాడు. కట్ చేస్తే అతడు సీక్రెట్ ఏజెంట్ అని ఇంటర్వెల్ బ్లాక్ లో రివీల్ చేస్తాడు. కానీ పోకిరి మాదిరి ఈ చిత్రాలు హిట్ కాలేదు. 

NTR

మెహర్ రమేష్ కెరీర్లో మూడే స్ట్రెయిట్ మూవీస్ చేశాడు. కంత్రి, శక్తి, అలాగే షాడో. ఈ మూడు చిత్రాలు ప్రేక్షకుల సహనానికి పరీక్ష పెట్టాయి . కంత్రి వంటి అట్టర్ ప్లాప్ ఇచ్చినప్పటికీ మహేష్ రమేష్ ని ఎన్టీఆర్ మరోసారి నమ్మాడు. ఇక శక్తి మూవీని భారీ బడ్జెట్ తో నిర్మించిన ప్రొడ్యూసర్ అశ్వనీదత్ నిండా మునిగిపోయాడు. ఆ మూవీతో వచ్చిన నష్టాలకు ఆయన కొన్నాళ్ళు సినిమాలే చేయలేదు.  

NTR

అంతెందుకు పోకిరి వలన దర్శకుడు పూరి జగన్నాధ్ కూడా నష్టపోయాడు. పూరి జగన్నాధ్ అనంతరం తెరకెక్కించిన ప్రతి సినిమాలో పోకిరి సినిమా ఛాయలు ఉండేవి. పోకిరి హ్యాంగ్ ఓవర్ ఆయన్ని వదల్లేదు. దాంతో పూరి జగన్నాధ్ కి చాలా ప్లాప్స్ పడ్డాయి. పూరి జగన్నాధ్ నుండి పోకిరి రేంజ్ హిట్ మరలా రాలేదన్న విమర్శల నేపథ్యంలో ఒక మూడేళ్ళ తర్వాత పూరి జగన్నాధ్.. ఆ చిత్రాన్ని ప్రసాద్ ల్యాబ్స్ లో వేసుకుని చూశాడట. 

అసలు నేను ఏం తీశానని పరీక్షించాడట. పూరి జగన్నాధ్ కి ఏమీ అర్థం కాలేదట. ఆ మూవీ ఎందుకు ఇండస్ట్రీ హిట్ అయ్యిందో తెలియలేదట. కాబట్టి ఏ సినిమా ఎందుకు హిట్ అవుతుందో? ఎందుకు ప్లాప్ అవుతుందో? చెప్పలేం అని పూరి జగన్నాధ్.. ఓ సందర్భంలో పోకిరి చిత్రాన్ని ఉద్దేశించి అన్నారు.