Bollywood Celebrities South Debut: దాదాపు అన్ని ఫిల్మ్ ఇండ‌స్ట్రీల‌కు చెందిన నటులు కలిసి పాన్ ఇండియన్ సినిమాలు చేస్తున్నారు. అయితే, ఇటీవల సౌత్ హిట్ దెబ్బ‌తో బాలీవుడ్ స్టార్ సౌత్ సినీ ఇండ‌స్ట్రీపై క‌న్నేశారు.
Bollywood stars who made their way to South Film : గత కొన్నేళ్లుగా సౌత్ సినిమాలకు దేశవ్యాప్తంగా క్రేజ్ పెరుగుతూనే ఉంది. సౌత్ సినిమాలను, సౌత్ స్టార్స్ దేశవ్యాప్తంగా చాలా ఇష్టపడుతున్నారు. సౌత్ ఫిల్మ్ ఇండస్ట్రీ తన కొత్త సబ్జెక్ట్‌లు, అద్భుతమైన కథలు, విభిన్న రకాల చిత్రాలతో తనకంటూ ప్రత్యేక గుర్తింపును సాధించుకుంది. సౌత్ సినిమాల ఈ అద్భుతమైన ప్ర‌యాణంతో ఇప్పుడు బాలీవుడ్ ఫిల్మ్ ఇండస్ట్రీ, సౌత్ ఫిల్మ్ ఇండస్ట్రీ మధ్య దూరం కూడా చెదిరిపోయింద‌నే చెప్పాలి.
దాదాపు అన్ని ఫిల్మ్ ఇండ‌స్ట్రీల‌కు చెందిన నటులు కలిసి పాన్ ఇండియన్ సినిమాలు చేస్తున్నారు. వీటిలో చాలా వ‌ర‌కు సూపర్ హిట్ టాక్ ను అందుకుంటున్నాయి. ఈ మధ్య కాలంలో చాలా మంది సౌత్ స్టార్స్ హిందీ సినిమాల్లోకి అడుగుపెట్టారు. అదే సమయంలో దక్షిణాది చిత్రాలలో క‌నిపించాల‌నే కోరిక‌ను వ్య‌క్తం చేస్తున్నారు బాలీవుడ్ నటులు.
ఈ మధ్య సంజయ్ దత్, సైఫ్ అలీ ఖాన్, జాన్వీ కపూర్, సునీల్ శెట్టి, అజయ్ దేవగన్ మొదలైన హిందీ సినిమా నటులు చాలా మంది సౌత్ ఫిల్మ్ ఇండ‌స్ట్రీలో క‌నిపించారు. ఇదే క్ర‌మంలో రాబోయే కొన్ని రోజుల్లో ప‌లువురు బాలీవుడ్ స్టార్లు సౌత్ ఫిల్మ్ ఇండ‌స్ట్రీలో కనిపించనున్నారు. ఆ వివ‌రాలు గ‌మ‌నిస్తే..
బాబీ డియోల్
ఈ జాబితాలో బాలీవుడ్ నటుడు బాబీ డియోల్ కూడా ఉన్నారు. ఆయ‌న సౌత్ సినిమాలో కనిపించనున్నారు. నవంబర్ 14న విడుదల కానున్న సౌత్ సూపర్ స్టార్ సూర్యతో ఈ ఏడాది ఎంతో ఆసక్తిగా ఎదురుచూస్తున్న చిత్రం 'కంగువ'లో కనిపించబోతున్నాడు. బాబీ డియోల్ ఈ సినిమాతో సౌత్ అరంగేట్రం చేయనున్నాడు.
ఈ చిత్రం పీరియాడికల్ యాక్షన్ డ్రామాగా వ‌స్తోంది. ఇందులో బాబీ డియోల్ చాలా భయంకరమైన, ప్రమాదకరమైన పాత్రలో క‌నిపించ‌నున్నార‌ని స‌మాచారం. సిరుత్తై శివ దర్శకత్వం వహించిన ఈ చిత్రం స్టూడియో గ్రీన్, యూవీ క్రియేషన్స్ బ్యానర్‌పై వ‌స్తోంది.
