Pawan Kalyan:అయ్యో వకీల్ సాబ్ దరిదాపుల్లో లేని భీమ్లా నాయక్..  పవన్ టాప్ ఫైవ్ ఫస్ట్ డే కలెక్షన్స్ మూవీస్ ఇవే!

పవన్ కళ్యాణ్ లేటెస్ట్ మూవీ భీమ్లా నాయక్ (Bheemla Nayak)పాజిటివ్ టాక్ తెచ్చుకుంది. పవన్, రానా సినిమాలో విశ్వరూపం చూపించారన్న మాట వినిపిస్తుంది. ముఖ్యంగా పవన్ ఫ్యాన్స్ భీమ్లా నాయక్ చిత్రం అద్భుతం అంటూ పొగిడేస్తున్నారు. రెండు తెలుగు రాష్ట్రాల్లో భీమ్లా నాయక్ థియేటర్స్ వద్ద కోలాహలం నెలకొంది.   

భారీ హైప్ మధ్య విడుదలైన భీమ్లా నాయక్ కి రికార్డు స్థాయిలో ఓపెనింగ్స్ దక్కాయి. అడ్వాన్స్ బుకింగ్స్ లో జోరు చూపించింది భీమ్లా నాయక్ నైజాంలో బాహుబలి రికార్డు కూడా తుడిచేసింది. అయితే ఓవరాల్ గా భీమ్లా నాయక్ ఫస్ట్ డే కలెక్షన్స్ (Bheemla Nayak collections)విషయంలో వకీల్ సాబ్ ని కూడా దాటలేకపోయింది. నైజాం లో రూ.11.85 కోట్ల షేర్ వసూళ్లతో  ఆల్ టైం రికార్డు నమోదు చేసింది. ఏపీ, తెలంగాణలో కలిపి కేవలం రూ. 26.42 కోట్ల షేర్ రాబట్టింది.  వకీల్ సాబ్ మొదటిరోజు షేర్ తో పోల్చితే ఇది చాలా తక్కువ.

 ఆంధ్రాలో టికెట్స్ ధరలను సాకుగా చూపడానికి వకీల్ సాబ్ విషయంలో కూడా ఏపీ తక్కువ ధరకు టికెట్స్ అమ్మకాలు జరిపింది. అలాగే బెనిఫిట్ షోలకు అనుమతులు ఇవ్వలేదు.  పవన్ నుంచి మూడేళ్ళ తర్వాత వచ్చిన సినిమా వకీల్ సాబ్ (Vakeel saab)రికార్డు ఓపెనింగ్స్ రాబట్టింది.  2021 ఎప్రిల్ 9న విడుదలైన ఈ చిత్రం మిక్స్డ్ టాక్ తెచ్చుకుంది. వకీల్ సాబ్ మొదటి రోజు ఏపీ, తెలంగాణలో రూ. 32.24 కోట్ల షేర్ రాబట్టింది. 

పవన్ (Pawan Kalyan)కెరీర్ లో భారీ హైప్ మధ్య విడుదలైన చిత్రాల్లో అజ్ఞాతవాసి. అట్టర్ ప్లాప్స్ ఖాతాలో చేరిన అజ్ఞాతవాసి ఓపెనింగ్ కలెక్షన్స్ విషయంలో పవన్ కెరీర్ బెస్ట్స్ లో ఒకటిగా నిలిచింది.  పవన్ కళ్యాణ్, త్రివిక్రమ్ కాంబినేషన్‌లో వచ్చిన హ్యాట్రిక్ మూవీ అజ్ఞాతవాసి. పవర్ స్టార్ 25వ సినిమాగా తెరకెక్కిన అజ్ఞాతవాసి మొదటి రోజే 26.65 కోట్ల షేర్ వసూలు చేసింది. ప్రపంచ వ్యాప్తంగా రూ. 40 కోట్ల షేర్ తీసుకొచ్చింది అజ్ఞాతవాసి.

తమిళ చిత్రం వీరం కి తెలుగు రీమేక్ గా తెరకెక్కింది కాటమరాయుడు మొదటి రోజు ఈ చిత్రానికి తెలుగు రాష్ట్రాల్లో రూ. 22.27 కోట్ల షేర్ వచ్చింది. డాలి తెరకెక్కించిన ఈ చిత్రం అజ్ఞాతవాసి తర్వాత భారీ నష్టాలు మిగిల్చి ప్లాప్స్ లిస్ట్ లో చేరింది. అయితే మంచి ఓపెనింగ్స్ దక్కించుకుంది. 

సర్దార్ గబ్బర్ సింగ్ సినిమాను దర్శకుడు బాబీ తెరకెక్కించారు. అయితే ఆయన పేరుకే దర్శకుడు ఈ చిత్ర కర్త కర్మ క్రియ మొత్తం పవనే. పవన్ కళ్యాణ్ చాలా రోజుల తర్వాత కథ, స్క్రీన్ ప్లే రాసుకుని చేసిన సినిమా సర్దార్ గబ్బర్ సింగ్. కాజల్ హీరోయిన్‌గా నటించింది. భారీ అంచనాల మధ్య విడుదలైన ఈ చిత్రం తొలి రోజు ఏపీ, తెలంగాణలో రూ.  21.72 కోట్ల షేర్ వసూలు చేసింది. ఫైనల్ గా నష్టాలు మిగిల్చి ప్లాప్ లిస్ట్ లో చేరింది.