బిగ్ బాస్ 6 ప్రారంభంతోనే బయట కాంట్రవర్సీలు షురూ అయ్యాయి. మరోవైపు హౌజ్‌లో కంటెస్టెంట్ల మధ్య చిచ్చు పెడుతున్నాడు బిగ్ బాస్. దీంతో నెటిజన్ల షాకింగ్‌ కామెంట్లతో రెచ్చిపోతున్నారు.
బిగ్ బాస్(Bigg Boss Telugu 6) తెలుగు సీజన్‌ 6 ఆదివారం గ్రాండ్‌గా ప్రారంభమైన విషయం తెలిసిందే. నాగార్జున(Nagarjuna) హోస్ట్ గా ఈ షో ప్రారంభం కాగా, ఈ సారి అత్యధికంగా 21 మంది కంటెస్టెంట్లు హౌజ్‌లోకి వచ్చారు. తొలి వారం తొలి రోజు నుంచే బిగ్ బాస్ హౌజ్‌లో రచ్చ షురూ అయ్యింది. ఏమాత్రం ఆలస్యం లేకుండా హౌజ్‌మేట్స్ మధ్య చిచ్చు పెట్టాడు బిగ్ బాస్. దీంతో అది రచ్చ లేపుతుండటం విశేషం.
గార్డెన్‌లో మార్నింగ్‌ కంటెస్టెంట్ల డాన్సులతో ప్రారంభమైన షో.. అనంతరం బాత్‌ రూమ్‌లో చిచ్చుకి తెరలేపింది. బాత్‌రూమ్‌లో వెంట్రుకలు పడ్డాయని ఆభ్యంతరం తెలిపింది గీతూ రాయల్‌(Geetu Royal). ఎవరి పని వాళ్లు చేయాలనే రూల్‌ పెట్టుకున్నా, వేరే వాళ్ల వెంట్రుకలు మాత్రం తాను తీయనని తెగేసి చెప్పింది గీతూ. అయితే ఆ వెంట్రుకలు సుల్తానే(Inaya Sultana) అంటూ మరో కంటెస్టెంట్‌ చెప్పడంతో గీతూ, సుల్తానా మధ్య బాత్‌ రూమ్‌ వెంట్రుకల ఇష్యూ చిచ్చు పెట్టింది. ఇద్దరు ఒకరిపై ఒకరు వాదోపవాదనలు దిగడం అందరిని షాక్‌కి గురి చేస్తుంది.
ఈ క్రమంలో సుల్తానా సైతం వాదించే ప్రయత్నం నా హెయిరే ఉందని గ్యారేంటీ ఏంటీ అందరు స్నానం చేశారు, అందరివి కదా ఉండేది అని చెప్పగా, తిక్కా నీకు అంటూ గీతూ వెళ్లిపోవడం, నాకుండే తిక్క నాకుందిలే అంటూ సుల్తానా చెప్పడం హీటుని పెంచుతుంది. మొదటి రోజే గీతూ, సుల్తానాల మధ్య వివాదం రాజేశాడు బిగ్‌బాస్‌. ఇది చూసి మిగిలిన వారంతా సైలెంట్‌ అయిపోవడం విశేషం.
దీనిపై సోషల్‌ మీడియాలో విమర్శలు వెల్లువెత్తుతున్నాయి. బిగ్ బాస్ హౌజ్‌లో పంచాయితీ మొదలయ్యిందని రకరకాల కామెంట్లు చేస్తున్నారు నెటిజన్లు. అప్పుడు బిగ్ బాస్ ఫైటింగ్‌లు స్టార్ట్ చేశారని, ఈ రొచ్చు ఇక ఆగదంటూ సెటైర్లు పేలుస్తున్నారు ఇంటర్నెట్‌ ఆడియెన్స్. వారి మధ్య వెంట్రుకల గొడవలను హైలైట్‌ చేస్తూ రచ్చ లేపుతున్నారు. దీంతో ఇప్పుడిది హాట్‌ టాపిక్‌ అవుతుంది.
ఇంకా బిగ్ బాస్ హౌజ్‌లో మొదటి టాస్క్ పెట్టాడు బిగ్ బాస్. ఆ టాస్క్ ని ఫైమా(Fiama) చదివి వినిపించింది. ఇందులో హౌజ్‌లోని సభ్యులను క్లాస్, ట్రాష్‌ అంటూ మూడు భాగాలుగా విభజించారు. ఎవరు క్లాస్, ఎవరు ట్రాష్‌ అనేది వాళ్లే తేల్చుకోవాల్సి ఉంటుంది. ఈ క్రమంలో మరోసారి కంటెస్టెంట్ల మధ్య చిట్టు రాజేసిందని చెప్పొచ్చు.
క్లాస్ సెక్షన్‌ వాళ్లు సకల సౌకర్యాలు అనుభవిస్తారని, ట్రాష్‌ వాళ్లు బయట గార్డెన్‌ ఏరియాలో వంట చేసుకుని తినాల్సి ఉంటుంది. ఈ క్రమంలో మరోసారి హౌజ్‌ హీటెక్కిందని చెప్పొచ్చు. ఇక వీళ్లు ఇంటి నుంచి బయటకు వెళ్లేందుకు నేరుగా నామినేట్‌ అవుతారని ఫైమా చెప్పడంతో అంతా నోరెళ్లబెట్టారు. మొత్తంగా బిగ్ బాస్ 6 హౌజ్‌లో తొలి రోజే ఆట హీటెక్కించిందని చెప్పొచ్చు.