కథేంటి:ముప్పై ఏళ్ల భానుమతి (సలోని లూధ్రా) ఒక్కతే పీస్.. హైబ్రీడ్ పిల్ల.హైదరాబాద్ లోని ఓ కార్పోరేట్ కంపెనీలో సీనియర్ పొజీషన్ లో పని చేస్తూంటుంది. ఆమె తన బాయ్‌ ఫ్రెండ్‌రామ్ తో బ్రేక్ అప్ అయ్యి ఆ బాధలో ఉంటుంది. ఆమె తన సెల్ఫ్ రెస్పెక్ట్ తో జనాలని దూరంగా పెడుతూ, పొగరు అనుకునేలా బిహేవ్ చేస్తూ.. ఓ రకమైన మెకానికల్ జీవితాన్ని గడుపుతూంటుంది. సంతోషం నటిస్తుంటుందికానీ ఆమె జీవితంలో సంతోషంఉండదు.
undefined
ఈ క్రమంలో మరో ముదురు బెండకాయ ముప్పై మూడేళ్ల రామకృష్ణ (నవీన్ చంద్ర) తెనాలి నుంచి ఉద్యోగం నిమిత్తం హైదరాబాద్ వస్తాడు.పల్లెటూరి అమాయకత్వం ఇంకా వదిలించుకోని... అతనికి ఉన్న ఊళ్లో ఏ సంబంధంసెట్ కాదు. ఏజ్ సమస్యలు, ఫ్యామిలీ ప్రాబ్లమ్స్‌ వల్ల పెళ్లి ఆలస్యమవుతూ ఉంటుంది. ఆ బెంగలో అతనుంటాడు. వేర్వేరు నేపధ్యాలు నుంచి వచ్చిన వీళ్లిద్దరూ, వ్యక్తిగతంగానూ విభిన్న ధృవాలు. అయితే విధి వీరిద్దరిని.. ఒకే చోట కలిసి పనిచేసేలా చేస్తోంది.
undefined
అతను.. ఆమె క్రింద జూనియర్గా జాయిన్ అవుతాడు. మెల్లిమెల్లిగా వీరిద్దరి మద్యఏర్పడినచనువు వీళ్లిద్దరినీ ఆకర్షణలో పడేస్తుంది. అది మెల్లి మెల్లిగా ప్రేమగా రూపుదిద్దుకుంటోంది. అయితే ఆ విషయం వీరిద్దరూ గమనించరు. కొంతకాలానికి గమనించినా ఆ విషయం చెప్పడానికి ఆమెకు ఆత్మాభిమానం , అతనికి మొహమాటం అడ్డుపడతాయి. మరి వీళ్లిద్దరూ ఆ అడ్డాలను జయించిఎలా ఒకటి అవుతారు.. ఇద్దరూ మనస్సులో మాటలు చెప్పుకునే సమయం ఎప్పుడు వస్తుంది. చివరకు ఏమైంది వంటి విషయాలు తెలియాలంటే సినిమా చూడాల్సిందే.
undefined
ఎలా ఉంది:"హ్యాపీనెస్ అందరికీ ఒకటే కాదు... ఒక్కొక్కరికీ ఒక్కోటి... నా హ్యాపీనెస్ ఏమిటో రామకృష్ణ ఒక్కడికే తెలుసు. ఇప్పుడు నేను వెళ్తోంది వాడి కోసం కాదు నా కోసం..." అన్న ఒక్క డైలాగుతో హీరోయిన్ మనస్సులో ఉన్న భావనను తేల్చి చెప్పేసిన డైరక్టర్ నిజంగా గ్రేట్ అనిపిస్తుంది. ఒక ఏజ్ వచ్చాక.. ఆకర్షణని స్వచ్చమైన ప్రేమ డామినేట్ చేస్తుందని, దాన్ని పిక్చరైజ్ చేసారు. ఈ జనరేషన్ వారు ఎదురుగానే లివింగ్ రిలేషన్ షిప్ లో ఉంటే... దాన్ని చూస్తూ చివరకు ఐలవ్యూ కూడా చెప్పుకోవటానికి మనస్సులోనే మొహమాటపడిపోయే జంటను మన ముందుంచటం గొప్ప విషయమే. అక్కడే దర్శకుడు మార్కులు వేయించేసుకుంటారు. రకరకాల కారణాలతో వివాహాలు లేటు అవుతున్న చాలా మంది కుర్రాళ్లు, అమ్మాయిలు ఐడెంటిఫై అయ్యే స్టోరీ లైన్ ఇది .
undefined
సాధారణంగా రొమాంటిక్ కామెడీలకు ఫలానా అమ్మాయి.. ఫలానా వాడినే చేసుకుంటుంది అని ఫస్ట్ లోనే అర్దమయ్యేలా సెటప్ ఉంటుంది. ఇందులో సస్పెన్స్ ఏమీ ఉండదు. అయితే వీళ్లద్దరూ ఒకటయ్యే పరిస్దితుల్లోనే రకరకాల సమస్యలను ఏర్చి, కూర్చి కాంప్లిక్ట్ క్రియేట్ చేస్తారు. అలాగే ఈ సినిమాలో హీరో, హీరోయిన్ పాత్రలు రెండూ స్ట్రాంగ్ గా డిజైన్ చేసారు. దాంతో ఎక్కడా బోర్ కొట్టకుండా క్లైమాక్స్ వరకుకర్సర్‌ ముందుకు లాక్కెళ్ల కుండా చూసేస్తాం.
