Bigg boss Telugu 5: అనూహ్యంగా టాప్ కంటెస్టెంట్స్ అవుట్... ఫైనల్ కి చేరిన 5 కంటెస్టెంట్స్  వీరే

బిగ్ బాస్ హౌస్ లో చివరి ఎలిమినేషన్ చోటు చేసుకుంది. ఫైనల్ కి ముందు వారం ఆరుగురు కంటెస్టెంట్స్ నుండి ఒక టాప్ కంటెస్టెంట్ ఎలిమినేట్ అయ్యారు. ఫైనల్ కి చేరిన ఐదుగురు కంటెస్టెంట్స్ టైటిల్ పోరుకు సిద్ధమయ్యారు.

బిగ్ బాస్ సీజన్ 5 (Bigg boss Telugu 5) చివరి దశకు చేరుకుంది. మరో వారంలో విన్నర్ ఎవరో తేలిపోనుంది. ఇక హోస్ట్ నాగార్జున సండే ఎపిసోడ్ ని ఎంటర్టైనింగ్ గా నడిపారు. కంటెస్టెంట్స్ తో గేమ్స్ ఆడించారు. మొదటగా ఇంటి సభ్యులను రెండు టీమ్స్ గా విభజించారు. శ్రీరామ్, కాజల్, షణ్ముఖ్ ఒక టీంగా, మానస్, సన్నీ, సిరి మరొక టీం గా ఎంపిక చేశారు. ఇక ప్రతి టీమ్ నుండి ఒక సభ్యుడు వచ్చి, స్లిప్ లో ఉన్న పాటను నటించిన చూపాలి, తమ టీమ్ సభ్యులు సదరు పాట ఏమిటో గెస్ చేయాలి. ఈ గేమ్ ఆసక్తికరంగా సాగింది. ఎక్కువ సార్లు గెస్ చేసిన శ్రీరామ్ టీం... ఈ గేమ్ లో మానస్ టీం పై గెలవడం జరిగింది. 

ఈ టాస్క్ అనంతరం ఫైనల్ కి వెళ్లే ఓ కంటెస్టెంట్ పేరు రివీల్ చేయాలని హోస్ట్ నాగార్జున చెప్పారు. టికెట్ టు ఫినాలే గెలుచుకున్న శ్రీరామ్ నేరుగా ఫైనల్ కి చేరిన విషయం తెలిసిందే. ఇక నిన్నటి ఎపిసోడ్ లో సన్నీ సెకండ్ ఫైనలిస్ట్ గా ఎంపికయ్యాడు. సెకండ్ ఫైనలిస్ట్ నెక్స్ట్ ఫైనల్ కి చేరే కంటెస్టెంట్ ని రివీల్ చేసే బాధ్యత తీసుకున్నాడు. దీనిలో భాగంగా సన్నీ.. గార్డెన్ ఏరియాలో ఉన్న పుల్లీ లాగడం జరిగింది. ఫుల్లీ లాగిన వెంటనే సిరి ఫోటో రివీల్ అయ్యింది. దానితో శ్రీరామ్, సన్నీ తర్వాత సిరి ఫైనల్ కి చేరింది.

 నాగార్జున (Nagarjuna) మరో టాస్క్ నిర్వహించాడు. కంటెస్టెంట్స్ ఇతర కంటెస్టెంట్స్ గా నటించి చూపాలని చెప్పడం జరిగింది. ఫస్ట్ మానస్ శ్రీరామ్ వలె యాక్ట్ చేశాడు. అనంతరం కాజల్ లా శ్రీరామ్ నటించారు. ఇక షణ్ముఖ్ వలె కాజల్ నటించగా... సన్నీ సిరి వలె నటించాడు. షణ్ముఖ్ సన్నీ మాదిరి నటించడం జరిగింది. వీరిలో శ్రీరామ్ సేమ్ టు సేమ్ కాజల్ ని ఇమిటేట్ చేసి నవ్వులు పూయించారు. 

