Devatha: సరైన సమయానికి దేవిని రక్షించిన భాగ్యమ్మ.. నీకు నేనున్నాను అంటూ రాధకు ఆదిత్య భరోసా!

Devatha: బుల్లితెరపై ప్రసారమవుతున్న దేవత (Devatha) సీరియల్ కుటుంబ కథా నేపథ్యంలో కొనసాగుతూ ప్రేక్షకులను బాగా ఆకట్టుకుంటుంది. ఇక ఈ రోజు జులై 4వ తేదీ ఎపిసోడ్‌లో ఏం జరిగిందో తెలుసుకుందాం.  

ఈరోజు ఎపిసోడ్ ప్రారంభంలోనే.. దేవి మాధవ చేతిపై ఉన్నా పచ్చబొట్టు చూసి నాయన ఇది ఎలా వేస్తారు అని అడుగుతుంది. సూదితో గుచ్చుతూ వేస్తారు అమ్మ అని చెప్తాడు.. నొప్పిలేదా నాయన అని అడిగితే.. లేదమ్మా నిన్ను తల్చుకుంటూ వేయించుకున్న అందుకే నాకు నొప్పి లేదు అని చెప్తాడు. అప్పుడే రాధ ఎంట్రీ ఇస్తుంది.. దేవమ్మ స్కూల్ కి టైమ్ అయితుంది.. చల్ నడువు అని తీసుకెళ్తుంది.

ఇక స్కూల్ కి వెళ్లిన చిన్మయి, దేవి అక్కడ పచ్చ పొడుస్తున్న వాళ్ళని చూస్తారు.. అప్పుడు దేవి నేను నాన్న పేరు పచ్చబొట్టు పొడిపించుకుంటాను అని అక్కడికి వెళ్తుంది. నాకు పచ్చబొట్టు వేస్తారా అని అడిగితే వేస్తాను అంటాడు. ఏం బొమ్మ వెయ్యాలమ్మ అని అడిగితే నాన్న పేరు వెయ్యి అంటే వేసే సమయంకు అక్కడికి భాగ్యమ్మ వచ్చి ఆపేస్తుంది. అతన్ని తిట్టి అక్కడి నుంచి తీసుకెళ్లిపోతుంది.

పచ్చబొట్టు చిన్నపిల్లలు వేయించుకోకూడదు.. ఇంకా చాలా సమయం ఉందని వాళ్ళ ఇద్దరినీ స్కూల్ కి భాగ్యమ్మ పంపించేస్తుంది. అతర్వాత సీన్ లో రుక్మిణి ఆదిత్యతో దేవి గురించి మాట్లాడుతుంది. నువ్వు అంటే చాలా ఇష్టం కానీ నీ దగ్గరకు రావడానికి ఆ ప్రేమ సరిపోదు అని చెప్తుంది. మాధవ సారు దేవికి చాలా దగ్గర అవుతున్నాడు.. నువ్వు ఇంకా దూరం అవుతున్నావ్ అని చెప్తుంది.

ఎందుకో ఆ మాధవ ఎప్పుడు నాకు అడ్డు వస్తూనే ఉన్నాడని ఆదిత్య ఫీల్ అవుతాడు.. అప్పుడు రుక్కు.. చిన్మయి ఎక్కడ అనాథ అవుతుందోనని మాధవ సారు బయపడుతున్నట్టు చెప్తుంది. ఆ మాటలు విన్న ఆదిత్య ఫీల్ అవుతాడు. ఇక దేవి స్కూల్ దగ్గర పచ్చబొట్టు సీన్ గురించి రుక్మిణి ఆదిత్యకు చెప్తుంది. అది విని అతను షాక్ అవుతాడు.

నువ్వు ఇంటికి బిడ్డతో వచ్చేయ్యు అని అంటే నేను రాలేను అని చెప్తుంది. అత్తమ్మకు అన్ని చెప్పాలి.. పదేళ్ల కథ అంత చెప్పాలి అని.. అనుమానాలు అని బాధ పడుతుంది. బాధపడకు త్వరలోనే మన అందరం మన ఇంట్లోనే ఉంటాం అని ఆదిత్య చెప్తాడు.. ప్రశాంతంగా ఇంటికి వేళ్ళు రుక్మిణి.. నీకు నేనున్నాను అని రుక్కుని ఇంటికి పంపిస్తాడు.

ఇక మరో సీన్ లో కమల వచ్చి తన డెలివరీ గురించి సత్యకు చెప్తుంది.. నీ డెలివరీకి నీ పక్కనే ఉంటాను అని సత్య ఆనందంగా చెప్తుంది. అతర్వాత ఆదిత్య రైతులతో మాట్లాడుతాడు.. మీ సమస్యలు తీరుస్తాను.. ఆఫీస్ కు రండీ అంటాడు.. అప్పుడే ఆడి కారులో దేవి వస్తుంది. ఆఫీసర్ సారూ కారు ఎలా ఉందని అడుగుతుంది. బాగుందమ్మా అంటే మా నాన్న తెస్తాడు అంట అని చెప్తుంది. ఆ సీన్ చూసి ఆదిత్య కుళ్ళిపోతాడు. ఇంతటితో ఎపిసోడ్ పూర్తవుతుంది.. మరి రేపటి భాగంలో ఏం జరుగుతుందో చూడాలి.