బిగ్ బాస్ హౌస్ నుండి బయటికి వచ్చాక ఈ జంటలు ఎవరి దారి వాళ్ళు చూసుకున్నారు. మోనాల్, అఖిల్ మాత్రం ఇప్పటికీ మంచి రిలేషన్ మైంటైన్ చేస్తున్నట్లు సమాచారం. కాగా లేటెస్ట్ సీజన్లో (Bigg boss telugu 5) ఓ వింత ప్రేమ కథా చిత్రం చోటు చేసుకుంది. ట్రాన్స్ జెండర్ ప్రియాంక- నటుడు మానస్ మధ్య ప్రేమ చిగురించింది.
మొదటివారం నుండే మానస్ (Manas) అంటే పింకీ అభిమానం పెంచుకుంది. ఒక్క మానస్ తప్ప హౌస్ లో అబ్బాయిలు, అందరూ నాకు అన్నయ్యలే అంటూ.. మనసులో మాట బయటపెట్టింది. మొదట్లో మానస్ ఆమె పట్ల అంత ఆసక్తి చూపించలేదు. అమ్మాయిలకు మించిన అందం ఉన్నప్పటికీ ట్రాన్స్ జెండర్ అనే నిజం, అతన్ని ఆపి వేసి ఉండవచ్చు.
అయితే క్రమేణా, అతడు కూడా ఆమెకు దగ్గరయ్యాడు. హౌస్ లో అందరిదీ ఒక ప్రపంచం, వాళ్ళిద్దరిది మరో ప్రపంచం. టాస్క్, ఈవెంట్స్, వంట వార్పు.. ఇంటి పనులు మినహాయిస్తే.. ప్రతి క్షణం ఇద్దరూ కలిసే ఉంటారు. అసలు పింకీ అనుక్షణం... మానస్ నామస్మరణలోనే బ్రతుకుతుంది. తన తిండి కూడా తెచ్చి మానస్ కి పెట్టాలని అనుకుంటుంది. అతడిని ఎవరైనా తప్పుకోగా మాట్లాడితే పింకీకి కోపం వస్తుంది.
చివరకు పింకీకి టైటిల్ వచ్చినా... అది మానస్ కోరితే ఇచ్చేస్తుందేమో అన్నంతగా ఆమె వ్యవహారం ఉంది. హౌస్ నుండి ఇటీవల బయటికి వచ్చిన విశ్వ... నిజంగా పింకీ( Priyanaka), మానస్ ని ఎంతగానో ప్రేమిస్తుందని, అదే స్థాయిలో పింకీ మీద మానస్ కి ప్రేమ ఉండదని చెప్పారు.
ఇక మానస్ తల్లి వీరిద్దరి పెళ్లి వ్యహారం పై పెదవి విప్పారు. మానస్ కి పింకీకి పెళ్లి చేయడం కుదరదు. అయితే పింకీ పెళ్లి దగ్గరుండి నేను చేస్తాను... అని కామెంట్ చేశారు.
ఇదిలా ఉంటే తాజాగా... అన్ని మాస్టర్ మానస్, పింకీ కోసం ప్రత్యేకమైన బెడ్ సిద్ధం చేసింది. దానిపై రెడ్, వైట్ ఫ్లవర్స్ తో హార్ట్ సింబల్ తో అందంగా డెకరేట్ చేసింది.