బిగ్ బాస్ సీజన్ 8 లో 73వ రోజు ఫ్యామిలీ డే అన్నట్లుగా సాగింది. హౌస్ లో ఉన్న కొంతమంది సభ్యుల ఫ్యామిలీ మెంబర్స్ ఎంట్రీ ఇచ్చారు. హౌస్ లో కాసేపు ఎమోషనల్ గా, కాసేపు సరదాగా గడిపి వెళ్లారు.
బిగ్ బాస్ సీజన్ 8 లో 73వ రోజు ఫ్యామిలీ డే అన్నట్లుగా సాగింది. హౌస్ లో ఉన్న కొంతమంది సభ్యుల ఫ్యామిలీ మెంబర్స్ ఎంట్రీ ఇచ్చారు. హౌస్ లో కాసేపు ఎమోషనల్ గా, కాసేపు సరదాగా గడిపి వెళ్లారు. ప్రతి సీజన్ లో కంటెస్టెంట్స్ కి చెందిన కుటుంబ సభ్యులు రావడం.. వాళ్ళు వచ్చినప్పుడు ఇంటి సభ్యులు ఫ్రీజ్ మోడ్ లో ఉండడం చూస్తున్నాం.
ముందుగా హౌస్ లోకి యష్మి తండ్రి ఎంట్రీ ఇచ్చారు. వెంటనే బిగ్ బాస్ ఫ్రీజ్ మోడ్ అనౌన్స్ చేశారు. దీనితో తన తండ్రి రాకని గమనించిన యష్మి ఆయన్ని చూస్తూ భావోద్వేగానికి గురైంది. కాసేపటి తర్వాత బిగ్ బాస్ ఫ్రీజ్ మోడ్ రిలీజ్ చేశారు. తండ్రిని ఆప్యాయంగా యష్మి హద్దుకుంది. యష్మి తండ్రి ఇతర ఇంటి సభ్యులతో సరదాగా ముచ్చటించారు. రోహిణి అయితే.. అంకుల్ ఆఫీసర్ లాగా పవర్ ఫుల్ గా ఉన్నారు. ఒక్కటిచ్చారంటే మూతి ముక్కు వంకర గ్యారెంటీ అంటూ ఫన్నీ కామెంట్స్ చేసింది.
అనంతరం యష్మి తన తండ్రితో ఏకాంతంగా మాట్లాడింది. బిగినింగ్ లో గేమ్ బాగా ఆడుతున్నావు. కానీ ఇప్పుడు ఏమైందది నీకు.. గేమ్ పై ఫోకస్ చెయ్ అని యష్మి కి సూచించారు. నీపై బయట చాలా బ్యాడ్ టాక్ ఉంది.. జాగ్రత్త అంటూ హెచ్చరించారు కూడా. ఇకపై నన్ను నేను మార్చుకుంటా అని యష్మి తండ్రికి మాట ఇచ్చింది. ఆ తర్వాత యష్మి తండ్రి హౌస్ ని వదిలి వెళ్లారు.
నెక్స్ట్ వచ్చిన ఫ్యామిలీ మెంబర్ నిఖిల్ తల్లి. రాగానే తన కొడుకుని ఆమె ఎంతో ప్రేమగా ఆలింగనం చేసుకుంది. ఆమె కూడా ఇంటి సభ్యులతో ముచ్చటించింది. నిఖిల్ ఇంటి సభ్యులని తన తల్లికి పరిచయం చేస్తుండగా.. వీళ్లంతా నాకు తెలుసు అంటూ అవినాష్, తేజ, విష్ణుప్రియ అందరి పేర్లు చెప్పారు. ఆమె తన కొడుకుతో ప్రైవేట్ గా మాట్లాడుతున్నప్పుడు కొన్ని ఆసక్తికర వ్యాఖ్యలు చేశారు. గ్రూప్ గేమ్ ఆడవద్దు. నీ గేమ్ నువ్వు ఆడు. Y ని కంట్రోల్ చేయి అంటూ ఆమె నిఖిల్ కో కోడ్ వర్డ్ లో చెప్పింది. Y అంటే యష్మి నే భావించాలి. నిఖిల్, యష్మి గ్రూప్ గేమ్ ఆడుతున్నారు కాబట్టి నిఖిల్ తల్లి అలా హెచ్చరించింది. నువ్వు టైటిల్ గెలుస్తావని మేమంతా ఇంట్లో ఎదురుచూస్తున్నాము అని తెలిపింది.
నిఖిల్ తల్లి వెళ్ళిపోయాక అవినాష్ భార్య అనూజ ఎంట్రీ ఇచ్చారు. అవినాష్ బెడ్ పై పడుకుని ఉంటే.. అనూజ సైలెంట్ గా వెళ్లి అతడిని హగ్ చేసుకుంది. దీనితో అవినాష్ ఒక్కసారిగా సర్ప్రైజ్ అయ్యాడు. భార్య భర్తలు ఇద్దరూ కాసేపు రొమాంటిక్ గా గడిపారు. బిగ్ బాస్ షోని తాను చాలా బాగా ఎంజాయ్ చేస్తున్నానని అనూజ తెలిపింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి