రాంచరణ్, బోయపాటి కాంబినేషన్ లో వినయ విధేయ రామ అనే చిత్రం వచ్చింది. ఈ చిత్రంలో కొన్ని సన్నివేశాలు ఫ్యాన్స్ ఎంజాయ్ చేసే విధంగా ఉంటాయి.
మెగా పవర్ స్టార్ రాంచరణ్ సినిమా సినిమాకి తన స్థాయిని పెంచుకుంటూ వెళుతున్నారు. ఆర్ఆర్ఆర్ చిత్రంతో పాన్ ఇండియా వైడ్ గా క్రేజ్ తెచ్చుకున్న రాంచరణ్.. తదుపరి చిత్రాలతో మరిన్ని భారీ బడ్జెట్ ప్రాజెక్ట్స్ చేయబోతున్నాడు. బుచ్చిబాబు, సుకుమార్ లతో వరుసగా రాంచరణ్ సినిమాలు ఉండబోతున్నాయి.
ప్రస్తుతం బుచ్చిబాబు చిత్రానికి సంబంధించిన ప్రీ ప్రొడక్షన్ వర్క్ జరుగుతోంది. అయితే రాంచరణ్ కి సంబంధించిన గత చిత్రాల విశేషాలు వైరల్ అవుతున్నాయి. ప్రతి స్టార్ హీరో వర్క్ చేయాల్సిన మాస్ డైరెక్టర్స్ లో బోయపాటి ఒకరు. యాక్షన్ ఎపిసోడ్స్ తో గూస్ బంప్స్ తెప్పించడం బోయాపాటి ప్రత్యేకత.
రాంచరణ్, బోయపాటి కాంబినేషన్ లో వినయ విధేయ రామ అనే చిత్రం వచ్చింది. ఈ చిత్రంలో కొన్ని సన్నివేశాలు ఫ్యాన్స్ ఎంజాయ్ చేసే విధంగా ఉంటాయి. కానీ కొన్ని సన్నివేశాలు అతిగా అనిపించడంతో అప్పట్లో దారుణంగా ట్రోలింగ్ జరిగింది. ఫలితంగా మూవీ డిజాస్టర్ గా నిలిచింది.
ఈ చిత్ర షూటింగ్ సమయంలో రాంచరణ్ బిహేవియర్ కి బోయపాటి శ్రీను ఫిదా అయ్యారట. ఓ ఇంటర్వ్యూలో ఆసక్తికర విషయాలు రివీల్ చేశారు. రాంచరణ్ డైరెక్టర్లకు నచ్చే హీరో. ఎంతలా నచ్చుతాడు అంటే.. బాబు ఈ సీన్ లో నాకు ఇంత హీట్ కావాలి.. మీరు ఇంతకు ముందు ఇలాంటి సీన్లో ఇలా చేశారు. అంతకి మించి కావాలి అంటే వెంటనే చేసేస్తాడు.
షూటింగ్స్ డేట్స్ చెబితే వెంటనే ఓకె అంటాడు. అన్నింటికీ మించి అజెర్బైజాన్ లో ఒక యాక్షన్ సీన్ చేసాం. ఆ సీన్ లో రామ్ చరణ్ కండలు తిరిగిన బాడీతో కనిపించాలి. ఆగస్టులో రాంచరణ్ కి చెప్పా.. బాబు ఆ సీన్ కి మీ బాడీ ఇలా ఉండాలి.. సెప్టెంబర్ లో షూటింగ్.. మీరు ఏం చేస్తారో నాకు తెలియదు.. బాడీ మాత్రం ఇలా ఉండాలి అని నవ్వుతూ చెప్పా.
రాంచరణ్ వెంటనే సార్ బాడీ అలా మారాలంటే 5 నెలలు పడుతుంది సార్ అని అన్నాడు. కానీ జిమ్ లో కష్టపడి కేవలం 1 నెలలోనే నేను అనుకున్న విధంగా బాడీ చేసి చూపించాడు. నేను షాక్ అయ్యా. 5 నెలలు వర్కౌట్ చేస్తే వచ్చే బాడీని నెలలోనే చేసి చూపించాడు అని బోయపాటి ప్రశంసలు కురిపించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి