Bheemla Nayak day2 collections: 2వ రోజు కూడా నైజాంలో ఆల్ టైం రికార్డ్.. అక్కడ బ్రేక్ ఈవెన్ కి చేరువలో..

పవర్ స్టార్ పవన్ కళ్యాణ్, రానా దగ్గుబాటి కలసి నటించిన భీమ్లా నాయక్ చిత్రం శుక్రవారం థియేటర్స్ లో విడుదలైంది. దీనితో పవన్ అభిమానుల సంబరాలతో తెలుగు రాష్ట్రాల్లో పండగ వాతావరణం కనిపించింది. యూఎస్, బ్రిటన్ దేశాల్లో కూడా పవన్ ఫ్యాన్స్ భీమ్లా నాయక్ చిత్ర రిలీజ్ ని సెలెబ్రేట్ చేసుకున్నారు. భీమ్లా నాయక్ మూవీ రీసౌండింగ్ బ్లాక్ బస్టర్ దిశగా దూసుకుపోతోంది. తొలి షో నుంచే ఈ చిత్రానికి పాజిటివ్ టాక్ మొదలైంది.

తెలుగు రాష్ట్రాలతో పాటు ఓవర్సీస్ లో కూడా భీమ్లా నాయక్ చిత్రానికి సాలిడ్ గా వసూళ్లు నమోదవుతున్నాయి. భీమ్లా నాయక్ చిత్రం తొలి రోజు తెలుగు రాష్ట్రాల్లో 26 కోట్ల షేర్ రాబట్టింది. నైజాంలో 13 కోట్లకు పైగా షేర్ నమోదై ఆల్ టైం రికార్డ్ గా నిలిచింది. భీమ్లా నాయక్ చిత్రం రెండవ రోజు కూడా అదే దూకుడు కొనసాగించింది. 

రెండో రోజు కూడా భీమ్లా నాయక్ చిత్రం స్టన్నింగ్ నంబర్ నమోదు చేసే మరోసారి ఆల్ టైం రికార్డ్ సృష్టించింది. నైజాంలో రెండవరోజు భీమ్లా నాయక్ చిత్రం 7.5 కోట్ల షేర్ రాబట్టింది. దీనితో నైజాం ఏరియాలో టోటల్ షేర్ 19.5 కోట్లకు చేరింది. ఇక మిగిలిన ఏరియాలలో రెండవ రోజు షేర్స్ గమనిస్తే.. సీడెడ్ లో 1.6 కోట్లు, ఈస్ట్ లో 74 లక్షలు, వెస్ట్ లో 42 లక్షలు, కృష్ణలో 65 లక్షలు, గుంటూరులో 65 లక్షలు, నెల్లూరులో 36 లక్షలు, ఉత్తరాంధ్రలో 1.29 కోట్ల షేర్ నమోదైంది. 

దీనితో భీమ్లా నాయక్ చిత్రం తెలుగు రాష్ట్రలో రెండవ రోజు 13 కోట్లకు పైగా షేర్ రాబట్టింది. ఇక రెండు రోజులకు గాను తెలుగు రాష్ట్రాల్లో భీమ్లా నాయక్ చిత్రం 39.6 కోట్ల షేర్ రాబట్టింది. ఓవర్సీస్ లో ఇప్పటికే భీమ్లా నాయక్ చిత్రం 2 మిలియన్ల డాలర్ వసూళ్లకు చేరువైంది. దీనితో భీమ్లా నాయక్ మూవీ మొదట బ్రేక్ ఈవెన్ అయ్యే ప్రాంతం అదే అని అంటున్నారు. 

ఓవర్సీస్ తో కలుపుకుని భీమ్లా నాయక్ మూవీ వరల్డ్ వైడ్ గా రెండు రోజుల్లో 52.5 కోట్ల షేర్.. 81 కోట్ల గ్రాస్ రాబట్టినట్లు అయింది. వరల్డ్ వైడ్ గా భీమ్లా నాయక్ చిత్రానికి 107 కోట్ల ప్రీ రిలీజ్ బిజినెస్ జరిగింది. ఓవర్సీస్, నైజాం లాంటి ప్రాంతాల్లో భీమ్లా నాయక్ చిత్రం బ్రేక్ ఈవెన్ ని సునాయాసంగా చేరుకుంటుంది. కానీ ఏపీలో కృష్ణా లాంటి ప్రాంతాల్లో వసూళ్లపై టికెట్ ధరల ప్రభావం, ఎపి ప్రభుత్వం ఆంక్షలు తీవ్రంగా పడ్డాయి. సో రానున్న రోజులు భీమ్లా నాయక్ చిత్రానికి కీలకంగా మారనున్నాయి. 

ఏపీలో టికెట్ ధరల ఇబ్బందుల్ని పక్కన పెడితే భీమ్లా నాయక్ చిత్రం సాలిడ్ నంబర్స్ రాబడుతోంది అని చెప్పాలి. సాగర్ చంద్ర దర్శకత్వంలో వచ్చిన ఈ చిత్రంలో పవన్ కళ్యాణ్, రానా దగ్గుబాటి తమ పెర్ఫామెన్స్ తో చెలరేగిపోయారు.