ఆదిత్య ఓం ఇప్పుడు ఇండస్ట్రీకి దూరం అయి ఉండొచ్చు కానీ.. గతంలో లాహిరి లాహిరి లాహిరిలో లాంటి క్రేజీ సూపర్ హిట్ చిత్రంలో హీరోగా నటించాడు.
బిగ్ బాస్ తెలుగు సీజన్ 8 లో ఐదవ కంటెస్టెంట్ గా హీరో ఆదిత్య ఓం ఎంట్రీ ఇచ్చారు. ఆదిత్య ఓం ఇప్పుడు ఇండస్ట్రీకి దూరం అయి ఉండొచ్చు కానీ.. గతంలో లాహిరి లాహిరి లాహిరిలో లాంటి క్రేజీ సూపర్ హిట్ చిత్రంలో హీరోగా నటించాడు.
ఆదిత్య ఎంట్రీ ఇచ్చేటప్పుడు తన లైఫ్ స్టోరీ ప్లే చేశారు. ఇందులో ఆదిత్య తన లైఫ్ గురించి చెబుతూ.. కాశీలో పుట్టి పెరిగి.. సినిమా పిచ్చి వల్ల ముంబైకి వచ్చినట్లు తెలిపాడు. ఇండస్ట్రీలో ఎవ్వరూ తెలియదు. దీనితో బేసిక్స్ నుంచి ప్రారంభించాల్సి వచ్చింది. థియేటర్ ఆర్టిస్ట్ గా కెరీర్ ప్రారంభించి ఆ తర్వాత సీరియల్స్ లో నటించినట్లు ఆదిత్య తెలిపాడు.
అనుకోకుండా డైరెక్టర్ వైవీఎస్ చౌదరిని కలవడం తన కెరీర్ కి టర్నింగ్ పాయింట్ అని ఆదిత్య తెలిపారు. తెలుగు ఆడియన్స్ తమ సొంత బిడ్డలా నన్ను ఆదరించారు. 2005 తర్వాత నా రోజులు మొదలయ్యాయి. వరుసగా నేను నటించిన ఐదారు చిత్రాలు ఫ్లాప్ అయ్యాయి. డిప్రెషన్ లో 5 రోజులు రూమ్ నుంచి బయటకి రాలేదు. రెండేళ్లు ఇంట్లోనే ఉండిపోయా. జీవితం అంటే పోరాటం అని గ్రహించా.
మళ్ళీ ముంబై వెళ్లి 2010 నుంచి కెరీర్ మళ్ళీ ప్రారంభించా. ప్రొడక్షన్ డిజైనర్ గా పనిచేశా అని ఆదిత్య ఓం తెలిపారు. నాకు ఇంత ఇచ్చిన ఇండస్ట్రీకి, ప్రజలకు ఎంతో కొంత తిరిగి ఇవ్వాలనే ఉద్దేశంతో.. భద్రాద్రి కొత్తగూడెం దగ్గర చెరువు పల్లి, కొత్తపల్లి గ్రామాల్లో సామజిక సేవ చేస్తున్నట్లు ఆదిత్య తెలిపారు. తనని తాను తిరిగి ఆడియన్స్ కి పరిచయం చేసుకునేందుకు బిగ్ బాస్ కి వచ్చినట్లు ఆదిత్య తెలిపారు. నాగార్జునతో సరదాగా ముచ్చటించిన తర్వాత తన పెయిర్ గా నటి సోనియా ఆకులని ఎంచుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి