Pushpa: బాయ్ కాట్ పుష్ప అంటూ ట్విట్టర్ లో ట్రెండింగ్.. తగ్గేదే లే అంటున్న బన్నీ ఫ్యాన్స్, వివాదం ఏంటంటే

ఐకాన్ స్టార్ Allu Arjun నటించిన పుష్ప చిత్రం మరికొన్ని గంటల్లో ప్రేక్షకుల ముందుకు రానుంది. డిసెంబర్ 17 శుక్రవారం ఈ చిత్రం ప్రపంచ వ్యాప్తంగా గ్రాండ్ రిలీజ్ కు రెడీ అయింది. చాలా ప్రాంతాల్లో ప్రీమియర్, బెనిఫిట్ షోలకు రంగం సిద్ధం అవుతోంది. అఖండ చిత్రం విడుదలై పరిస్థితులు వ్యతిరేకంగా ఉన్నప్పటికీ ఘనవిజయం సొంతం చేసుకుంది. దీనితో ప్రస్తుతం అందరి దృష్టి పుష్ప చిత్రంపై పడింది. 

పుష్ప చిత్రం కోసం బన్నీతో పాటు చిత్ర యూనిట్ మొత్తం దాదాపు రెండేళ్లు ఎంతో శ్రమించారు. రష్మిక మందన హీరోయిన్ గా నటించింది. సునీల్, అనసూయ కీలక పాత్రల్లో నటించారు. సుకుమార్ ఈ చిత్రంలో మునుపెన్నడూ చూడని విధంగా అల్లు అర్జున్ ని విభిన్నమైన గెటప్, యాటిట్యూడ్ లో ప్రజెంట్ చేస్తున్నాడు. బన్నీ ప్రాణం పెట్టి చేసిన చిత్రం ఇది. దీనితో ఈ చిత్ర ఫలితంపై అందరిలో ఉత్కంఠ నెలకొంది. 

Pushpa

పుష్ప చిత్రం పాన్ ఇండియా స్థాయిలో విడుదలవుతున్న సంగతి తెలిసిందే. మొత్తం ప్రపంచ వ్యాప్తంగా ఈ చిత్రం 3 వేలకు పైగా థియేటర్స్ లో రిలీజ్ చేస్తున్నారు. రేపు ఈ చిత్రం విడుదలకు రెడీ అవుతుండగా ప్రస్తుతం ట్విట్టర్ లో 'BoycottPushpaInKarnataka' అనే హ్యాష్ ట్యాగ్ ట్రెండ్ అవుతోంది. దీనికి కారణం కన్నడిగులు ఆగ్రహమే. 

PushpaTrailer

పుష్ప చిత్రం పాన్ ఇండియా స్థాయిలో విడుదలవుతోంది కాబట్టి కన్నడ భాషలో కూడా విడుదల చేస్తున్నారు. కానీ అనూహ్యంగా కర్ణాటకలో ఈ చిత్రం కన్నడ భాషలో కంటే ఒరిజినల్ వర్షం తెలుగులోనే ఎక్కువ థియేటర్స్ లో విడుదలవుతోంది. ఇది కాస్త కన్నడ భాషాభిమానులకు ఆగ్రహం తెప్పిస్తోంది. దీనితో కర్ణాటక అభిమానులు బాయ్ కాట్ పుష్ప అంటూ ట్రెండ్ చేస్తున్నారు. 

Pushpa movie

అల్లు అర్జున్ , పుష్ప మార్కెటింగ్ టీంకి కన్నడ భాషపై పెద్దగా ఆసక్తి లేనట్లు ఉంది. కర్ణాటకలో ఇక్కడి భాష కంటే ఎక్కువగా తెలుగులోనే రిలీజ్ చేసుకుంటున్నారు. ఇలా మా భాషని అవమానిస్తే మేము పుష్ప చిత్రం చూడము అంటూ ట్విట్టర్ లో కామెంట్స్ పెడుతున్నారు. 

Saami saami song

దీనితో అల్లు అర్జున్ అభిమానులు కూడా ట్విట్టర్ లో ధీటుగా స్పందిస్తున్నారు. బాయ్ కాట్ పుష్పకి పోటీగా 'తగ్గేదే లే' అనే హ్యాష్ ట్యాగ్ ట్రెండ్ చేస్తున్నారు. పుష్ప రిలీజ్ విషయం నిర్మాతలు, బయ్యర్లకు సంబందించినది. సినిమాని బాయ్ కాట్ చేయాలని ట్రెండ్ చేయడం సరైన పద్ధతి కాదని బన్నీ ఫ్యాన్స్ అంటున్నారు.