దర్శకులు, నిర్మాతల కోసం అలాంటి వీడియోలు అప్లోడ్ చేశా..అశ్లీల చిత్రాలపై బిగ్ బాస్ కిరణ్ రాథోడ్ ఆవేదన

బిగ్ బాస్ సీజన్ 7లో కంటెస్టెంట్ గా పాల్గొన్న బోల్డ్ బ్యూటీ కిరణ్ రాథోడ్ తొలి వారంలోనే ఎలిమినేట్ అయింది. బిగ్ బాస్ ద్వారా ఆమెకి పెద్దగా ఒరిగింది ఏమీలేదు. అయితే ఫేడ్ అవుట్ అయిన కిరణ్ రాథోడ్ కి బిగ్ బాస్ ద్వారా కాస్త గుర్తింపు లభించింది. 2001లో చిత్ర పరిశ్రమలోకి అడుగు పెట్టిన కిరణ్ రాథోడ్.. నువ్వు లేక నేను లేను, జెమిని, భాగ్యలక్ష్మి బంపర్ డ్రా లాంటి చిత్రాల్లో నటించింది. ఇంకా అనేక చిన్న చిత్రాల్లో నటించి మెప్పించింది. 

బోల్డ్ గా కనిపిస్తూ ఆ తరహా ముద్ర వేయించుకుంది. కిరణ్ రాథోడ్ ఎవరో కాదు బాలీవుడ్ నటి రవీనా టాండన్ కి కజిన్ అవుతుంది. తాజాగా కిరణ్ రాథోడ్.. శృంగార తార మరో బిగ్ బాస్ 7 కంటెస్టెంట్ షకీలా హోస్ట్ చేసిన చాట్ షోలో పాల్గొంది. షకీలాకి తన జీవితంలో జరిగిన సంఘటనలు, చిత్ర పరిశ్రమలో ఎదురైన చేదు అనుభవాలని వివరించింది. 

సినిమా అవకాశాలు తగ్గిన తర్వాత కిరణ్ రాథోడ్ ఒక యాప్ ప్రారంభించిందట. ఆ యాప్ లో తన హాట్ వీడియోలు, ఫోటోలు పోస్ట్ చేశానని తెలిపింది. దర్శకులు, నిర్మాతలు ఆ వీడియోలు చూసి నాకు సినిమా ఛాన్స్ ఇస్తారేమో అనుకున్నా. కానీ ఎవ్వరూ అవకాశం ఇవ్వలేదు. కానీ చాలా మంది డబ్బులిస్తాం కమిట్మెంట్ ఇస్తారా అంటూ అసభ్యంగా మాట్లాడతారు. అలా వరుసగా కాల్స్ చేస్తుండడంతో ఆ యాప్ ని ఆపేసినట్లు కిరణ్ రాథోడ్ పేర్కొంది. 

కానీ ఇప్పుడు ఇంస్టాగ్రామ్లో అలాంటి వీడియోలు, ఫోటోలు పోస్ట్ చేస్తున్నా. అవకాశాల కోసం ఇలా చేస్తున్నా. కానీ వాటిపై కూడా నెగిటివ్ కామెంట్స్ చేస్తున్నారు. కమిట్మెంట్ ఇస్తానని ఇలా హింట్ ఇస్తున్నావా అంటూ కొందరు కామెంట్స్ చేస్తున్నారు. నేను ఎలాంటి శృంగార చిత్రాల్లో నటించలేదు. కానీ నాపై మీడియా ఆ ముద్ర వేసింది. 

హాట్ వీడియోలు చాలా మంది నటీమణులు చేస్తున్నారు. కానీ నాపైనే ఎందుకు విమర్శలు వస్తున్నాయో అర్థం కావడం లేదు. నాకు ఇష్టమైన బట్టలు వేసుకుని సోషల్ మీడియాలో పోస్ట్ చేస్తుంటే అసభ్యంగా కామెంట్స్ చేస్తున్నారు. గతంలో నేను ఒక వ్యక్తిని ప్రేమించా. నాలుగేళ్లు రిలేషన్ లో ఉన్నాము. కానీ అతడు మంచి వాడు కాదని తెలిసింది. అతడిని పెళ్లి చేసుకుని ఉంటే నన్ను చెంపేసేవాడేమో. అలాంటి వ్యక్తి కోసం నేను  చాలా మూవీ ఆఫర్స్ వదిలేసుకున్నా అని కిరణ్ రాథోడ్ షకీలాకి చెబుతూ ఆవేదన వ్యక్తం చేసింది. 

ప్రస్తుతం నేను ఒంటరిగా ఉన్నా. నేను తీసుకున్న ఒక్క తప్పుడు నిర్ణయం వల్ల నా జీవితం ఇలా అయింది. ఆఫర్స్ వస్తే నటించాలని ఉంది. అవకాశాల కోసం ప్రయత్నిస్తుంటే.. ముందుగా ఆఫర్ ఉందని అంటారు. కమిట్మెంట్ అడిగి డబ్బులు ఇష్టం అంటారు. ఇండస్ట్రీలో ఎవ్వరిని నమ్మకూడదని అర్థం అయినట్లు కిరణ్ రాథోడ్ పేర్కొంది.