బాలకృష్ణ, మంచు విష్ణు కాంబినేషన్ లో మిస్ అయిన మల్టీ స్టారర్ మూవీ ఏదో తెలుసా?

నందమూరి నటసింహం బాలయ్యబాబు, మంచు వారి హీరో విష్ణు, ఈ ఇద్దరి కాంబినేషన్ లో ఓ మల్టీస్టారర్ మూవీ మిస్ అయ్యిందని మీకు తెలుసా? ఈ ఇద్దరు స్టార్స్ చేయబోయి మిస్ అయిన ఆ సినిమా ఏదో తెలుసా.? 

ఫిల్మ్ ఇండస్ట్రీలో ఊహించని కాంబినేషన్లు ఎన్నో తెరపై సందడి చేశాయి. అనుకోని కాంబినేషన్లు స్టార్ హీరోల ఫ్యాన్స్ ను సర్ ప్రైజ్ చేశాయి. ఈక్రమంలో కొన్ని స్టార్ కాంబినేషన్లు మిస్ అయ్యాయి కూడా అలాంటి కాంబోలలో నట సింహం బాలకృష్ణ, మంచు విష్ణు కాంబినేషన్ కూడా ఉంది. ఈ ఇద్దరు స్టార్ హీరోలు కలిసి చేయాల్సిన సినిమా ఎలా మిస్ అయ్యింది.

నటసింహం బాలయ్య ప్రస్తుతం వరుస సినిమాలతో బిజీ బిజీగా ఉన్నారు. ఇప్పటికే హ్యాట్రిక్ హిట్ కొట్టిన నందమూరి సీనియర్ హీరో.. డబుల్ హ్యాట్రిక్ దిశగా అడుగులు వేస్తున్నాడు. ప్రస్తుతం యాక్షన్ సినిమాలు దర్శకుడు బోయపాటి శ్రీనుతో బాలయ్య, అఖండ2 సినిమాను భారీ ఎత్తున తెరకెక్కిస్తున్నారు. ఈసినిమా కోసం బాలకృష్ణ అభిమానులు వెయ్యి కళ్లతో ఎదురు చూస్తున్నారు. అఖండ, వీరసింహా రెడ్డి, భగవంత్ కేసరి, డాకు మహరాజ్ సినిమాలతో బాలయ్య వరుసగా నాలుగు హిట్ సినిమాలను సొంతం చేసుకున్నాడు.

అఖండ 2 తరువాత మరో హిట్ సినిమా పడితే డబుల్ హ్యాట్రిక్ రికార్డ్ బాలయ్య బాబు సొంతం అవుతుంది. అందుకే జాగ్రత్తగా అడుగులు వేస్తూ సినిమాలు చేస్తున్నాడు. ఇక రీసెంట్ గా బాలయ్య అఖండ 2 నుంచి రిలీజ్ అయిన టీజర్ కు భారీ ఎత్తున రెస్పాన్స వచ్చింది. నటసింహం పర్ఫామెన్స్ కు పూనకాలతో ఊగిపోయారు అభిమానులు.

ఇక మంచు విష్ణు మాత్రం కన్నప్ప సినిమాతో రికార్డ్స్ బ్రేక్ చేయాలని పట్టుదలతో ఉన్నాడు. కొన్నేళ్ల నుంచి మంచు ఫ్యామిలీకి హిట్ సినిమా లేదు. మంచు విష్ణు సాలిడ్ హిట్ కొట్టి ఎంత కాలం అయ్యిందో ఎవరికీ గుర్తుకూడా లేదు. కాని ఈసారి కాస్త గట్టిగానే కొట్టాలని విశ్వ ప్రయత్నం చేస్తున్నాడు. 

కన్నప్ప సినిమాతో పాన్ ఇండియాను ఇంప్రెస్ చేయడానికి రెడీ అవుతున్నాడు. ఈ సినిమాలో మంచు ఫ్యామిలీ మాత్రమే కాదు ప్రభాస్, మోహన్ లాల్, శరత్ కుమార్, అక్షయ్ కుమార్ లాంటి స్టార్స్ సందడి చేయబోతున్నారు. ఈ నెల 27 రిలీజ్ కాబోతోంది ఈమూవీపై భారీ అచనాలు ఉన్నాయి.

కన్నప్ప నుంచి రిలీజ్ అయిన అప్ డేట్స్ కు కూడా భారీగా రెస్పాన్స్ కూడా వచ్చింది. ఇక బాలయ్యబాబు మంచు విష్ణు కాంబినేషన్ లో సినిమాను చేయాలని ప్రయత్నం చేశారట. ఆ సినిమా మరేదో కాదు కృష్ణార్జున. ఈ సినిమాలో కృష్ణ పాత్రకు బాలయ్య బాబును అడిగారట. 

కాని ఈ పాత్ర తనకు సూట్ అవ్వదు అనుకున్నారట బాలయ్య దాంతో ఈ సినిమాను రిజెక్ట్ చేశారు. ఇక ఈమూవీలో బాలకృష్ణ చేయాల్సిన పాత్రలోకి నాగార్జున వచ్చి చేశారు. అంతే కాదు బాలయ్యతో మరో రెండు సార్లు సినిమా చేయాలని చూశాడట మంచు విష్ణు కాని ఎప్పుడు వీరి కాంబోలో సినిమా కుదరలేదు.

కాని మంచు మనోజ్ మాత్రం బాలయ్యతో సినిమా చేయడంతో సక్సెస్ సాధించాడు. మంచు ఫ్యామిలీ నటించిన ఊ అంటారా.. ఉలిక్కిపడతారా సినిమాలో బాలయ్యబాబు స్పెషల్ క్యారెక్టర్ చేసి అలరించాడు. అలా బాలకృష్ణ మంచు విష్ణు కాంబినేషన్ మల్టీ స్టారర్ సినిమా మిస్ అయ్యింది. 

అంతే కాదు కన్నప్ప సినిమాలో కూడా బాలకృష్ణ నటిస్తున్నాడంటూ కొంత కాలం క్రితం టాలీవుడ్ లో టాక్ వినిపించింది. అయితే మూవీటీమ్ కంప్లీట్ గా ఈసినిమాలో నటుల విషయంలో క్లారిటీ ఇచ్చవరకు ఈ రూమర్స్ కు చెక్ పడినట్టు అయ్యింది.