undefined
అయితే దర్శకుడు ఎందుకనో భానుమతి పాత్రను డిజైన్ చేసినంతగా హీరో రామకృష్ణను ఎలివేట్ చేయలేకపోయారు. ఆమె వైపు నుంచే కథ చెప్పుతున్నట్లు ఉంటుంది. అలా కాకుండా రొమాంటిక్ కామెడీ కాబట్టి... ఇద్దరి వైపు నుంచీ రాసుకుంటే బాగుండేది. సినిమా చూస్తూంటే మనకు శేఖర్ కమ్ముల చిత్రం ఆనంద్ గుర్తు వస్తుంది. అందులో రొమాంటిక్ బీట్స్ ఈ సినిమాలో కూడా అంతర్లీనంగా కనిపిస్తాయి.
undefined
అలాగని ఈ సినిమా.. ఆ సినిమాని అనుసరించిందో.. అనుకరించిందో అనలేం. ఒకే విధంగా సాగింది అని చెప్పాలి. ఇంత థిన్ లైన్ ని చక్కటి స్క్రీన్ ప్లేతో రాసుకున్నారు. సెకండాఫ్ లో కొద్దిగా స్పీడ్ పెంచి ఉంటే ఇంకా బాగుండేది. అలాగే ఎమోషన్స్ ని ప్రీ క్లైమాక్స్, క్లైమాక్స్ లో ఇంకాస్త పెంచి ఉంటే ఆ సీన్స్ ఇంకాస్త స్ట్రాంగ్ గా ఉండేవి.
undefined
దర్శకత్వం, మిగతా విభాగాలుదర్శకుడుగా శ్రీకాంత్ కు మంచి మార్కులు పడతాయి. ఫీల్‌గుడ్‌ సినిమాలా సినిమాని అన్ని వైపుల నుంచి జాగ్రత్తలు తీసుకుని డిజైన్ చేసారు. అలాగే ఇలాంటి సినిమాలుకు ప్రాణం పోసేది మ్యాజిక్, కెమెరా వర్క్. ఈ విషయంలో వంద శాతం సక్సెస్ అయ్యారు. మాంటేజ్‌ సాంగ్స్‌ బాగున్నాయి. కానీ రిపీట్ వాల్యూ లేదు. అచ్చు రాజమణి బ్యాక్ గ్రౌండ్ స్కోర్ బాగుంది. ఎక్కడికక్కడ డిఫరెంట్ టోన్స్ తో మూడ్ క్యారీ అయ్యేలా కంపోజింగ్ చేయడం భానుమతి రామకృష్ణకు కలిసొచ్చింది. లొకేషన్స్ పరిమితమే అయినా డీవోపీ సాయిప్రకాశ్‌ ఉమ్మడిసింగు ఆ ఫీల్ ఎక్కడా కనపడనివ్వడు. లైటింగ్, ఫ్రేమింగ్ నీటుగా హాయిగా ఉంది. రవికాంత్‌ పేరేపు ఎడిటింగ్ కూడా ఎక్కడా లాగ్ లేదు. నిర్మాణ విలువలు బాగున్నాయి.
undefined
నటీనటులు:ప్రధాన పాత్రలైన నవీన్ చంద్ర, సలోనీ ఇద్దరూ పోటా పోటిగా నటించారు అనటం కంటే జీవించారనాలి. ఆమె నిజంగానే కాస్తంత వయస్సు ఎక్కువగా కనిపించింది. నవీన్ చంద్ర తనలో మంచి ఆర్టిస్ట్ ఉన్నాడని ప్రూవ్ చేసుకున్నాడు. ఆ పాత్రలో రామకృష్ణే కనిపించాడు. సలోనికి ఇది మొదటి తెలుగు సినిమానే అయినా ఎక్కడా అది కనపడదు. నేటి కార్పోరేట్ కల్చర్ లో ఒత్తిడితో నలిగిపోయే అమ్మాయిగా కనిపించింది.
undefined
సెల్ఫ్ రెస్పెక్ట్... మంకుతనంగా ఎస్టాబ్లిష్ చేయటం వంటివి కళ్లతోనే చేసేసింది. క్లైమాక్స్ ని ఒంటి చేత్తో నిలబెట్టింది. సైడ్ క్యారక్టర్స్ లో ప్రధానంగా వైవా హర్ష ఒక్కడే కాస్త ఎక్కువ సేపు కనిపిస్తాడు. తెనాలి నుంచి వచ్చి సిటీ జీవితాన్ని అనుభవించాలనే తాపత్రయం.. అందుకు హీరో అడ్డుపడుతున్నాడనే ‘ఫ్రస్టేషన్‌’ చూపెడుతూ.. బాగానే నవ్వించాడు.ఫైనల్ థాట్డైరక్ట్ ఓటీటి రిలీజ్ లలో కూడా చూడదగ్గ సినిమాలు వస్తాయనే ఆశను ఈ సినిమా కల్పించింది.--- సూర్య ప్రకాష్ జోశ్యులRating: 35
undefined
ఎవరెవరు...నటీనటులు: నవీన్ చంద్ర, సలోని లుత్రా, రాజా చెంబోలు, వైవా హర్ష తదితరులుసంగీతం: శ్రవణ్‌ భరద్వాజ్‌, అచ్చు రాజమణి (నేపథ్య సంగీతం)సినిమాటోగ్రఫీ: సాయిప్రకాశ్‌ ఉమ్మడిసింగుఎడిటింగ్‌: రవికాంత్‌ పేరేపునిర్మాత: యశ్వంత్‌ ములుకుట్లసమర్పణ: శరత్‌ మరార్‌రచన, దర్శకత్వం: శ్రీకాంత్ నాగోతిబ్యానర్‌: నార్త్‌స్టార్‌ ఎంటర్‌టైన్మెంట్స్‌, క్రిష్‌వివిడుదల: 03072020 (ఆహా ఓటీటీ)
undefined