Bigg Boss Telugu 10: బిగ్‌ బాస్‌ తెలుగు 10 సెలబ్రిటీ కంటెస్టెంట్లు వీరేనా? అగ్నిపరీక్ష ప్రారంభమయ్యేది అప్పుడే

బిగ్‌ బాస్‌ తెలుగు 10 లోకి వచ్చే సెలబ్రిటీ కంటెస్టెంట్లు ఎవరనేది ఆసక్తికరంగా మారింది. ఈ క్రమంలో కొంత మంది ఆరిస్ట్ ల పేర్లు తెరపైకి వచ్చాయి. ఇందులో క్రేజీ స్టార్స్ ఉండటం విశేషం.

బిగ్‌ బాస్‌ తెలుగు 10 కి రంగం సిద్ధం

బిగ్‌ బాస్‌ తెలుగు 10వ సీజన్‌ ప్రారంభానికి రంగం సిద్ధం అవుతుంది. ప్రస్తుతం కామనర్స్ ని ఎంపిక చేసే ప్రక్రియ నడుస్తోంది. అగ్నిపరీక్ష పేరుతో కామనర్స్ ని ఎంపిక చేస్తున్న విషయం తెలిసిందే. గత సీజన్‌లో ఇలానే ఏడుగురు కంటెస్టెంట్లని ఎంపిక చేశారు. ఇప్పుడు కూడా అలానే అగ్నిపరీక్ష ప్రక్రియ నడుస్తోంది. అందులో భాగంగా ఇప్పుడు ఫిల్టర్‌ చేస్తున్నారు. వీరిలో కొంతమందితో అగ్నిపరీక్షని ప్రారంభిస్తారు. ఇది ఆగస్ట్ లో ప్రారంభం కానుంది. దీని ద్వారా ఐదు నుంచి పది మంది వరకు కామనర్స్ ని ఎంపిక చేయబోతున్నారు.

బిగ్‌ బాస్‌ తెలుగు 10 కంటెస్టెంట్ల ఎంపిక

వీరితోపాటు సెలబ్రిటీ కంటెస్టెంట్ల ఎంపిక ప్రక్రియ కూడా నడుస్తోంది. ఇప్పటికే బిగ్‌ బాస్‌ టీమ్‌ సెలబ్రిటీలను అప్రోచ్‌ అవుతుందట. కొందరు సెలబ్రిటీలు, ఇన్‌ ఫ్లూయెన్సర్లు కూడా బిగ్‌ బాస్‌ టీమ్‌ని అప్రోచ్‌ అవుతున్నారు. ఈ క్రమంలో కొందరి పేర్లు సోషల్‌ మీడియాలో చక్కర్లు కొడుతున్నాయి. బిగ్‌ బాస్‌ తెలుగు 10 కంటెస్టెంట్ల లిస్ట్ ఇదే అంటూ వైరల్‌ చేస్తున్నారు. మరి ఇందులో ఎవరున్నారనేది చూస్తే.

బిగ్‌ బాస్‌ తెలుగు 10 హౌజ్‌లోకి క్రేజీ స్టార్స్ ?

ఇందులో క్రేజీ ఆర్టిస్టులున్నారు. నటుడు ప్రభాకర్‌ పేరు ప్రధానంగా వినిపిస్తుంది. ఆయన గానీ ఆయన కొడుకు చంద్రహాస్‌గానీ ఈ సారి బిగ్‌ బాస్‌ హౌజ్‌కి వచ్చే అవకాశం ఉందట. అలాగే టీవీ నటి, బిగ్‌ బాస్‌ మాజీ కంటెస్టెంట్‌ ప్రియాంక జైన్‌ బాయ్‌ ఫ్రెండ్‌ శివ కుమార్‌ పేరు కూడా ఉంది. శివకుమార్‌ టీవీ నటుడు కూడా. బుల్లితెరపై బాగా పాపులర్‌. మరో బుల్లితెర స్టార్‌ పవన్‌ కూడా ఈ పదవ సీజన్‌ బిగ్‌ బాస్‌ షోకి రాబోతున్నట్టు ప్రచారం జరుగుతుంది.

ఆగస్ట్ నుంచి అగ్నిపరీక్ష షురూ

బుల్లితెరపై కామెడీ షోలతో ఆకట్టుకున్న ఎక్స్ ప్రెస్‌ హరి, అలాగే నటి సోనియా సింగ్‌, తేజస్విని, మంగ్లీ, యాంకర్‌ నిఖిల్‌, ఇన్‌ఫ్లూయెన్సర్‌ నందు, రమణ వంటి వారు రాబోతున్నట్టు ప్రచారం జరుగుతుంది. మరి ఇందులో నిజమెంతా అనేది తెలియాల్సి ఉంది. అయితే బిగ్‌ బాస్‌ కి సంబంధించిన చాలా మంది పేర్లు వినిపిస్తుంటాయి. కానీ ఎంపిక వచ్చేసరికి చాలా పేర్లు మారిపోతాయి. ఎవరు ఫైనల్‌ అవుతారనేది ఇప్పుడు తేల్చలేం. పారితోషికాలు, కాల్షీట్లు, మిగిలిన రూల్స్ అండ్‌ రెగ్యూలేషన్స్ మీద వీరి ఎంపిక ఆధారపడి ఉంటుంది. ఆగస్ట్ మూడో వారంలో దీనిపై క్లారిటీ వచ్చే అవకాశం ఉంది. ఇక అగ్నిపరీక్షని ఆగస్ట్ లో నిర్వహించనున్నారు. అందులోనుంచి కొంత మందిని, సెలబ్రిటీలు మరికొంత మందిని కలిపి మొత్తంగా ఇరవై మంది సెలబ్రిటీలను హౌజ్‌లోకి పంపిస్తారు. ఇది సెప్టెంబర్‌ మొదటి ఆదివారం ప్రారంభం కానుంది. ఎప్పటిలాగానే నాగార్జున దీనికి హోస్ట్ గా చేయనున్నారు.