బాలయ్య సినిమాలపై ఆ మహిళ ప్రభావం, హిట్ సినిమాలన్నీ బాలకృష్ణ ఆమె సలహాతోనే చేశారా..? ఎవరా లేడీ..?

బాలకృష్ణ సినిమాల సక్సెస్ వెనుకు ఓ మహిళ ఉందా..? ఆమె సలహాలతోనే బాలయ్య వరుస హిట్లు  కొడుతున్నారా..? ఇంతకీ ఎవరా లేడీ..? ఎంటా కథ.. ఎంత వరకూ నిజం..?

టాలీవుడ్‌లో మాస్ హీరోగా పేరున్న బాలకృష్ణ `అఖండ`, `వీర సింహారెడ్డి`, `భగవంత్ కేసరి`, `డాకు  మహారాజ్` వంటి సినిమాలతో తన సత్తా చాటారు. ఇప్పుడు మాస్ దర్శకుడు బోయపాటి శ్రీనుతో `అఖండ 2`లో నటిస్తున్నారు. ఈ సినిమా షూటింగ్ ఇటీవలే ప్రారంభమైంది. శివ తత్వం, ప్రకృతిని ఆధారంగా చేసుకుని ఈ సినిమాను బోయపాటి తెరకెక్కిస్తున్నారని సమాచారం. ఇది `అఖండ` కంటే మంచి సినిమా అవుతుందని, బాలయ్య కెరీర్‌లోనే అతి పెద్ద బ్లాక్ బస్టర్ అవుతుందని అంటున్నారు.

ఇంతలో బాలకృష్ణ మరో సినిమాకు సిద్ధమవుతున్నారు. బాలకృష్ణను మాస్ గా చూపించడంలో బోయపాటే దిట్ట అనుకుంటున్న సమయంలో గోపీచంద్ మలినేని `వీర సింహారెడ్డి`లో బాలకృష్ణను వేరేలా చూపించారు. ఇప్పుడు ఈ కాంబినేషన్ మళ్ళీ రిపీట్ కానుందని టాక్. బాలకృష్ణ తన తదుపరి సినిమాను గోపీచంద్ మలినేనితో చేయనున్నారని సమాచారం.

ప్రస్తుతం ఈ వార్త సోషల్ మీడియాలో చక్కర్లు కొడుతోంది. `అఖండ 2: తాండవం` తర్వాత గోపీచంద్ మలినేని సినిమా మొదలవుతుందని తెలుస్తోంది. జూన్ 10న బాలకృష్ణ పుట్టినరోజున ఈ సినిమా ప్రారంభం కానుందని అంటున్నారు. అయితే, ఈ వార్తలో ఎంత నిజముందో తెలియాల్సి ఉంది.

గోపీచంద్ మలినేని `వీర సింహారెడ్డి` తర్వాత రవితేజతో సినిమా చేయాల్సి ఉంది. కానీ, బడ్జెట్ పెరుగుతుందనే కారణంతో ఆ సినిమా ఆగిపోయింది. ప్రస్తుతం బాలీవుడ్‌లోకి అడుగుపెడుతున్న ఆయన సన్నీ డియోల్‌తో `జాట్` అనే మాస్ సినిమా చేస్తున్నారు. ఈ సినిమా తర్వాత బాలకృష్ణ సినిమా మొదలవుతుందని అంటున్నారు.

బాలకృష్ణ ఈ విజయాలు సాధించడానికి ఒక మహిళ కారణమని అంటున్నారు. యువ దర్శకులతో సినిమాలు చేయాలని ఆమె ప్లాన్ చేస్తున్నారట. ఆమె సలహా మేరకు బాలకృష్ణ తనను తాను మార్చుకుని సినిమాలు చేస్తున్నారట. ఆమె ఎవరో కాదు, ఆయన చిన్న కుమార్తె తేజస్విని. `అన్‌స్టాపబుల్` షో నుంచి ఆ తర్వాత వచ్చిన సినిమాల వెనుక ఆమె హస్తం ఉందని అంటున్నారు. బాలయ్య హ్యాట్రిక్ లో ఆమె సలహాలు ఉపయోగపడట్టాయని టాక్.