ఈ టాస్క్ అనంతరం మరో ఫైనలిస్ట్ ని రివీల్ చేశారు. థర్డ్ ఫైనలిస్ట్ గా ఎంపికైన సిరి ఈ బాధ్యత తీసుకున్నారు. సిరి గార్డెన్ ఏరియాలో కర్టైన్ తో కప్పబడి ఉన్న ఫోటోను... రివీల్ చేశారు. ఆ అందులో షణ్ముఖ్ ఫోటో ఉండడంతో అతడు నాలుగో ఫైనలిస్ట్ గా ఎంపికయ్యాడు. దీనితో కాజల్, మానస్ లలో ఎలిమినేట్ అయ్యేదెవరు? ఫైనల్ కి వెళ్ళేదెవరనే ఉత్కంఠ కొనసాగింది.

హోస్ట్ నాగార్జున మరో ఇంటరెస్టింగ్ గేమ్ నిర్వహించడం జరిగింది. ఈ సీజన్ లో పాల్గొని ఎలిమినేట్ అయిన కొందరు కంటెస్టెంట్స్ హౌస్ లో ఉన్న కంటెస్టెంట్స్ ని ప్రశ్నలు అడిగారు. జెస్సి... తన ఫ్రెండ్స్ అయిన సిరి, షణ్ముఖ్ లకు సూటిగా రెండు ప్రశ్నలు సంధించారు. హౌస్ లో వాళ్ళిద్దరి గేమ్, ఇంటిమసీని అతడు ప్రశ్నించాడు. ఈ ప్రశ్నలకు సమాధానం చెప్పడంలో వీరిద్దరూ కొంచెం తడబడ్డారు. 

ఇక కాజల్ ని ప్రియ.. నువ్వు హౌస్ లోనే ఇలా ఉంటావా.. బయట కూడా ఇంతేనా? అని అడిగారు.  నేను నాలానే ఉన్నాను. ఎక్కడైనా నేను ఇంతే అని కాజల్ సమాధానం చెప్పింది. ఇక మానస్ ని ప్రియాంక ఓ సూటి ప్రశ్న అడిగింది. హౌస్ లో నువ్వు నన్ను భరించావా? నటించవా? అని అడుగగా.. నేను నటించలేదు, భరించాను. ఏదైనా ముఖం ముందే చెప్పానని వివరణ ఇచ్చాడు.

ఇక ఫైనల్ ఎలిమినేషన్ కి టైం ఆసన్నమైంది. స్వయంగా స్టేజ్ పై నుండి నాగార్జున ఫైనల్ కి వెళ్లనున్న టాప్ ఫైవ్ కంటెస్టెంట్ నేమ్ రివీల్ చేశారు. మానస్ పేరు బోర్డు పై ప్రత్యక్షం కాగా... కాజల్ ఎలిమినేషన్ ఖాయమైంది. దీనితో కాజల్ బెస్ట్ ఫ్రెండ్స్ మానస్, సన్నీ కన్నీటి పర్యంతం అయ్యారు. దీంతో బిగ్ బాస్ ఫైవ్ ఫైనలిస్ట్స్ గా సన్నీ, మానస్, శ్రీరామ చంద్ర, సిరి, షణ్ముఖ్ డిక్లేర్ అయ్యారు. 

ఇక వేదికపైకి వచ్చిన కాజల్ తన ఫైనల్ ఫీలింగ్స్ ఇంటి సభ్యులతో పంచుకున్నారు. బోర్డు పై ఫైవ్ టైమ్స్.. ఎంటర్టైన్మెంట్, ఫ్రెండ్షిప్, ఎమోషన్, డ్రామా, యాక్షన్ అనే పదాలు ఉండగా.. ఒక్కొక్కరికీ ఒకటి ఇచ్చారు. సన్నీకి ఎంటర్టైనర్, మానస్ కి ఫ్రెండ్షిప్, షణ్ముఖ్ కి డ్రామా, శ్రీరామ్ కి యాక్షన్, సిరికి ఎమోషన్ సూట్ అవుతుందని కాజల్ తెలిపారు. మొత్తంగా ఆదివారం ఎపిసోడ్ అలా ముగిసింది.