బిగ్ బాస్ హౌస్ లో చివరి మెగా ఛీప్ ఫోటీకోసం టాఫ్ టాస్క్ లతో బిగ్ బాస్ రెడీగా ఉన్నాడు. అదరిపోయేలా ఆటలాడుతూ.. ఆడియన్స్ కు మర్చిపోలేని ఎంటర్టైన్మెంట్ ను అందిస్తున్నాడు బిగ్ బాస్.
బిగ్ బాస్ తెలుగు సీజన్ 8 చివరి దశకు వచ్చింది. ఇంకా మూడు వారాలు మాత్రమే ఉంది. ఇప్పటికే 81 రోజులు కంప్లీట్ చేసుకున్న బిగ్ బాస్ లో ఫైనల్ వీక్స్ కోసం గట్టిగా ప్లాన్ చేస్తున్నట్టు తెలుస్తోంది. అందులో భాగంగానే టాస్క్ లు టఫ్ గా ఉండబోతున్నాయి. సెలబ్రిటీల జోరు పెరగబోతోంది. ఎలిమినేషన్ల విషయంలో కూడా ట్విస్ట్ ల మీద ట్విస్ట్ లు చూడబోతున్నారు.
ఇక ఈ వారం బిగ్ బాస్ హౌస్ కు ఫైనల్ మెగా చీఫ్ కోసం.. పెద్ద యుద్దమే స్టార్ట్ చేశాడు బిగ్ బాస్. అందులో భాగంగా చీఫ్ కంటెండర్ కాంపిటేషన్ జరిగింది. అందులో గెలిచిన వారికి.. హౌస్ లో ఉన్నవారికి అందరికి కలిపి.. అదిరిపోయే టాస్క్ లు స్టార్ట్ అయ్యాయి. ఇక గేమ్ చివరకు వస్తుంది అనుకుంటున్న టైమ్ లో కూడా గొడవలు తప్పడంలేదు.
అందలోను ఎమోషన్స్ ను, కోపాన్ని కంట్రోల్ చేసుకుని తెలివిగా ఆడాల్సిన టైమ్ లో కాస్త లూజ్ అవుతున్నారు కంటెస్టెంట్లు. అటు పృధ్వీ, ఇటు గౌతమ్ మరోసారి వీరిద్దరి మధ్య గొడవ తారాస్థాయికి చేరింది. నువ్వా నేనా అనే మాటల కూడా కాదు.. ఏం పీక్కుంటావు అనే విషయం దగ్గరకు వచ్చింది. అసలు వీరి గొడవ చాలా సిల్లీ పాయింట్ దగ్గర స్టార్ట్ అయ్యింది.
రోహిణి, నిఖిల్ ఇద్దరిలో చీఫ్ టాస్క్ కంటెండర్ గా ఎన్నుకునే ఆప్షన్ ఇంటి సభ్యులకు ఇచ్చాడు బిగ్ బాస్. దానికి సంబంధింన వాదన జరుగుతన్న టైమ్ లో గౌతమ్ తెలివిగా వైల్డ్ కార్డ్స్ ను టార్గెట్ చేశారంటూ రెచ్చగొట్టాడు. దాంతో పృధ్వీ స్పందించాడు. ఆ వాదన కాస్త పెరిగి పెరిగి పెద్ద వివాదం అయ్యింది. ఇద్దరు ఆవేశపరులు కావడంతో నోరు జారుడు.. మాటలు మీరుడు అన్నీ జరిగిపోయాయి.
సో ఈ విషయంలో నాగార్జున క్లాస్ ఉంటుందో లేదో తెలియదు. ఎందుకంటే రెండు వారాలే ఉంది.. ఎవరి కర్మ వారిది.. మొదటి నుంచి చెపుతూనే ఉన్నాడు నాగ్. దాంతో ఇద్దరి మధ్య గొడవ తారాస్థాయిలో జరిగింది. అయితే మరోసారి కన్నడ బ్యాచ్ తమ గ్రూప్ గేమ్ ను చూపించుకుంది. గౌతమ్ పై మూకుముడిగా దాడికి తెగబడ్డారు.
పృధ్వీ గౌతమ్ మీద మీదకు వెళ్తూ.. వాదిస్తుంటే.. మరో వైపు నుంచి నిఖిల్, యష్మి, విష్ణు ప్రియ కూడా గౌతమ్ ను మాట్లాడనీయకుండా డిఫెన్స్ పేరుతో రచ్చ చేశారు. అసలు ఏమాత్రం పసలేని విషయాన్ని సాగదీసి చిరాకుతెప్పించారు. ఈక్రమంలో బిగ్ బాస్ హౌస్ లోకి సెలబ్రిటీలు, సినిమా ప్రమోషన్లు కూడాస్టార్ట్ అయ్యాయి.
ఈరెండు మూడు వారాల్లో బ్యాలన్స్ ఎవరైనా ఉంటే ప్రమోషన్లకు రాబోతున్నారు. అందులో భాగంగా ఈ వారం హౌస్ లోకి విశ్వక్ సేన్ వచ్చాడు. విశ్వక్ ఎలా ఉంటాడో ప్రత్యేకంగా చెప్పనక్కర్లేదు. పుల్ ఎంటర్టైన్మెంట్ తో పాటు.. సరదా టాస్క్ లు. పంచ్ లు, నవ్వులు, ఇలా ప్రశాంతంగా గడిచింది. బిగ్ బాస్ హౌస్ లో విశ్వక్ సేన్ ఎపిసోడ్.
ఇక ఎవరికి ఇవ్వాల్సిన కోటింగ్ వారికి ఇచ్చి. ఎవరితో ఎలా ఉండాలో అలా ఉండి.. తన సినిమా ప్రమోషన్ చేసుకున్నాడు విశ్వక్. ఇక విశ్వక్ ఎపిసోడ్ లో రోహిణి ఇన్వాల్మెంట్ కాస్త ఎక్కువగా కనిపించింది. ఇక తన ఇంటి నుంచి బిగ్ బాస్ టీమ్ కోసం ప్రత్యేకంగా భోజనం తీసుకువచ్చాడు విశ్వక్ సేన్. అవి తన తల్లిగారు స్వయంగా చేశారని చెప్పాడు విశ్వక్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి