అనుష్క శెట్టి ఎంతో మంది కుర్రకారుకి డ్రీమ్‌ గర్ల్. పెద్ద వాళ్లు సైతం ఆమె అందానికి ఫిదా అయినవాళ్లే. అయితే తన లైఫ్‌లో ఫస్ట్ క్రష్‌ గురించి ఓపెన్ అయ్యింది అనుష్క శెట్టి.
అనుష్క శెట్టి ఓ రహస్యం బయటపెట్టింది. ఇన్నాళ్లు బయటకు రాని ఓ నిజాన్ని ఆమె వెల్లడించింది. మొదట లవ్ ప్రపోజల్‌గా గురించి ఓపెన్ అయ్యింది. మొదటి క్రష్‌ ఎప్పుడు జరిగిందో చెప్పింది అనుష్క. ఆ విషయం తెలిస్తే మాత్రం షాక్‌ అవ్వాల్సిందే. తన మొదటి లవ్ ప్రపోజల్‌ స్కూల్‌లో జరిగిందట. ఆరో తరగతిలోనే తాను లవ్ ప్రపోజల్‌ ఎదుర్కొందట. తనతోపాటు చదివే కుర్రాడు తనకు లవ్ ప్రపోజ్‌ చేశాడట. అయితే అది ప్రేమ అనే విషయం తెలియదట. ఆ అబ్బాయి లవ్ ప్రపోజ్‌ చేయగానే ఓకే అని చెప్పిందట. తర్వాత అదొక మెమెరీగా నిలిచిపోయిందని అంటోంది అనుష్క శెట్టి.
చాలా రోజుల క్రితం అనుష్కని జయప్రద ఇంటర్వ్యూ చేసిన వీడియో క్లిప్‌ ఒకటి ఇప్పుడు యూట్యూబ్‌లో ట్రెండ్‌ అవుతుంది. ఇది వైరల్‌గా మారిన నేపథ్యంలో ఇందులో ఆమె చెప్పిన విషయం మరింత వైరల్‌గా, హాట్‌ టాపిక్‌గా మారింది. అనుష్క మొదటి క్రష్‌ అనేది రచ్చ చేస్తుంది. అందరిలోనూ దీనిపై ఆసక్తి ఏర్పడిన నేపథ్యంలో ఈ షార్ట్ నెట్టింట రచ్చ చేస్తుంది.
ఇందులో మరికొన్ని విషయాలను పంచుకుంది అనుష్క. ఇప్పుడున్న హీరోయిన్లలో తనకు నచ్చిన హీరోయిన్లు ఎవరు అనే ప్రశ్నకి, త్రిష,నయనతార, అలాగే భూమిక అంటే ఇష్టమని, వాళ్ల నటన, వ్యక్తిత్వం బాగా నచ్చుతుందని పేర్కొంది.దీంతోపాటు మరో సీక్రెట్‌ని వెళ్లడించింది. తాను ఫోన్‌ని సరిగా క్యారీ చేయనని, అదే తన పెద్ద వీక్‌నెస్‌ అని పేర్కొంది. నాగార్జున గురించి చెబుతూ, ఆయన చాలా పాజిటివ్‌గా, కంఫర్ట్ గా ఉంటారని పేర్కొంది అనుష్క.
`సూపర్` చిత్రంతో హీరోయిన్‌గా అడుగుపెట్టింది అనుష్క. అంతకు ముందు యోగా టీచర్‌గా చేసింది. ముంబయిలో అనుష్కని చూసిన పూరీ `సూపర్` సినిమాలో హీరోయిన్‌గా ఎంపిక చేశారు. ఆమెకి ఇష్టం లేకపోయినా, నటించడం రాకపోయినా ఆమె నచ్చి సినిమాల్లోకి తీసుకున్నారు. అలా అయిష్టంగానే, భయం భయంగానే సినిమాల్లోకి వచ్చింది అనుష్క శెట్టి. ఆ తర్వాత అనతి కాలంలోనే టాలీవుడ్‌ని రూల్‌ చేసే స్థాయికి చేరుకుంది.
లేడీ ఓరియెంటెడ్‌ చిత్రాలకు కేరాఫ్‌గా నిలిచింది. ప్రస్తుతం హీరోయిన్లలో టాప్‌ హీరోయిన్‌గా నిలిచింది. లేడీ సూపర్ స్టార్‌ ఇమేజ్‌తో రాణిస్తుంది. ఇటీవల కొంత గ్యాప్‌ తీసుకున్న అనుష్క మళ్లీ కుర్ర హీరో నవీన్‌ పొలిశెట్టితో కలిసి నటిస్తుంది. `మిస్‌ శెట్టి మిస్టర్‌ పొలిశెట్టి` చిత్రంలో నటిస్తుంది. ఈ కామెడీ ఎంటర్‌టైనర్‌ త్వరలోనే ఆడియెన్స్ ముందుకు రాబోతుంది.