Richa Chadda Comments:బాలీవుడ్ వెనుకబడటానికి వాళ్ల అత్యాశే కారణం: బాలీవుడ్ నటి రిచా చద్దా

సౌత్ దెబ్బకు బాలీవుడ్ విలవిలలాడుతుంది. బీ టౌన్ సినిమాలకు ఆదరణ లేక ఢీలా పడిపో తున్నాయి. ఇక తమ ఇండస్ట్రీ పరిస్థితి ఇలా అవ్వడానికి కారణాలపై రకరకాలుగా మాట్లాడుతున్నారు బాలీవుడ్ స్టార్స్. రీసెంట్ గా ఈ విషయంలో స్పిందించంది నటి రీచా చద్దా.  

బాక్సాఫీస్ వద్ద బాలీవుడ్ సినిమాలు బోల్తా కొడుతున్నాయి.  100 కోట్లు వసూలు చేయడం కూడా వాటికి కష్టమవుతోంది. ఇదే టైమ్ లో సౌత్ సినిమాలు సత్తా చాటుతున్నాయి. బాక్సాఫీద్ దగ్గర  మన సినిమాలు దుమ్మురేపుతున్నాయి. దక్షిణాది సినిమాల దెబ్బకు బాలీవుడ్ సినిమాలు అల్లాడుతున్నాయి. ఇక ఈ విషయంలో చాలా మంది స్టార్స్ తమ అభిప్రాయాలు వెల్లడిస్తున్నారు. నార్త్ నటి రిచాచద్దా కూడా ఈ విషయంలో స్పందించారు. 

సౌత్ సినిమాల ముందు బాలీవుడ్ సినిమాలు నిలబడలేకపోతున్నాయనే చర్చ దేశమంతా పెద్ద ఎత్తున సాగుతోంది. ఈ అంశంపై బాలీవుడ్ నటి రిచా చద్దా ఆసక్తికర వ్యాఖ్యలు చేసింది. బాలీవుడ్ సినిమాలకు ఈ పరిస్థితి రావడానికి చాలా కారణాలు ఉన్నాయి అంటోంది రిచా. వాటిగురించి వివరంగా చెప్పింది. 

దక్షిణాది సినిమాలకు టికెట్ రేట్లు 100 నుంచి 400 రూపాయల లోపు మాత్రమే ఉంటాయని... కానీ హిందీ సినిమాలకు 500 పైనే ఉంటుందని... సమస్య అంతా ఇక్కడే ఉందని చెప్పింది. సినిమా బాగున్నా, బాగోలేకపోయినా . 500 ఖర్చు పెట్టి సినిమా చూసేందుకు అభిమానులు ఇష్టపడటం లేదని... అందుకే కలెక్షన్లు దారుణంగా ఉంటున్నాయని అన్నారు. 

500 రూపాయలతో ఇంటికి నిత్యావసర వస్తువులు తీసుకెళ్లొచ్చనే మధ్య తరగతి ప్రజలే మన దేశంలో ఎక్కువగా ఉంటారని చెప్పింది రిచా చద్దా. డిస్ట్రిబ్యూటర్ల అత్యాశ వల్ల కూడా బాలీవుడ్ ఎక్కువగా నష్టపోతోందని... వీళ్లు మారాల్సిన అవసరం ఎంతో ఉందని అంటోంది. 

దక్షిణాది సినిమాల టికెట్ ధరలు తక్కువగా ఉండటం వల్ల ఆ మాత్రం డబ్బు ఖర్చు చేయడానికి అభిమానులు వెనుకాడరని చెప్పింది.  అంతే కాదు  సౌత్ హీరోల ఫ్యాన్ బేస్ కూడా ఎక్కువగా ఉండటం వల్ల కలెక్షన్లు బాగా వస్తాయని తెలిపింది. ఇలా బాలీవుడ్ సినిమాల ఫెయిల్యూర్... సౌత్ సినిమాల సక్సెస్ పై తన వాదన వినిపించింది రిచా చద్దా.