బిగ్ బాస్ మూడో కంటెస్టెంట్ గా నటుడు అభయ్ నవీన్... హౌస్లో అలా అల్లాడిస్తాడట!
First Published Sep 1, 2024, 8:09 PM ISTబిగ్ బాస్ తెలుగు తెలుగు సీజన్ 8 మూడో కంటెస్టెంట్ గా నటుడు అభయ్ నవీన్ ఎంట్రీ ఇచ్చాడు. ఆయన వివరాలు తెలుసుకుందాం...
బిగ్ బాస్ తెలుగు తెలుగు సీజన్ 8 మూడో కంటెస్టెంట్ గా నటుడు అభయ్ నవీన్ ఎంట్రీ ఇచ్చాడు. ఆయన వివరాలు తెలుసుకుందాం...
తెలంగాణ సిద్దిపేటకు చెందిన అభయ్ నవీన్ నటుడు కావాలనే ఆశతో అన్నపూర్ణ యాక్టింగ్ స్కూల్ లో చేరాడు. అనేక షార్ట్ ఫిలిమ్స్, డ్రామాలు చేశాడు.
అతడికి పెళ్లి చూపులు చిత్రం బ్రేక్ ఇచ్చింది. తరుణ్ భాస్కర్ దర్శకత్వంలో విజయ్ దేవరకొండ-రీతూ వర్మ జంటగా నటించిన ఈ చిత్రం మంచి విజయం సాధించింది.
పెళ్లి చూపులు చిత్రంలోని నటన అభయ్ నవీన్ కి మంచి ఫేమ్ తెచ్చింది. ఆయనకు అవకాశాలు తెచ్చిపెట్టింది. అభయ్ నవీన్ బిగ్ బాస్ తెలుగు సీజన్ 8లో ఎంట్రీ ఇచ్చాడు.
వేదికపైకి వచ్చిన అభయ్ నవీన్ తన బయోగ్రఫీ చెప్పాడు. తాను నటించిన ఓ వీడియో షేర్ చేసిన దర్శకుడు పూరి జగన్నాధ్.. ఇతను ఎవరో గొప్పగా నటించానని చెప్పాడని అభయ్ నవీన్ వెల్లడించాడు.
తన ఎనర్జీ లెవెల్స్ తో హౌస్లో ఆకట్టుకుంటానని అభయ్ నవీన్ విశ్వాసం వ్యక్తం చేశాడు. ఇక హోస్ట్ నాగార్జున ఓ బడ్డీని ఎంపిక చేసుకోవాలని చెప్పాడు. స్క్రీన్ పై కనిపిస్తున్న కలర్స్ లో ఒక రంగు ఎంచుకోవాలని నాగార్జున అభయ్ ని కోరాడు.
అభయ్ నవీన్ ఎల్లో కలర్ కోరుకున్నాడు. మరి అభయ్ నవీన్ హౌస్లో ఏ మేరకు సక్సెస్ అవుతాడో చూడాలి. అభయ్ కి ముందు కంటెస్టెంట్స్ గా సీరియల్ నటులు యాష్మి గౌడ, నిఖిల్ ఎంట్రీ ఇచ్చారు.