ఇమ్రాన్ హష్మీ
ప్రముఖ బాలీవుడ్ నటుడు ఇమ్రాన్ హష్మీ కూడా త్వరలో సౌత్ సినిమాల్లోకి అడుగుపెట్టబోతున్నాడు. దర్శకుడు సుజీత్ గ్యాంగ్‌స్టర్ డ్రామా చిత్రం 'ఓజి'లో ఇమ్రాన్ కనిపించబోతున్నాడు. ఈ సినిమాలో సౌత్ ప్రముఖ నటుడు పవన్ కళ్యాణ్ తో కలిసి కనిపించనున్నాడు.
ఈ చిత్రంలో నటుడు 'ఓమీ భౌ' పాత్రలో కనిపించనున్నారు. ఈ సంవత్సరం మార్చి నెలలో అతని పుట్టినరోజు సందర్భంగా నటుడి ప‌వ‌ర్ ఫుల్ పోస్టర్‌ను కూడా మేకర్స్ షేర్ చేశారు. డివివి దానయ్య ఈ చిత్రాన్ని నిర్మిస్తున్నారు. ఈ చిత్రాన్ని వచ్చే ఏడాది 2025లో విడుదల చేసేందుకు ప్లాన్ చేస్తున్నారు.
షానాయ కపూర్
షానాయ కపూర్ నటుడు సంజయ్ కపూర్ కుమార్తె. కపూర్ కుటుంబం నుంచి వ‌చ్చిన న‌టుల్లో ఆమె ఒక‌రు. అతని మేనమామ అనిల్ కపూర్, కజిన్స్ అర్జున్ కపూర్, సోనమ్ కపూర్, జాన్వీ కపూర్, హర్షవర్ధన్ కపూర్ సినిమా ప్రపంచంలో ప్రసిద్ధి చెందిన స్టార్లుగా ఉన్నారు.
ఇప్పుడు షానాయ కూడా సినిమా రంగంలోకి అడుగుపెట్టబోతోంది. సౌత్ నుంచి తన సినీ కెరీర్‌ను ప్రారంభించబోతోంది. మలయాళ సూపర్ స్టార్ మోహన్‌లాల్‌తో రాబోయే చిత్రం వృషభలో షానయ కనిపించబోతోంది. నటి స్వయంగా తన ఇన్‌స్టాగ్రామ్ ద్వారా ఈ సమాచారాన్ని అందించింది.
సన్నీ హిందూజా
'ది రైల్వే మెన్', 'ఆస్పిరెంట్స్' పాత్రలతో ప్రసిద్ధి చెందిన నటుడు సన్నీ హిందూజా కూడా దక్షిణాదికి వ‌స్తున్నారు. మలయాళ చిత్రం హలో మమ్మీతో సౌత్ సినిమాల్లోకి అడుగుపెట్టనున్నాడు. నటుడు ఇటీవల ఉంగ‌రాలు పెట్టుకుని ఉన్న తన పచ్చబొట్టు చేతులకు సంబంధించిన కొన్ని చిత్రాలను పంచుకున్నాడు. త్వరలో చేయబోయే సినిమాలో భూతవైద్యుడి పాత్రలో నటించే అవకాశం ఉందని ఊహాగానాలు వినిపిస్తున్నాయి.
సంజో జోసెఫ్ స్క్రిప్ట్ ఆధారంగా వైశాఖ్ ఎలాన్స్ ఈ చిత్రాన్ని తెరకెక్కిస్తున్నారు. ఈ చిత్రంలో ఐశ్వర్య లక్ష్మి, షరాఫ్ యు ధీన్ కూడా కనిపించనున్నారు. నటుడు తన చిత్రం గురించి మాట్లాడుతూ, "నా మొదటి మలయాళ చిత్రానికి దర్శకుడే నా వద్దకు చాలా ప్రేమగా వచ్చాడు. ఇది నా హృదయాన్ని తాకిందని" పేర్కొన్నాడు. ఈ సినిమా ఈ ఏడాది చివ‌ర‌లో విడుదల కానుంద‌ని స‌మాచారం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి