యంగ్ బ్యూటీ అషురెడ్డి (Ashu Reddy) సంప్రదాయ దుస్తుల్లో మెరిసిపోతోంది. తాజాగా పట్టుచీరలో దర్శనమిచ్చి పండగ వాతావరణాన్ని తీసుకొచ్చింది. అషురెడ్డి ట్రెడిషనల్ లుక్ కు నెటిజన్లు ఫిదా అవుతున్నారు. పొగడ్తలతో ముంచెత్తున్నారు.
డబ్ స్మాష్ వీడియోలతో ‘జూనియర్ సమంత’గా యూత్ లో క్రేజ్ దక్కించుకుంది అందాల అషురెడ్డి. సోషల్ మీడియాలో సెన్సేషన్ గా మారిన ఈ బ్యూటీ.. ఆ వెంటనే సెన్సేషనల్ డైరెక్టర్ రామ్ గోపాల్ వర్మతో చేసిన బోల్డ్ ఇంటర్వ్యూతో సెలబ్రెటీగా మారిపోయింది.
దాంతో అషుకు కింగ్ నాగార్జున హోస్ట్ గా వ్యవహరిస్తున్న రియాలిటీ షో ‘బిగ్ బాస్ తెలుగు’లో అవకాశం దక్కించుకున్న విషయం తెలిసిందే. సీజన్ 3తో పాటు ఓటీటీలో వచ్చిన ఐదో సీజన్ లోనూ అవకాశం దక్కించుకుంది.
ఇలా రెండు సార్లు హౌజ్ లోకి ఎంట్రీ ఇచ్చిన అషురెడ్డి బుల్లితెర ప్రేక్షకుల్లో బోలెడంత క్రేజ్ దక్కించుకుంది. దీంతో నటిగానూ అవకాశాలు అందుకుంటోంది. చివరిగా ‘ఫోకస్’ చిత్రంలో పోలీస్ ఆఫీసర్ గా అలరించింది. అలా వెండితెరపై సందడి చేసింది.
మరోవైపు సోషల్ మీడియాలోనూ అషురెడ్డి ఎప్పుడూ యాక్టివ్ గా ఉంటుందనే విషయం తెలిసిందే. ముఖ్యంగా ఈ బోల్డ్ బ్యూటీ అందాల రచ్చ మామూలుగా ఉండదు. పొట్టి దుస్తులు, బికినీల్లో దుమారం రేపుతుంటుంది. ఈ క్రమంలో ఆమె డ్రెస్సింగ్ పైనా అప్పట్లో విమర్శలు కూడా వచ్చాయి.
అయితే తాజాగా అషురెడ్డి సంప్రదాయ దుస్తుల్లో నిండు తెలుగుతనంతో దర్శనమిచ్చింది. చూడముచ్చటగా తయారై నెట్టింట తళుక్కున మెరిసింది. సంక్రాంతి వైబ్స్ ను తీసుకొస్తూ ఈ ఫొటోను అభిమానులతో పంచుకుంది. దీనిపై నెటిజన్లు ఆసక్తికరంగా కామెంట్స్ చేస్తున్నారు.
అప్పట్లో దుమ్మెత్తిపోసిన నెటిజన్లే.. ఇప్పుడు అషురెడ్డిని పొగడ్తలతో ఆకాశానికి ఎత్తుతున్నారు. నిన్ను ఇలానే చూడాలని అనుకున్నాం.. ఎంత బాగున్నావ్ అషు... ఇన్నాళ్లకు సంప్రదాయ దుస్తుల్లో దర్శనమిచ్చినందుకు థ్యాంక్స్ అంటూ కామెంట్లు పెడుతున్నారు. పిక్స్ లైక్స్, కామెంట్లతో వైరల్ చేస్తున్నారు.